| المواضيع الأخيرة | » ( مقدمة الديوان ) الخميس 29 نوفمبر 2018, 2:24 pm من طرف عيد تايب يوسف» ( الخروج من الجَنّة ) قصيدة بالعامية المصريةالخميس 29 نوفمبر 2018, 2:17 pm من طرف عيد تايب يوسف» ( أبواب الشمس ) قصيدة بالعامية المصريةالخميس 29 نوفمبر 2018, 2:03 pm من طرف عيد تايب يوسف» ( كرَكيب ) قصيدة بالعامية المصريةالخميس 29 نوفمبر 2018, 1:50 pm من طرف عيد تايب يوسف» ( أُمنيّة التمثال ) قصيدة بالعامية المصريةالخميس 29 نوفمبر 2018, 1:40 pm من طرف عيد تايب يوسف» ( المقياس ) قصيدة بالعامية المصريةالخميس 29 نوفمبر 2018, 1:27 pm من طرف عيد تايب يوسف» ( كارت شَحن ) قصيدة بالعامية المصريةالخميس 29 نوفمبر 2018, 1:16 pm من طرف عيد تايب يوسف» ( لِعْبَه صَعْبَه ) قصيدة بالعامية المصريةالخميس 29 نوفمبر 2018, 1:01 pm من طرف عيد تايب يوسف» ( الحالة ) قصيدة بالعامية المصريةالخميس 29 نوفمبر 2018, 6:57 am من طرف عيد تايب يوسف» ( حكايةفاشل ) قصيدة بالعامية المصريةالخميس 29 نوفمبر 2018, 6:38 am من طرف عيد تايب يوسف |
| أفضل 10 أعضاء في هذا المنتدى | |
تدفق ال  | |
| أفضل 10 أعضاء في هذا الأسبوع | |
| أفضل 10 أعضاء في هذا الشهر | |
| | | <<< قصة رجولة استاذ >>> |  |
|
+15حميد العامري amr جرح في ملامح إنسانه كل دقة فى قلبى آسراصحابه شهد الملكة الهام المصرى صبرى ماله حدود عازف المزمار GoldenBoy د . عصام عبد الرحمن omarpop23 ضحكة خجل eslam aaa علا المصرى 19 مشترك | |
| كاتب الموضوع | رسالة |
|---|
كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: <<< قصة رجولة استاذ >>> الأحد 27 مارس 2016, 5:52 pm | |
| <<< قصة رجولة استاذ >>> قصة رجولة استاذ … الحلقــــة الاولى مع توديع اخـــــر نفس فى شقه فى السيده زينب وكلمات معتاده (ربنا يجعلها اخر الاحزان ) (البقاء لله ) (منجلكيش فى حاجه وحشه يا حبيبتــــــــى ) قفلت فريده الباب ودخلت اوضه فيها فيها سرير واحد قعدت ع طرف السرير وهى بتعيــــط وبتلمس بأديها مكان معــــــــــــين فى السرير وهى بتقول فريده:الله يرحمكــــــ يا ماما هتوحشينى اوى بتعيط فريده وهى بتبــــــــــــــــص ع الصور المتعلقه وهى بتحصن مامتها فيها وصور وهى صغيره وسط باباها ومامتها ووسط زحمه افكارها دى خبط البــــــــاب فاقت فريده من غيبوبتها المؤقته وسط الذكريـــــــــــات فريده:خير يا عم ابراهيم ابراهيم:طب قوليلى اتفضل الاول فريده:طبعا اتفضل انا بس هنا لوحدى زى ما حضرتكــــ عارف ابراهيم :يا بنتى انتى زى بنتى وعلشان تطمنى خلى الباب مفتوح فريده:انا مقصدش بس ابراهيم: ليكى حق تخافى يا بنتى الدنيا مبقاش فيهــــــــــــا امان فريده:خير يا عم ابراهيم فيه حاجه ؟ ابراهيم:بصى يا بنتى ,انتى عارفه الظروف اللى الواحد فيها ومفيش حد بيرحم التانى و فريده:من غير ما تكمل يا عم ابراهيــــــم ,انا عارفه انى متأخره فى ايجار ست شهور بس حضرتك عارف الظروف انا ماما تعبت وكان لازم اقعد من الشغل لانى مكنتش هقدر اوفق بين شغلــى والكليه وماما وان شاء الله هجبهوملكـــــ قريب ابراهيم:قريب امتى يعنى فريده:يعنى ع الشهر الجديد ان شاء الله ,انا هنزل ادور ع شغل كمان وبأذن الله يوصلولك ابراهيم:وانا هستنى بس ع شرط فريده:اتفضل ابراهيم:ميجوش ناقصين حاجه اظن كده عدانى العيب فريده:حاضر يا عم ابراهيم حاضر ابراهيم:بالاذن انا بقى فريده:اتفضل قفلت فريــــــــــده الباب ونفس عم ابراهيم لسا موجود فى المكان بكلامه اللى زود مشاكلها بمشكله جديده ولكن حزنها ع مامتها لغى ده ودخلت لاوضه ذكرياتها علشان تحضنها من جديد ____________________________________________________ بيرن تليفــــــون فريده , بتبص على اسم المتصل بتلاقيها امانى , بتخطف التليفون كأنه طوق النجاه من احزانها ومن دموعها اللى زى الشلال اللى مش عارفه توقفه او حتى تتأقلم معاه هى مش عارفه غير تغرق فيــــــــه وبس امانى:اخباركــ ايه يا حبيبتى عامله ايه دلوقت ؟ فريده:مش كويسه خالص ,خالص يا امانى انا تعبانه مش عارفه ازاى هعيش من غيرهـــــا امى دى حياتى كان نفسى اروح معاها ليه سبتنى لوحدى بس امانى:ايه الكلام ده يا فريده انا معرفش عنك كده استعيذى بالله من الشيطان الرجيم ,حرام عليكـــــى ,بلاش كده فريده:اعوذ بالله من الشيطان الرجيم ,انا بس تعبانه كان نفسى تكون موجوده معايا امانى:هى معاكى يا فريده , هى جواكى ,ده انتى نسخه منها جربى تبصى لنفسك فى المرايا مش هتلاقى غيرها ,وهى اكيد شيفاكى دلوقت ومش هترضى ان ده يبقى حالكـــــ فريده: بس مش هلاقى حد يخدنى فى حضنه زيهـــــا امانى:هو انا صحيح مش زيها بس انا معاكى وعمرى ما هسيبكــــ وبعدين ربنا يخليلكــــ ابتسام اختكــ ,هى فين صحيح فريده:روحت مع جوزها وعيالها امانى:طيب انا عاوزاكى تقومى تنامى بقى بس قبل ما تنامى اتوضى وصلى ركعتين كده علشان تروحى الجامعه بكره فريده:جامعه ايه بس انا تعبانه ومش قادره امانى:لا ى فريده مش هينفع كده انتى فاتك كتير انتى قاعده من زمان والامتحانات قدامها شهر ونـــص وبس مينفعش كده فريده:بس انا لازم ادور على شغل ,صاحب البيت هيطردنى لو مدفعتش الايجار المتأخر وانتى عارفه انى مليش مكــــــان غير ده امانى:خلاص يبقى تروحى الجامعه وبعد الجامعه ندور سوا وانا هكلملكـــــ عمار يمكن يكون عنده شغل فريده:اشكرهولى اوى يا امانى امانى:انتى عبيطه يا بنتى ,خليكى فى اللى انتى فيه وعلى فكره طه كلم عمار وبيقول انه زعلان لانك مبترديش عليه فريده:انا هقوم اصلى يا امانى امانى:وانا هعدى عليكـــــــى الساعه 8 هكون فوق دماغكــ فريده:ان شاء الله ,سلام رمت فريده التليفون فى احضان السرير وقامت وقفت قدام المرايــــا (ده انتى نسخه منها جربى تبصى لنفسك فى المرايا مش هتلاقى غيرها ) كانت فريده بتبص لنفسها فى المرايا وهى مندهشه ومش مصدقه فأول مره تحس الكلمه وتشوفها بجد هى حاسه انها شايفه صوره كانت مامتها ورتهالها ليها فى نفس عمر فريده تقريباً , طول عمرها كل الناس تقولها انها نسخه مصغره من مامتها ولكن اول مره تحس بكده فعلاً ,يمكن ربنا اراد يعمل كده علشان فريده تحس انها مش لوحدهـــــا ,فعلا حست وكأنها جسد بـــــــ روحين ابتسمت لاول مره ولكن لنسختها اللى فى المرايا وراحت تتوضى ___________________________________________________________ دخل حســــن الفيلا يجرى على السلالم مش شايف قدامه حاجه ,تقريبا قلبه كان بيحركه دخل الاوضه ,جومانا نايمه على فوتيه وطارق واقف باصص لسالم بتركيز وهو نايم على السريــــر حسن:ايه حصل لبابا يا طارق انا سايبه كويس طارق:اهدى يا حسن وتعالى نتكلم بره علشان هو لسا واخد حقنه مهدئه ونام من شويـــــه خرج حسن وطارق وفاقت جومانا على صوت حسن وخرجت وراهم حسن:فهمونى ايه حصل وبابا ماله والدكتور قال ايه حد ينطق جومانا:انكل جاله حاله اكتئاب وفقد النطــــق حسن:ايه انتى بتقولى ايه انا سايبه كويس ايه حصله وانا مش موجود مسكــ حسن ايد جومانا وهو بيقولها الجمله جومانا:حسن ايدى !!! طارق:اهدى يا طارق الدكتور قال هم اتعرض لصدمه او حد قاله خبر وحش حسن:خبر ايه الساعه واحده بالليل ,احكيلى يا جومانا ايه حصل ارجوكى بالتفاصيل ؟ جومانا:انا كنت نايمه وفاجأه سمعت صوت جامد ,خرجت لقيته واقع على السلم ومغمى عليه ,اتصلت بالدكتور وطارق وبعدين كلمتكــــ حسن: والدكتور قال ايه ؟ طارق:هو رجله اتكسرت من الوقعه وفيه اثر جروح سطحيـهــ بس جسديا هو كويس حسن:طيب حد ضايقه حصل حاجه ؟ جومانا:خالص انا نايمه وكان كويس جدا حسن:طيب انا ممكن اسفره اى مكان طارق:الدكتور قال هو مش محتاج ده ,لانه مرض نفسى مش عضوى حسن:هو دكتور مين ؟؟ انا لازم اكلمه واعرف حالته بالضبطــ _______________________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 5:53 pm | |
| صحيت فريده من النوم اتوضت و ابتدت تصلـــــى وبعد ما خلصت صلاه وقفت قدام المرايا كأنها بتشوف مامتها وبتصبح عليهـــــا ففريده تمتلكـــ عيون بنيه مكحله , فم صغير ممتلىء , انف صغيره , ووجهه مستدير وبشره قمحيه , قصيره , متناسقه الجسد ) الساعه 8 و4 دقائق ’ نازله فريده من بيتهـــــا , قابلتها ابتسامه سعد ,فردت عليها بابتسامه بارده سعد:انتى رايحه الكليه ؟ بترد فريده وهى نازلهــ فريده:اها بعد اذنكــ سعد:تحبى اوصلكـــــ فريده:لا متشكره جدا وبتوصل امانى فى الوقت المناسب لفريده فريده:انتى اتأخرتى ليه ؟ امانى:اتاخرت ده الساعه 8 وعشره فريده:طيب يالا بينــــــا امانى :ايه الحكايهــــ مسكت فريده ايد امانى وبعدت بيها عن البيتــــــ امانى:خلاص مشينا ايه يا بنتى فريده:ولا حاجهــ امانى:مين اللى كان نازل معاكى ده فريده:ده سعد امانى : هو ده فريده: اه هو يالا بينــــا بقى ع المحاضره ______________________________________________ وقف حسن قدام سرير سالم سالم رجل فى اواخر الخمسينات ,ان نظرت لوجهه احسست بالوقار فى وجهه الرجل , شعره ملون باللون الابيض اللامع , عيون واسعه ,انف متوسطه الحجم , طويل .. حسن:مالكــــ يا بابا بس لو تتكلم وتقولى ,انا مينفعش من غيركـــــــ ارجوكـــــ متتخلاش عنى سالم صاحى وفى كون لوحده اخترعه خيالــــــــــه . دخلت جومانا لحسن …. جومانا: يا بيبى يالا قوم ارتاح مش هينفع كــــــــدهــ ,انت من ساعه السفر وانت تعبان حسن:بابا يا جومانا جومانا:تعالى بس يا قلبى وانا هنسيكــــــ تعبكـــ ده مشى حسن ورا ايد جومانا بشكل تلقائى بدون ادنى مقاومه فجومانا كأنثى لا تقاوم جومانا فـ السادسه والعشرون من عمرها ,تتمتع بجمال يفيض عن الاعجاب به او وصفه , فلديها بشريه برونزيه قد اختارتها فى احد رحلاتهــــــا لبلد ما , عيون واسعه زرقاء , شعر بنى , انف صغيره لا تلاحظ مع تفاصيل الوجهه , انف ممتلىء متوسط الحجم ,جسد فارع متناسق , انثى كل ما بها يفتن وكل ما بها يبرز جماله عن الاخر حتـــــى يكون محط للفت النظر فى كوكب جمالهــــــــا ____________________________________________ فريده يالا بقى يا شباب انا همشـــــــى عمار:تمشى ايه بس استنى طه موصينى عاوزكــــــ وبعدين احنا مش قولنا هندور ع شغل سوا فريده: يا جماعه انا مش فايقه بجد ومش قادره هو مش عارف انا تعبانه ازاى !!!!!! يدخل طه بعنيه وسط المناقشه …… طه: سلام عليكوا رد الجميع: وع السلام طه: بعد اذنكـــ يا فريده عاوزكــــ بينسحب عمار وامانى لانها عارفين ان فريده مش هترضى غير بالطريقه دى طه: مكنتيش بتردى عليا ليه فريده: انت بتحاسبنى ع ايه ,امى ماتت عارف يعنى ايه امى ماتت وبتنزل دموع فريده من غير ما تحس طه: اممممم يا فريده انا كنت عاوز اطمن عليكى فريده: واديك اطمنت ممكن بقى تسبنى امشى طه : فريده انا عاوزه اجى اتقدملكــــ فريده:انت فاكر بكده هتفرحنى الكلمه دى سمعتها منك مليون مره ,انا قولتلك مبفكرش فى كده ,انا وانت مننفعش لبعض ,انت بنى ادم كويس بس عاوزنى ابقى تحت امرك وانا مش تحت امر حد ,انت عاوزنى اعمل وانا مغمضه وانا مش كده طه:بس ده من خوفى انا راجل يا فريده فريده:وانا بنت يا طه ,بعد اذنك لازم امشى علشان ادور ع شغل طه:شغل كمان ّّّ!!!!!!!! انا مش موافق فريده :وانا ماشيه ______________________________________________ فريده فى بيتهــــــــــــا ونايمه وفجأه دق الباب ع ودنها بتفتح الباب شافت قدامها ابراهيم وسعد وابتسام وعبد اللطيفـــــ اتفاجأت فريده وسألت من غير ما تاخد بالها فريده:ايه اللى جابكوا ابتسام :وسعى كده يا فريده ,خشى انتى غيرى وانا جيالكـــــ عبداللطيف :اتفضلوا يا جماعه ,اتفضل يا حاج ابراهيم ,اتفضل يا سعد جريت فريده ع اوضتها ونفسها تفسر ايه اللى بيحصل لحد ما دخلت ابتسام ورمتلها قنبله انفجر صوتها مع اول حروفها ابتسام :اغسلى وشك كده واستعدى يا عروسه فريده:عروســــه !!!!!!!!! | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 5:56 pm | |
| قصة رجولة استاذ … الحلقــــة الثانية ابتسام:اه عروســــــهـــ ,, انتى كبرتى ومينفعش تعدى كده بعد ما امكــ ماتت وعبداللطيف بيقول فريده:اها عبد اللطيف ,عبد اللطيف ده جوزكــــ انتى وكلامه مش هيمشى غير عليكى انتى وبس انتى فاهمه يا ابتسامـــ ابتسام:هو راجلنا دلوقت يا فريده ,ربنا يهديكى وسعد كويس وابن حلال وبيحبك وشاريكى فريده:بيحبنى ,بيحب مين ده محترمش مشاعر حزنى يا امى ’بس هلومه ليه اذا كنتى انتى محترمتهاش وهى امكـــ ولا نسيتى ابتسام:وطى صوتكـــ يا فريده الناس بره فريده:هما ناس دول ناس انتوا ازاى انا روحى ماتت امى ماتت حرام عليكـــــــوا !!! دخل صوت عبداللطيفــــ ع صوتهم وهى مكشر وبيزعق عبداللطيف :ايه الصوت ده الناس بره وانتى لسا ملبستيش يا فريده ليه ؟ بتبصله فريدهــ باستغرابــ فريده:انت بتكلمنى كده ليه اصلا ! عبد اللطيف:اومال اكلمكــــ ازاى ,الحق عليا انا عاوز مصلحتك ثم انا مش هخلى الناس تتكلم عليا بسببكــــ فريده:تتكلم عليك ازاى الناس كلها عارفه انا ايه ثم ان عبداللطيف:بقولكــ ايه مطلعيش كلمتين الكليه اللى انتى بتروحيها دى ع دماغى فريده:خلاص وانا مش قابله ومش عاوزاهـــ عبد اللطيف:لا هترضى بيه ,متنسيش ان اختك ليها نص الشقه دى واحنا بصراحه عاوزين حقنا فيها والحاج ابراهيم هيدينا خلو كويس ولو مرضتيش ولا هنشوف حاجه وهيطردك من الشقه ابتسام :يا جماعه براحه , يا حبيبتى وهيفتحلك شقتين ع بعض استهدى بالله كدهـــ فريده:يا امى تعالى حرام عليكوا , احترموا ان امى ماتت حرام عليكوا عبداللطيف:بت انتى انتوا فاكرانا ايـــــه انتوا شايفين طالعين نزغرط الناس هتفهم اننا عاوزين نستركــــ فكرت فريده شويه فى كلام عبداللطيف وقالت تهاودهم مؤقتا لحد ما تشوفـــــ حل _______________________________________________ خرج الدكتـــــــــــــور من اوضه سالم حسن:ها اخباره ايه دلوقتــــ يا دكتور ؟ د.ممدوح : انا مش عارفــــــ اقولكـــ ايه .. بس مكدبش عليكـــــ حالاته النفسيه بتسؤء وده ممكن يأثر عليه جسدياً ,انا شايفــــ ان مفيش حد مهتم بيهـ خالص . حسن: غصب عنى بجد المجموعه كلها بقت مسئوله منى بعد تعبهــ ده د.ممدوح :مش عارفـــ اقولك ايه بس كان من الاحسن انك تكون جمبه ,بس كده انصحكــــ بأنكــــ تجيب حد يقيم معاه 24 ساعه يهتم بيه ,يتكلم معاه ,يقراله الكتب اللى بيحبهـــــــا , يشغله موسيقى بيحبها ,يشجعهـــ انه يرجع تانى للحياه ويتأقلم تانى حسن:طيب ممكن حضرتكــــ تشوف ممرضه من المستشفى عندكــــ د.ممدوح :حاله سالم بيه مش عاوزه ممرضه يا حسن والا كنت نقلته المستشفى هو عاوز حد يرجعه للدنيا حسن:بس ده صعبـــــ اوى يحصل ازاى ده !!!!!! د.ممدوح:انت ممكن تعمل اعلان فى الجرنال وتكتب الموصفات اللى عاوزها حسن:وتفتكر هنلاقى د.ممدوح :ده اسلم حل واللى جاى هيكون عارف هو هيعمل ايه وكمان مش هيجيلك غير اللى انت طلبته حسن:خلاص هعمل كده من بكره الصبح فى كل الجرايد _______________________________________________________ مشـــــــــــيت جميع الانفاس من الشقه دخلتـــ فريده اوضتها ,محتاره مش عارفه تعمل ايه!!!!!!!!!!! و ازاى وفقت ع حاجه مش مقتنعه بيها نهائى خدت صوره مامتها وفضلتــــ تكلمها وتعاتبها ع انها سابتهــــــــــا رن موبايل فريــــــده امانى:ايهـــ يا جميل بكلمك من بدرى وبعدين منمتيش كل ده ,بكره وراكى شغل وجامعهــــ فريده:شغل ايه وجامعهـــ ايه بس انا فى نصيبه امانى:ايه يا بنتى خيـــــر فريده:انا جالى عريس ووفقتـــــــ امانى:طب جالك عريس اه انما وفقتى !!!!! فريده: انتى متعرفيش اللى حصل ,جوز اختى بيهددنى بانه عاوز نصيب ابتسام من البيت وانى لازم اتجوز امانى:نصيب بيت ايه ,وده ماله بالعريس فريده:ما هو العريس ده سعد امانى:سعد اللى بتحكى عنه فريده:اه هو امانى:طب وطهــ فريده:طه مين بس انا ولا بحب ده ولا بحب ده امانى:ايوه يا فريده بس لو هترتبطى هتختارى طه ع الاقل ليه مستقبل وكليه كويسه ,انتى كنتى قولتليلى ان سعد ده معهوش شهادهـ فريده:اسكتى والنبى يا امانى هو انا هتجوز راجل ولا شهاده , والله لو كنت بحب سعد مكنتش اترددت ع الاقل تحسيه متفاهم وامبارح وهو بيتكلم معاهم شارينــــــى ,انما طهـ ده مبيحبش غير نفسهـــ وبس ومتحكم ,المشكله انى مش عاوزه الاتنين امانى:طيب وفقتى ليـهـ بقى ّّ!!!!!!!! فريده:بقول ايه انا من الصبح عبد اللطيف الله يسمحه امانى:والعمل ؟ فريده:انا هقابل سعد بكره لانى طلبت منهـ كده قبل ما يسافر علشان اعرفه ولو جيه الرفض منهـ ,ابوه هيستنى عليا وعبداللطيف مش هيقجر ينطق امانى:فكره حلوه هتشوفيه امتى بقى ؟ فريده:الصبح بقى مهو انا مش هروح الجامعه كده لانه مش هينفع امانى:وطمنينـــــى فريده:اكيد ان شاء الله ,تصبحى ع خير امانى:وانتى من اهله __________________________________________________ فى اوضــــــــه حسن وجومانا حسن شاب فى الثامنه والعشرون من عمــــــره , طويل البنيه , عيناه عسلى واسعه , انفه طويل مدبب , له شعر بنى مرتفع , فمه متوسط الحجم .. جومانا:ايه يا بيبى هتعمل ايهـــ ؟ حسن:هنزل اعلان بكره فى كل الجرايد والمجالات .. جومانا:انا شيفاك مهتم بالموضوع زيادهــ حسن:طبعا يا جومانا ده بابا انتى بتتكلمى فى ايهـــ جومانا:فيه حاجه مهمه عاوزه اقولهالكــــ حسن:ايه تانى جومانا:وحشتنى اوى حسن:يا سلام قربت جومانـــا من حسن و مسكت الكرفت بتاعته وايدها ع شفايفه واتكلمتـــ بصوت رقيق وبهدوء شديد جومانا:هو انت متعرفش ان انتى حبيبـــــى حسن:طبــ تعالى بقى اقولكــــ انا الاهم __________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 5:56 pm | |
| نزلت فريده من بيتها ,دخلت كافيه قى مدينه نصر ,قال اسمهــــ سعد بعد اقناع رهيب منهــــ ليها ولانها متعرفش مكان غير بيتها والجامعه … دخلت الكافيهـ شافت سعد قاعد , حست من ابتسامته انه فهم مقابلتها غلط , وانها بتقابله علشان تتعرف عليه بعد موفقاتها عليهـــ امبارح سعد:واقفه كده ليهــ اقعدى فريده:اها هعد ,انا هعد ,انا قعدت اهوه صح قعدتــــ سعد:هههههههههه بجد انا محظوظ بيكــــى يا فريده فريده:انا كنت عاوز افاتحكـــ فى موضوع سعد:اتفضلى ,فيه حاجه امبارح مطلبتهاش وعاوزاها اؤمرينـــــــى فريده:انا مش موافقهـــــ سعد:ع ايهــــ فريده:ع الارتباط ,اقصد ع ارتباطنا ببعض ,وقبل ما تكمل انا وفقت بس غصب عنى ,باباكــ بيهددنى انى هسيب البيت وجوز اختى عاوز نصيبه بعد ما ولدك وعده انه هيسيبه وانا مش قدامى غيركـــ انه ينقذنى فلو انت رفضتــــ اكيد مش هيجيبوا اللوم عليــــــا سعد:انتى فيه حد فى حياتكــــ ,رفضانى يعنى فريده:بالعكس والله خالص ,انا رافضه الموضوع صدقنى انا بعذك جدا وانت بنى ادم محترم وغير حزنى ع امى اللى محدش محترمه خالص ارجوك ساعدنى سعد:انا مش وحش يا فريده ,انا ممكن مكنش كملت تعليمى بس انا جايب مجموع كبير فى الثانويه وابويا اللى قعدنى لانى ابنه الوحيد وعاوز يشغلنى ويجوزنى ,ومقدرتش اتكلم فريده:صدقنى انا مش رفضاكــــ ,ممكن تساعدنى وتحققلى طلبى سعد:انا هساعدكـــــ لانى بحبكــــ _____________________________________________ دخلت فريده بيتها بالليل بعد الساعه 8 بالليل لانها استلمت اول يـــــــــوم فى الشغـــــل ,اتفاجأت بعم ابراهيم ابراهيم:حمد الله ع السلامهــــ فريده:الله يسلم حضرتكــــ ابراهيم:عاوزك ف كلمتين فريده:اتفضل ابراهيم: ولو انه ميصحش ع السلم كده بس هقولهم بكره عاوز الشقه تفضالى فريده:ليــــهـــ كده يا عم ابراهيم ,انت شوفت منى حاجه وحشه وسعد ابراهيم:سعد سافر لشغله بعد ما قال انه مش عاوزكــــ واتفاجأت انا من التغيير ده بس بعد ما ولاد الحلال قالولى انه كان معاكى انهارده فهمت ومش عاوز شوشره فريده:بس بس ابراهيم:ولا بس ولا مش بس ,بكره الشقه تفضى ومفيش فلوس ,انتوا متاخرين اصلا عن الايجار فريده:انا اشتغلت ابراهيم:وانا مش عاوزك فى البيت انتى انسه والكلام هيبقى كتير بالاذن انا _________________________________________________ فتحت ابتسام البـــــــاب شافت قدامها فريده ابتسام:فريـده !!!! عيطت فريده فى حضن ابتسام بعد ما شافت شنطه هدومهـــــا ابتسام:حصل ايه يا فريده سمع عبد اللطيف صوتهم راح للباب عبداللطيف:ايهـــ حصل ما تنطقى فريده:عم ابراهيم طردنى من البيت ومش هيدينا فلوس عبداللطيف:اكيد حصل حاجه ,انطقى عملتى ايهــــ فريده:والله ما عملت حاجه ,سعد مش عاوزنى ,وسافر هو قال انتوا مش بتدفعوا الايجار وبكره تفضوا الشقه عبداللطيف:لا هو مين ,انا نازله اشوف عاوز ايه ده وناخد حقنا منه _____________________________________________________ دخل عبد اللطيفــــــ البيت الساعه 12 بالليل ,ابتسام وفريده فى الصاله ,رمى السلام ودخل اوضته ,دخلت ابتسام وراه ابتسام:ايهـــ الفلوس دى يا راجل عبد اللطيف: دى فلوس البيت يا وليه وطى صوتكــــ ابتسام:ليه مش فريده ليها حق فيهم برضوا عبد اللطيف:حق مين ,دى هتعد معانا يعنى اكل وشرب وقرف ,هتقاسمنا فى مصاريف عيالنا ابتسام:بس هى قالتلى انها بتشتغل هى عاوزه تنام بس جمب العيال عبداللطيف:بقولكـــ ايه انا مش عاوز رغى ستات , مش هتطول حاجه منهم كفايه انها هتعد فى بيتى ابتسام:هدى نفسكــــ يا اخويا خلاص عنها ما خدت ,احضرلك العشا عبداللطيف:لا ,انا هدخل الحمام واجيلكــ خليكى هنا خرج عبداللطيف من اوضته مكنش حد موجود فى الصالهـــ سمع صوت جاى من الحمام , اتاكد انها فريدهــــ …. بص من عين الباب …حست فريده بحركهــــ فريده:مين ؟ عبداللطيف:انا يا فريده قدامك كتير فريده:لا انا خارجه ممكن تبعد بس عبداللطيف:هشوف اللى متشفش , اخرجى ادينى بعيد خرجت فريده من الحمام … | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 5:58 pm | |
| قصة رجولة استاذ … الحلقــــة الثالثة خرجت فريده من الحمام و وبتتبعها نظرات عبد اللطيف اللى ما اتكسفتش من خجل فريده فريده: هو فيهـــ حاجه !!! عبداللطيف:فيه حاجاتـــ خرجت ابتسام وكانت طوق النجاه لفريده فى اللحظه دى ابتسام: كل ده فى الحمام عبداللطيف:انتى ايه خرجكـــ دلوقتـــ فريده:تتصبحوا على خيــــر ابتسام: وانتى من اهلهـــ يا حبيبتى اتغطى كويس _______________________________________________ قام حسنـــ من النوم , بص ع جومانا اللى فى دنيا تانيه خرج من اوضتهـــ دخل اوضه سالم اللى تايهه فى دنيته الجديده قعد حسن قدام سالم ومسكـــ ايديه وباسها وابتدى يتكلم والدموع بتسبقه حسن : نفسى اعرف مالك يا با با ,خدنى للدنيا اللى انت فيها ارجوك متسبنيش كده ,انا فعلا ضايع من غيرك , لو حاجه فى الشغل مضيقاك والله يا بابا كل الشغل كويس مستنيك وبس ارجوك ارجعلى انا ولا حاجه من غيركـــ مشى حسن من اوضه باباه وسايب قلبهــ ,,,,,, دخل اوضته جومانا فاقت على صوت موبايل حسن حسن:هخرج بالموبايـــل بره سورى يا حبيبتى جومانا:انكل اخباره ايهــ ؟؟ حسن:ابقى ادخلى اتكلمى معاه يمكن يكلمكـــ انتى جومانا:ماشى يا بيبى ,اخرج بقى علشان انام _____________________________________________________ نزلت فريده من سجنها , راحت الجامعه واول ما دخلت الجامعه , شافت طهـــ اللى راح ناحيتها اول ما شافها طه:صباح الخير فريده:صباح النور طه :وراكى محاضرات دلوقتـــــ فريده:هتبتدى كمان نص ساعه طه:طيب ممكن اتكلم معاكى شويه وعكس المتوقع ,وفقت فريده وده اللى استغربه طهــ فريده:ماشى طه:طيب تعالى اعزمك ع حاجه فى الكافتيريا فريده: لا هنا كويس طه:خلاص اتفضلى ,يا فريده انا بكرر عرضى عليكـــــى فى موضوع الخطوبه فريده:ادينى فرصه افكر يا طه طه:بجد فريده:اها .بس عاوز منك حاجه ؟ طه:اتفضلى فريده:لازم تغير طريقتك دى ,انت لازم تكون متفاهم طه: ماشى يا فريده , بس وفقى انتى بس فريده :ان شاء الله ________________________________________________ دخل طارق المكتب لحسنـــــ طارق:الورق ده لازم تمضى عليهــــ يا حسن ؟ حسن ؟ حسن ؟ حسن: ورق ايهــ يا طارق بس نزلت الاعلانات طارق:اها فى كل الجرايد والمجالات انهارده حسن:طيب وعملت المقابلات فين طارق :هنا فى المكتب حسن: لازم تهتم بالموضوع ده بنفسكــــــ يا طارق ولما توصل لحد كويس تعرضه عليا الاول طارق:حاضر ,هو اخباره ايه دلوقت حسن: مش كويس خالص كل ما ابص ف عنيه احس انه عاوز يقولى حاجه وبعدين يبعد عنى وشه , انا اول مره اخاف طارق:لالا اجمد كده ان شاء الله يبقى كويس متقلقش حسن:يارب | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 5:59 pm | |
| خرجتــ فريده وامانى من المحاضـره امانى:يعنى قعدتى واتكلمتى معاه فريده:اه , مفيش غيره هينقذنى من اللى انا فيه ده غيره , وكمان عبداللطيف امانى:عبداللطيف!!! ماله فريده:نظراته بتخوفنى يا امانى ,ده غير ان الوضع ده مش هينفع يستمر امانى:وضع ايه فريده:انى اقعد معاهم فى بيت واحــــد , لو استحملونى انهارده مش هيستحملونى بكره , ده غير ان طه وعدنى يتغير امانى:انتى واثقه من قرارك ده انا حاسه انك مش فريده فريده:هعمل ايه يا امانى انتى لو مكانى هتعزرينى , نصيبى امانى:طيب وحب حياتك اللى نفسك تقابليه فريده:ربنا مش مقدرلى بقى امانى:خايفه عليكى من نفسكـــــ فريده:المهم عامله ايه مع عمار امانى :كويسين الحمد لله , عامله ايه فى شغلكـــ ؟ فريده:ادينى بشتغل بس الله اعرف اوفق بين الشغل والدراسه امانى: ربنا يقويكى ان شاء الله __________________________________________________ دخلت فريده البيت الساعه 8 وعبداللطيف قاعد على الكرســــى عبداللطيف فى اوائل الاربعيناتـ , شعره هرب من رأسه تاركا له بعض الخصلات , له عيون ضيقه وانف كبير وفم متوسط , متوسط الطول , لديه كرش يسقط منه …. عبداللطيف:يا اهلا يا اهلا فريده:مساء الخير ابتسام:ادخلى يا حبيبتى , هحضرلك العشا عبداللطيف: استنى انتى عشا ايهــ , ايه التأخير ده فريده:انا كنت فى الشغل عبداللطيف: وهو كل يوم ع النظام ده , الناس تاكل وشى فريده:ليه بس ؟ ده انا بشتغل عبداللطيف:وانا مالى بشغلك ده ,كنتى متلقحه فى بيت اهلك وكنتى بعيده ,انما دلوقت انتى فى وشى فريده:طيب انا هحاول ادور ع شغل تانى عبداللطيف:اما نشوف قومى حضرلها العشا فريده:لا انا اصلا تعبانه عبداللطيف:شوفى اهى اللى انتى واجعه قلبنا عليها بتصرف نفسها بلا هم قومى اعملى شاى دخلت فريده الاوضه وهى ع اتم الاستعداد للانهيار فى العياط , مش عارفه تعمل ايه فى حياتها اللى دبحتها من غير رحمه ______________________________________________ دخل حسنـــ الفيلا , شاف جومانا نازله من السلم لابسهــ فستان احمر يليق بهـــا , يزيد من الفستان جمال , فجسدها يذوب له الحرير بصها حسن بنظره كلها اعجاب حسن: اميرتى رايحهـــ فين جومانا:زهقانه يا بيبى والله , رايحهـــ لمايا حسن:لو كان بابا قبل ما يكمل حسن جملتهــــ حطت جومانا ايديها ع بوقه جومانا: عارفه يا بيبى , بحبكــــ ملقاش حاجه حسن غير انه يبوس ايدهـــــا بكل لهفه حسن:ما تيجى نتعشى فوق جومانا:بيبى , انا خارجه ومش هتاخــــر حسن: وانا مستنى ,, هطمن ع بابا وهستناكى ___________________________________________ بتخبط جومانا على البابــــ ,,, جومانا: اممممم وحشتكـــ طارق:لا جومانا:طيب انا ماشيه سحبها طارق من ايدها لحضنه طارق:استنى يا مجنونه اصل انتى ع طول هنا فى حضنى 24 ساعهــ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:01 pm | |
| قصة رجولة استاذ … الحلقــــة الرابعة اممممممم بتبصـــــ جومانا لطارق بأنوثهـ جومانا:تعرف طارق:احب اعرف تضحكـــــ جومانا , ضحكه اشبه بجوهره تود ان تلتقتها وتضعها فى صمام قلبكـــ حتى يطيل من عمره جومانا:انا بتكلم جد طارق:وانا عاوز الجــــــــــد جومانا: طارق طارق:جومانـــ جومانا: تعرف انى بحبكـــــ طارق:ما انا عارف جومانا:وانت ؟ طارق:بموووووووت فيــــــــا بتضحك جومانا ويضحك لضحكتها طــــــارقـــــ جومانا:هنعمل ايه فى موضوع انكل سالم ده طارق:مممممممممم انا مطمن جومانا:ازاى ؟ طارق:هاتى بوسه وانا اقولكـــــ جومانا:طارق ,,, بليز قول طارق:ممممممم علشان تعرفى انا بحبكــــ قد ايه بس جومانا:كمل طارق:وبموت فيكى ازاى جومانا:يا طارق طارق:امممم مش كنتى ادتينى بوسه واستريحتى جومانا:اخلص يا طارق طارق:اصل سالم بيه مش هيخف تانى ابدااااااااا جومانا:ازاى طارق:هحكيلك ,, هو بعد ما اغمى عليا انا اتفقت مع الدكتور اتفاق جومانا: اتفاق!!!!! طارق :اه , هيديله ادويه تلغبط وتزود من الاكتئاب ده ويمكن كمان تأثر ع عضلات القلب ونخلص جومانا:مممممممم ده انت كده مش عاوزه بوسه بس وبتتحركـــــ جومانا اتجاه الاوضه وبتنادى ع طارق بعيونها ____________________________________________________ خرجت فريده من اوضتهــــــــــا الساعه 3 فجراً , علشان تاكل لانها مكلتش من الصبح دخلت المطبخ ,, خدت منه طبق جبنه اتفاجأت عبداللطيف قدامهـــــــــــا … عبداللطيف:انتى جعانه فريده:اصل انا عبداللطيف:والجمال ده كله ياكل جبنه بس وعيش ساقع كمان ومد عبداللطيف ايده فى محاوله منه يمسكـــــ ايد فريده ,, فبعدت فريده عنه فريده:اها عادى اى حاجه عبداللطيف:انتى بس لو تفهمينى فريده:هى ابتسام صاحيه عبداللطيف:طب براحه ع الجبنه بقى مبجبهاش ببلاش انا هربت فريده لاوضتها من نظرات عبداللطيفــــــــــــ ____________________________________________________ صحـــــــى حسن من النوم ملقاش جومانا جمبه ,, استغرب وقام دور عليها ملقهاش وفجأه سمع صوت بيفتح باب اوضتهم حسن:جومانا انتى كنتى فين جومانا:ايه يا بيبى كنت بلعب رياضهــــ قوم قوم الساعه بقت 9 حسن:حبيبى يا نشيط انت ,استنيتك امبارح جومانا:انا جيت لقيتكـــــ نمت بقى ,, زعلانه منك خالص اصلا حسن:القمر بتاعى ميزعلش منى ابدا ابدا ,, تحبى تتعشى فين انهارده جومانا:فى قلبكـــــ بصلها حسن بنظره اعجاب من لباقتها واسلوبها فى انها تجذب اى حوار لكلامها جومانا:ايه يا بيبــــــى سكت ليه حسن:بحبكــــــ جومانا:مممممممم هتعشينى فين بقى حسن:هههههههههههههههه اختارى اى مكان وانا تحت امرك ,ابعتيلى مسدج بس علشان الحق احجز ,انا داخل اخد شاور بقى اتنفست جومانا ,,, واتصل بيها طارق جومانا:انت بتتصل ليه دلوقت طارق:خايف عليكى جومانا:مممممممم متقلقش ,,انا لبس الرياضه ف العربيه غيرت والفستان فى العربيه وطالما ما اتصلش بالليل يبقى كان نايم هو يعنى كان هيستنى للصبح يسألنى طارق:كل حاجه فيكى مش ساهله جومانا:طب اقفل دلوقت ________________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:02 pm | |
| طه :خير يا فريده قولتى انك عوزانى بسرعهـــــ خير وايه نزلك اانهارده ومعندكيش محاضرات فريده:انا موافقه طه:ع ايهــــ فريده: ع طلبكـــــ طه:بجد فريده:الكلام ده مفيهوش هزار طه:طيب انتى مش فرحانه ليه فريده:بالعكس فرحانه طه:طيب هاجى امتى اكلمهم فريده:انا هقولهم وهقولك ع معاد طه:وانا مستنيكـــــــــــى فريده ان شاء الله ,بعد اذنك انا هروح بقى طه:طيب اجى اوصلكـــــ فريده:لا شكرا بعد اذتكــــــ مشيت فريده وفرحه طه بابتسامه الانتصار ع شفايفه بانه كسب معركه فريده ,,,طه شاب فى الفرقه الاخيره لكليه الصيدله ,, شاف فريده مره وهو بيقابل صحابه فى كليه الادابـــ طه شاب يتميز بالوسامه ,,, من اسره متوسطه الحال بل تعلو عليه ,…. _______________________________________________ راجعه فريده للبيت بعد يوم مرهق فى الشغل ,رن موبايلها باسم امانى امانى:هو اللى انا سمعته من عمار ده بجد فريده:اه بجد امانى :ليه كده يا فريده فريده:ليه ايه يا امانى ,,,, لو ع ليه ليه اللى بيحصل فيا ,, ليه كل الناس مش بتسبنى فى حالى ,, انا عاوزه يبقى ليا راجل يا فريده يمنع عين عبداللطيف عنى وطالما لازم راجل يبقى طمعان فيا , فيبقى بالحلال بقى وكمان طه بيحبنى امانى: انا عذراكى يا فريده بس انتى مش فى وعيكـــــ فريده:لما الناس تفوق الاول هفوق ارجوكى كفايه ,انا بكرهه الغلط امانى:ومين قال انك هتغلطى فريده:مش يمكن يحصل غصب عنى سكتت امانى لكلام فريده وكملت فريده فريده:متقلقيش عليا يا امانى ,, طه بيحبنى وان شاء الله هنجح معاه ,, ويتغير وهو وعدنى ويمكن احبه امانىكان شاء الله فريده:طب انا هقفل بقى علشان هطلع البيت وهبقى اكلمك لما ادخل الاوضه امانى:خلاص ماشى ___________________________________________ نزلت جومانا من على السلم بأقل من البطــــــىء وكان السلم رافض يخلص ومتمسك بجمال الكون ….. حسن: هو انتى ازاى ؟ جومانا:نعم !! حسن: هاتى ايدكـــ هاتى ايدكـــــ ضحكت جومانا وهى بتمسك فى ايد حسنــــــ حسن:كمان ,, بس علشان ما اقعش منك فى السكهــــ جومانا:كهو انكل عامل ايهـــــ حسن:انا لسا خارج من عنده وبرضوا زى ما هو الدكتور قال انه بيتحسن بس مش عارف ليهــــ انا حاسس العكس جومانا: لالا انت هتعرف اكتر من الدوكــ حسن:عندكــ حق جومانا:يالا بينا بقى حسن:يالا بينـــــــــــا بقى بقى ركب حسن العربيه بعد ما ركبت جومانا جومانا فتاه من اصل عربى ولكن مامتها امريكيه ,,, اتولدت هناكـــ واتربت على العادات الامريكيه ,,جت مصر لتدرس فى الجامعه الامريكيه اتعلمت اللغهــــ العربيه من باباها اللى صمم يخليها تتكلمها بسهوله ….. اتجوزت حسن اللى عنده هوس بالفتاه الامريكيهــــ وكانت فرصه لما بقت نسخه عربيه .وحس انه لقى حلم حياته اللى مترددش لحظه فى انه ينقله للواقع _________________________________________________ خرجت فريده من اوضتها اتعدل عبداللطيفـــــ وابتسم فريده:انا كنت عاوزاكوا فى موضوع عبداللطيف:اؤمرى فريده:انا جاى ليا عريس ابتسمت ابتسام واتبدل عبداللطيف ابتسام:مبروكـــــــ يا حبيبتى الف مبروك عبداللطيف:اسكتى بس اسكتى ,مش يمكن تكون جيبالنا واد تلميذ من الجامعه عندها فريده:هو اسمه طه , فى اخر سنه كليه الصيدله وكويس ماديا وعاوز نتخطب دلوقت عبداللطيف:دكتور وبصلك ع ايه ده ابتسام:ليه يا اخويا ده ابتسام قمر ,اللهم ما صلى عليها عبداللطيف:خليه يجى نشوف اخرته ايه ده وعاوزك وله ايهـــــ فريده:امتى ؟؟ عبداللطيف:بعد بكره يا اختى ابتسام:ما تخليها بكره يا عبده عبداللطيف:ماشى يا اختى بكره الساعه 8 | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:04 pm | |
| قصة رجولة استاذ … الحلقــــة الخامسة دخلت فريده اوضتها كل شويهـــــ تمسكــ الموبايل وتسيبهـ تانى وتبص لاسم طهـ اللى شايفاه صـــوره حيهـ قدامها وابتسامته اللى مش نسياها لما قالت انها موافقه _حست ساعتهــــــا من ابتسامته ببانه كسب متش كان مراهن عليهـ ولكن مقدمهاش غير طريق طهـ اتصلتـــ فريده ,,,, فريده:ازيكـــ طه:الحمد لله وانتى عاملهـ ايهــ ؟ فريده:الحمد لله طه :خير ؟ فيه حاجهــ اتفاجأت فريده من رد طه فريده:انا كنت عاوزه اقولكــ انى كلمتهم هنا طه:ها ورأيهم ايه ؟ فريده:هما موافقين تيجــــــى تتقدم طه:امتى ؟ فريده:بكره الساعه 8 طه:ماشى ,انا هاجى بكره الساعه 8 . فريده:ماشى طه:سلام فريده:سلام اتقفل اخر امل لفريده بــــ رنه فى ودنها لما الموبايل اتقفل ,, استغربت من موقف طه وطريقه كلامه وصوته اللى اتعدم من الفرحهـــ ,,,, وطمنت نفسها بأنه اكيد مش هيكون عاوز يتجوزها وهو مضايق من ده … ___________________________________________________ دخل حسن لمكتبــــــ طارق وهو مكشر ومضايق وبصوت عالـــى قاله حسن:ايه يا طارق فين اللى قولتلكـــ عليهـــ ؟ بابا بيضيع منى يوم عن يوم طارق:مجاش حد يا حسن ,, غير واحد وواحد مبيعرفش يقرا كلمتين ع بعض حسن:والحل ايهـ دلوقت؟ طارق:انا بدور مش ساكتــــــ حسن:وهتفضل تدور كده لحد ما يضيع منى ,ايه مفيش حد فى الدنيا يقدر يقعد معاه ,خلصوا . الناس مبتدورش ع شغل طارق:مش عارفـــــ يا حسن بس صدقنى انا مش هسكت وهلاقى حد قريب حسن:فى ظرف يومين يا طارق …. عاوز حد يومين خرج حسن من المكان ,, مسكـ طارق التليفون جومانا:حبيبى طارق: البيه خارج دلوقت من مكتبى شايطـــ جومانا:ليه ؟ طارق:علشان بوزع اى حد يجـــــى علشان ابوه جومانا:وهتفضل كده كتير طارق:انا مستنــــــــى حد اى كلام يجى ,كل اللى بيجوا ناس مثقفه اوى وفاهمين جومانا:والناس دى عاوزه تعد مع حد فى بيت طارق:ههههههههههه هو حد لاقى شغل دلوقتــــــ انتى مش عايشه ولا ايهــ جومانا:طب حاول تتصرف بسرعهـ ,حسن عنيد وممكن يجيبلنا حد يكشف كل اللى حاصل ده طارق:عندك حق هتصرف _______________________________________________________ امانى: وسعى بس احطلكــ ده اخر حاجه والله والله والله فريده:يا ستى خلاص بقى هو يعنى اول مره يشوفنـــــــى ,ده حفظنى وانا مبنزلش بميك اب خالص امانى:يا ستى دى ليلتك ولازم تبينى انك مش قليله وكمان امه بره ,, واول مره تشوفك ,اومال لو كنتى وحشه فريده:اديكى قولتلى انا مش وحشه ها امانى:يا حبيبى يا واثق انت ,,ربنا يسعدك يا فريده فريده:قوليلى مين بره غيره مامتهـ ؟؟ امانى:بصى يا ستى امه وشكلها مش سهله واخته وشكلها مش ساهلتين ووالده وشكله ملوش فى حاجه فريده:ملوش فى حاجه ازاى يعنى ؟؟ امانى:سورى انتى ملكيش فى كلام الناس دى , اقصد يعنى غلبان فريده:وهو الغلبان دلوقت بقى اسمهـــ ملوش فى حاجهـ امانى:حاجه زى كده ,, انتى كده زى القمر فريده:طيب هو انا المفروض اعمل ايه او اقول ايهــــ امانى :متخفيش انا معاكى فريده:ربنا ما يحرمنى منكــــ امانى:وليكى مفاجأه عندى كمان لما تخلصـــــى فريده:قولى دلوقتــــــ ارجوكى ,,, لالا لما تخلصى وبعدين انا معرفهاش ده عمار اللى هيقولهالك وهو بيباركلك ومقليش طبعا لانه عارفنى وعارف انى هقولكــــ امانى :طب يالا بينا بقى _______________________________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:04 pm | |
| خرجت فريده وفى ضهرها امانى ….. والده طه قاعده بتتفرج ع البيت ووالدها قاعد وباصص فى الارض و اخته شاكلها فى اوائل العشرينات وشكلها مش عاجبها الحال وعبداللطيف قاعد وابتسام بتتكلم كلمه وتسكت وطه عينه ع كل ابواب الشقه مستنى خروج فريده …. امانى:العروسهــ وصلت والد طه : بسم الله ماشاء اللهـ , زى القمر ذوقك حلو اوى يا طهـ يا ابنى عبداللطيف:مممممم نتكلم بقى فى التفاصيل طه:انا جاهز باى حاجه يا استاذ عبداللطيف ,, المهم اتجوز فريده اتقبض قلب فريده اول ما طهــ قال كلمته مع ان المفروض تفرح بيها ,, بس هى حست انه داخل معركه مش يبنى مستقبل مع واحده بيحبها ابتسام: ربنا يخليك يا حبيبى ويوفقكوا مع بعض والده طه: وانتى فى سنه كام يا فريده ؟ فريده:انا فى الفرقه الثالثه يا طنط كليه الاداب قسم ارشاد سياحى طه:نقرا الفاتحه بقى يا جماعه ابتسام:بسم الله الرحمن الرحيم وابتدى الجميع يقراها _______________________________________________________ دخلت فريده اوضتها ومعاها امانى امانى:عمار بيتصل بيتصل فريده:ماشى يا ستى ردى ردى امانى: انا هعمل السماعهــ علشان نسمع سوا فريده: يا ستى يكون عاوز يقول كلمه كده ولا كده امانى: لالا هو قال انه ليه عندكــــ مفاجأه فريده:يا مسهل امانى:حبيبى ازيك عمار:روح قلبى وحشتينى هموت واشوفكـــــ امانى:احم احم ,, فريده بتسمعكــ عمار:وسيبانى ,, ازيك يا فرى فريده:الحمد لله انت ازيكـ عمار:الحمد لله ,الف مبروك فريده:الله يباركــــ فيكــــ امانى:قول ع المفاجأه بقى والنبى والنبـــــــى عمار:ماشى يا ست المسروعه ,بصى يا فريده كانت امانى قالتلى انك مش مرتاحه فى بيت اختك وكمان فى الشغل انا لقيتلك وظيفه كويسه جدا وبـ مرتب كبير اوى يعنى تلات الف جنيه فى الشهر فريده:تلات الف جنيه ,, وهيخدونى انا وازاى هبعد عن البيت عمار:بصى الوظيفه دى انك هتقعدى مع راجل كبير تقريله ,, تديله الدوا ,, تسمعيه موسيقى وهتعيشى معاهم فى الفيلا عندهم فريده:انا وانت عرفت ده منين عمار:انا بابا بيشتغل فى شركه حسن بيه دى اللى باباه سالم وسمع كلام انهم مش لاقيين حد وما هيصدقوا يلاقوا واحده مناسبه واول ما سمعت الحكايه جيت اقولكــــ فريده: والشهاده ؟؟ عمار:هما عاوزين حد كويس ومتعلم وانتى مثقفه جدا وبتقرى كتير اوى انا شايف انك مناسبه جدا فريده:ياريتك كنت قولتلى قبل الموضوع ده عمار:ازاى يعنى ؟ فريده:خلاص يا عمار انا موافقه ابعتلى العنوان فى مسدج وانا هاجى بكره من الصبح ________________________________________________ قعدت فريده فى اوضتها تفكر فى كلام عمار ,,,, حست اخيرا انها هتبعد عن عيون عبداللطيف وفى نفس الوقت يبقى معاها فلوس لجوازها وفى نفس الوقت فى جوازها ده اللى شايفاه مش فى محله بس هى مش هتعد عن الناس طول العمر وكمان طهــ هو اللى هيخرجها تشتغل لما تقوله انها مش مرتاحه من نظرات عبداللطيفـــــ لان عبداللطيف اكيد مش هيرضى وطه مقدمهوش حل تانى ,,, فقررت تكلمه وبعدين اترجعتــــ لحد ما تاخد الشغل الاول وتتتاكد انهم قبلوها ومتعملش موضوع على الفاضـــــى ___________________________________________ دخلت فريده الشركه ولبست احسن من عندها وجابت كارنيه الجامعه وكل المعلومات عنها فى ورق وسكنها داخل حسن الشركهـــ متوتر بسبب باباه خبط فى فريده ووقع لهـــــــا كل الورق ع الارض فريده: مش تفتح بص حسنــــ ملقاش غيره فى المكان حسن:تقصدينى فريده:طبعا اقصدكـــــ كده توقعلى الورق حسن:انتى هنا بتعملى ايهــــ فريده:حاجه متخصش حضرتكـ بعد اذنك وابقى خد بالك مش كل مره هتخبط فى حد وهيسكتلك زيى كده حسن:هو انتى كده سكتى ؟ فريده: عن اذنكــــــــ دخلت فريده تسأل عن الوظيفه ,, دخلها السكرتير لمكتب طارق | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:07 pm | |
| قصة رجولة استاذ … الحلقــــة السادسة دخلت فريده لمكتب طارق ,, عنيها كانت بتزور المكان مكتب فخم قاعد طارق فى اواخر العشرينات , وسيم … حس طارق من نظراتها ببراءه غريبه وانها مش فاهمه حاجه فــ الدنيا ودى حاجه هو شاطر فيها جدا بسبب علاقاته النسائيه الكتير … وقفتـــــ فريده قدام المكتب ومقعدتش طارق:هو الكرسى فيه حاجه ؟ بصت فريده للكرسى ومش فاهمه كلام طارق وردت طبيعــــــــى فريده:لا ليـــــــه بتسأل اطلق طارق العنان لضحكتهـــــ اللى حس انه مضحكهاش من فتره كبيره استغربت فريده وحست انه بيضحك عليها فضلت تبص لنفسها واتحرجت ونزلت دموع من عنيها فريده:بعد اذنكــــ قام طارق من مكانه ومسك فريده من دراعها طارق:استنى بس هتمشى ليه فريده:هو حضرتك جايبنى هنا علشان تضحكــــ عليا حس طارقــــ بالكسوف من طريقتها الطفوليه معاه طارق:انا اسف اتفضلـــــــــى فريده:يعنى الكرسى مفيهوش حاجه كانت الضحكه هتنفجر من بوق طارق ولكنه قرر تبقى داخليه حفاظا ع مشاعر فريده ______________________________________________________ دخل طارق و وراه فريـــــــــــده لمكتب حســــن بتخطف فريده النظرات للمكتب اللى شافته مليان بموظفيــــــــــن كتير وحسن بيمضى ع ورق رجعت لوراه واتخضت ونادت ع طارق بتلقائيه فريده:بس بس ضحك طارق طارق:دى ليا انا فريده:اه ليكــــ هو انا اعرف حد هنا غيركـــــ ,هو مين اللى قاعد ع المكتب ده طارق:ده حسن ابن سالم بيهـ اللى المفروض هتقعدى عندهم ,فيه حاجه ؟؟ فريده:لالا ولا حاجهـــــ مشى الناس من مكتبـــــ حسن ,,بص ع طارق وع فريده اللى تقريبا مستخبيه ورا طارق طارق:اخيرا لقينا واحده مناسبه تقعد مع سالم بيهــــ حسن:انتى ؟ بصله طارق باستغراب وفريده مرتبكهــــ مش عارفه تعمل ايهـــ فريده:بص بص انت اللى ابتديت وبعدين مش معقول توقعلى الورق ومتعتذرش صح ضحك حسن وضحكــــ طارق اللى مش فاهم حاجه حسن:مممممممم عارفه انا للاسف محتاجكـــــ ابتسامت فريده ابتسامه انتصار حسن:اتفضل يا طارق حسن:عرفينى ع نفسك بقى فريده:الورق اهوه حسن:اللى وقعتهولكــــــ لالا خلينا فى الجد ,اتكلمى فريده:انا فريده ,, 20 سنه وداخله ع 21 يعنى ,, فى الفرقه الثالثه ارشاد سياحى بحب القرايه جدا وقريت لناس كتير اوى وبعرف اتكلم انجلش مش بطال حسن:ممممممم كويس جدااااااا وابتدت فريده تتناقش مع حسن واتكلموا فى مرض باباه اللى لقاها عندها خلفيه عنه لما شرحلها وضعه من كتاب هى قريته وده عكس اللى شافه طارق .. ففريده بتتمتع بحس طفولى وفكاهى ومع ذلك مهتمه بعقل كل يوم بتغيه بقرايتها المستمره فى اى كتاب تلاقيهـ حسن:مرتبكــــ هيبقى 4 الاف جنيه اتاجأت فريده من المبلغ فريده:4 حسن:خلاص خلاص 5 الاف جنيه ومش هزود عن كده ولبسك هخلى طارق ينزل يشتريه معاكــــــى انتى هتقعدى مع سالم بيه فريده:بس انا لسا بدرس طارق:مفيش مشاكل انتى تخلصى محاضراتك وع البيت ,,,, بابا الصبح بيبقى معاه الدكتور فى اغلب الوقت فريده:وانا عندى 3 ايام فى الاسبوع بس حسن:تمام اتفقنا ________________________________________________ دخلتـــــ فريده البيت وهى فى منتهى السعاده مش عارفه تبتدى مع مين بالكلام وقررت تبتدى مع طهـ لانه هو اللى فى ايده الموضوع ده اتصلتــ بيه بالتليفون مبيردش ,, حاولت كذا مره لحد ما رد فى السابعهــــ فريده:ازيك يا طه طه:الحمد لله وانتى فريده:الحمد لله ,ايه مكنتش بترد ليه طه:لا يا فريده انا مبحبش التحقيقات دى فريده:انا مش بحقق ولا حاجهـــ ,انا بس كنت بطمن عليك طه:واطمنتى فريده:هو انت زعلان منى فى حاجهـــــ طه:لا ليه فريده:اصل انت بتكلمنى بطريقهـــــ بايخه اوى طه:اممممم هنبتدى النكد بقى ووجع القلب هو فيه حاجه يا فريده فريده:كنت عاوزاكـــ فى موضوع طه: موضوع ايه ؟؟ فريده:انا عاوزه اشتغل طه:بصى انا اصلا عاوز اقعدت من الشغل بس صابر لحد ما تبقى فى بيتى , ما انتى بتشتغلى فريده:لا انا هشتغل شغل تانى طه:هو ده الموضوع ,,اشتغلى يا فريده شغل تانى فريده:اصبر بس اصل انا هبات هناكـــــ طه:لا ده بقى ميتسكتش عليه فريده:يا طه ده فى فيلا محترمه جدا لراجل كبير فاقد النطق ومفيش حد معاه نهائى وعلشان اجهز نفسى وغير كده انا مش هعيش عاله ع بيت اختى اكتر من كده طه:هو حد اشتكالك فيهم فريده:بيبان يا طهـ طه:والمطلوب منى فريده:توافق ارجوكـــــــ طه: ماشى يا فريده ,,, وهتورينى المكان لما اشوفكــــ بكره واعملى حسابك ان فيه حاجات كتير اوى هتتغير بعد الجواز محبتش فريده تخلى الموضوعـ يتقلبـــــ ,, فكلمت مكالمتها عادى مع طهــــ __________________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:07 pm | |
| خرجت فريده من اوضتها لمعركه جديده مع عبداللطيفـــــ ولكنها عارفه نهايتها انها هتفوز مهما كانت قوتهـــــ ,, لانها الحكم فى اللعبه ومش هترضى لنفسها الخساره حتى لو اضطرت تحكم من غير ما تلاعبــــــ فريده:انا هسيب البيت من بكره ومتشكره جدا ع ضيافتكـــــ عبداللطيف:ع فين ان شاء الله انتى ليكى حته غير هنا فريده:اه ليا ,شغلى عبداللطيف:هاهاهااااااااااا وايه الشغل ده اللى بيباتوله يا اختى ناويه تشتغلى ممرضه ولا خدامه فريده:ولا ده ولا ده يا عبداللطيف ,,, عموما خطيبى موافق عبداللطيف:انتى بتمسكينى كده من دراعى اللى بيوجعنى يعنــــــى فريده:لا انا بتشكرلكوا ع الكام يوم اللى قضيتهم هنـــــــا ابتسام:شغل ايه ده ى حبيبتى فريده:هشتغل عند راجل كبير فاقد النطق يا ابتسام عبداللطيف:قولنا خدامه ,, قومى يا وليه اعمليلى شاى اجرى ,تروح ما اطرح ما تروح قامت ابتسام وبتمشى فريده وهى فى منتهى القوه ,, انهارده حست ان جواها حاجات كتير عمرها ما تتوقعها الموقف هو اللى بيخليها تتصرف عبداللطيف:استنى عندكـــ فريده:افندم عبداللطيف:هتمشى صحيح ,,ده احنا كنه فريده:ولا كنه ولا كنتوا ,,,,و ربى ولادك وحافظ ع بيتكـــ يا عبداللطيف عبداللطيف:غورى وش فقر _____________________________________________ نزلت فريده من بيتها بنظره جديده للحــــــياه رايحه لفيلا سالم اتفاجأت فريده بالمكان ,, زى اللى بتشوفه فى الافلام , حست انها فى اجمل مكان ممكن تشوفه فى الدنيا ,,كانت بتتأمل كل حاجه بعيونهــــــا وهى مستغرباها وفجأه دخل طارق من وراهـــــــا طارق:بخخخخخ اتخضت فريده لانها تقريبا كانت غايبه عن الوعى طارق:انتى خفيفه كده ليهــــــ فريده:وانت ظريف كده ليهـــ طارق:طب يالا يا هانم علشان اجيبلك اللبس وانا اللى جاى وصاحى من بدرى فريده:لا الاستاذ حسن قال ان الدكتور هيشوفنى الاول واشوف اوضتى واجى معاكـــــــ طارق: يعنى هستنى كتيــــر فريده:ممممممم مش اوى يعنـــــى طارق: طيب هستنى ولو اوى يعنى شايفهـــــ جومانا المشهد من فوق فبتنزل هى وحسن حسن:دى فريده يا جومانا ؟ ودى جومانا يا فريده مراتى جومانا:جومانا هانم طارق:خلصنى بقى يا حسن علشان اخدها اجبلها اللبس حسن:تعالى معايا يا فريــــــــده مشيت فريده ورا حسن وجومانا مركزه مع طارق اللى مشلش عينه من ع فريده جومانا:والله طارق:وحشتينى جومانا:ايه اللى بيحصل ده طارق:ايهـــــ يا حبيبى جومانا:انت بتستهبــــــل ,, عجباكـــ طارق: محدش يعجبنى غيركـــــ اجميل جومانا:وايه حكايتها دى طارق:دى غلبانه يا شيخه ,انا اخترتها مخصوص مبتعرفش فى حاجه ولسا طالبه فى كليه الاداب متقلقيش جومانا:اما نشوفــــــ طارق:اسكتى نازلين اهم ___________________________________________ دخلتــــــ فريده عربيه طارق طارق:العربيه نورت فريده:ميرســــــــى طارق:ها تحبى تروحى فين ؟؟ فريده: مش احنا رايحيين نجيبــــــ لبس يبقى من محل اللبس طارق:محل ,,انتى اللى مصره تضحكينى عموما انا هوديكى مكان ع ذوقكــــــ دخل طارق وفريده لمكان ,, فضلت فريده تتفرج بانبهار فريده:هو احنا هنشترى من هنا طارق:اه فريده:بس مش غالى اوى ده طارق:متقلقيش فريده: طيب انت اللى قولتـــــــ ضحك طارق , اه انا اللى قولتــــــ طارق:ايه رأيك فى ده فريده:يالهوى لالا ده عيب مفتوح اوى بص طارق لفريده وهو مش مصدق ان لسا فيه بنت كده ومن تلقائيتها اللى مش مضايق منها فريده:ايه رأيكـــــ ف ده طارق:حلو اوى ,ادخلى جربى فريده:ماااااااشى دخلت فريده تجرب الفستان وخرجت تتفرج ع نفسها اتفاجأت بطارق قدامهــــــــــــا | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:10 pm | |
| قصة رجولة استاذ … الحلقــــة السابعة طارق:واووووووووووووووووووووووووووو ايهـــ ده الفستان بقى احلى بيكــــى فريده:انت ايه اللى جابكـــــ هنا ممكن تمشى طارق: هههههههههههههههههههههههههههههههههه جبنى هنا ازاى !!!!!! هنا مكان بتقيسى فيه والمفروض اللى جاى معاكى تاخدى رأيك مش انتى هتمشى بالفستان ده فى الشارع بعد كده فريده:انت قولت فى الشارع ,مش واحد هيركز معايا وانا كمان بسمحله بكده طارق:مقنعه اوى فريده:نعم !!!!!!!!! طارق:خلاص همشى بس ع فكره طلعتى موزهـ جامده اوى . ضحكتــــ فريده من طريقهــ طارق , واتكسفتـ منه ودخلت تختار ع حسب تعليمات طارق بس فعلا حست انها محتاجه حد معاها واتمنت وجود امانى معاه وده مخلهاش تتنازل او تفكر حتى تاخد رأى طاارق _________________________________________________ جوه عربيه طارقــــ , اشتغلت اغنيه ولقى ططارق نفسهــــ بيبص لفريده وهو بيضحكـــــــ وبيردد كلام الاغنيه طارق:عندى سؤال وجوابنى عليهــ انت بتعمل فيا انا ايهـــ احساس عمرى ما حسيت بيهــ غير وانا وياكــــ استغربت فريده من طريقه طارق فى الغنـــــــــا وموبايلها رن فريده:ممكن توطى لو سمحت عاوزه ارد طارق حاضر فريده:اسمع طارق:عيونى فريده:اسكتــــــــ اوعى تنطق بكلمه طارق:حاضر ,اوامر تانيه فريده:لا ,الو فريده: انا ف الشغل يا طهــ سمع طارق الاسم واضايق وحاول بكل الطرق انه يتوقع انه اخوها , ابوها ,اى حد يشوفهـــــا بنظره غير نظرته ليهـــــــــا فريده: حاضر يا طه حاضر بعد الجمله دى اتاكد طارق انه اكيد اخوهــا فريده: ممممممممممممممممممم خلاص حاضر ساعه وهكون عندك , لالالا متجيش انا هاجى ,, مش هينفع , ماشى ماشى سلام فريده:ممكن توصلنى بسرعه لجامعه عين شمس وتروح توصل الحاجات دى ع الفيلا طارق :ممممممممم هعمل كده علشان خاطركــ ,بس قوليلى فريده:نعم طارق:هو انتى كنتى بتكلمى مين فريده: ده خطيبــــــــــــى وقف طارق العربيه فجأه غصب عنهــ وكل علامات الزعل على وشه طارق:خطيبك فريده:اها هو حس طارق من فريده بنبره عدم فرحه فى كلامها طارق:هو انتى مش لابسه دبله ليهـ فريده:ابدا اصل احنا قريين فاتحه وبس يعنى وبعدين الكلام ده من يومين طارق:هو انا نحس اوى كده فريده:بتقول حاجه طارق:هو انتى فيه حاجه مضيقاكى فريده:لالا ممكن تودينى الجامعه اتاكد طارق بخبرته ان فريده مش قابلهـــ الخطوبه وان فيه سبب طارق:اوامركــــــــ _______________________________________________ دخلتـــــــــــ فريده الجامعه وطارق بيرقبها بكل لهفهــــــــ واختفت فريده عن عينه دخلت فريده وشافت طه قاعد وهو مكشــــــر طه :كنتى فين يا هانم فريده:كنت فى الشغل يا طه ,فيه ايه ؟ طه:انتى اللى تقولى فيه ايهـ ؟ فريده:انا مش فاهمه منك حاجه ومش هفهم طول ما انت بتتكلم بالشكل ده طه:انا خطيبك يا فريده ولازم تسمعى كلامى فريده:وانا خطيبتك ولازم تسمعنـــــــــــى طه: اتكلمى فريده:انت عاوز ايه دلوقت ؟ طه:عاوز اعرف كنتى فين فريده:انا كنت فى الشغل يا طه طه:واحنا مش كنا متفقين اننا نبقى سوا وتورينى المكان فريده:اه ده بعدين ,, انما مش هدخل اقول لاصحاب الشغل انا وخطيبـــــــــى طه:والمفروض انى معرفش خطيبتى فين ؟ فريده:بس انت اتصلت وانا رديت عليكـــــــ وجيتلك فى سعاتها وتعالى وصلنى علشان تعرف المكان كمان ,, طلبات تانيه اتحرج طه من طريقهــ فريده المقنعه وانها فعلا مغلطتش ,, بس هو جبروته كراجــــــل وشخصيته سيطرت عليهــــــ طه: بس برضوا انتى لازم تعتذرى فريده:اعتذر عن ايهــــ طه: لانك غلطتى فريده:ف ايهــــــ طيب؟؟ طه: انا قولت تعتذرى فريده: بس انا فعلا مش غلطت والله طه: انا هقوم ,, فريده:مش هتيجى معايا طه: لا ومش هقبل اى حاجه قبل ما تعتذرى فريده:طب خلاص اقعد متزعلش حقك عليا يا طه قعد طه والابتسامه اترسمت ع كل وش واتغير اسلوبه نهائى فى الكلام طه:انا خايف عليكى يا فريده محستش فريده بكلمه طهــــــ وقامت فريده:يالا يا طه بقى علشان تروحنى طه: ماشى يالا بينا _____________________________________________ | |
| | | | كيان انثى
المشرفة العامة
عدد المساهمات : 4898
نقاط : 5571
السٌّمعَة : 0
تاريخ التسجيل : 15/09/2014
| | موضوع: رد: <<< قصة رجولة استاذ >>> الأحد 27 مارس 2016, 6:11 pm | |
| حسن خرج من عند باباه بعد حوار من طرف واحد جومانا:انت كل ده جوه ,تعالى عاوز اقولكــــــ حاجهــ حسن:قولى حاجتين تلاته جومانا:انتوا جبتوا البنت دى منين حسن:ابدا دى طارق اللى جبهالى اتغيرت ملامح جومانا جومانا:طارق !!!!! حسن:مستغربهـ ليهــ ؟ جومانا:لالا مش مستغربهـ بس طارق هيعرفها منين ؟ حسن:انا معرفش جومانا:بس انا مش عارفه ليهـــ حساها مش مناسبه يا بيبى حسن:ليهـ ؟ انتى متكلمتيش معاها جومانا:شكلها كده حسن:لو ع شكلها فطارق بيقوم بالواجب دلوقت وهيغيرها خالص ,انا مش هجيب اى حد برضوا جومانا:ودى بتعرف تتعامل دى حسن:انا لما شوفتها من كسوفها ولماضتها قولت زيك ,بس لما اتكلمت معاها بصراحهـ غيرت رأئى هى مثقفه جدا ولبقه وفاهمه كمان هتعمل ايهـــ جومانا:كل ده حسن:مممممم لما تيجى اتكلمى معاها وهتعرفى ________________________________________ دخلتــــــ فريده الفيلا بعد ما طهـ وصلها وعرفــــ المكان ,, خافت فريده اكتر من اول مره دخلتــــ فيها هنـــــا ,واللى زاد خوفها نظره جومانا اللى ملامحها بتتشكل بسرعه رهيبه لاى احساس جواها ع اكمل وجهه لدرجه تظن فيهــــا ان الملامح خلقت للشر و فى حين اخر للخير والدلال نزلت جومانا من ع السلم , وفريده نفسها السلالم متخلصش والسلالم بتتعلق بجومانا زياده وبتبطىء من خطواطها السريعهــــــ جومانا:انتى ؟ فريده:حضرتكـــ تقصدينى انا جومانا:اظن مفيش حد هنا غيركــــ بتتحرج فريده وبتكمل جومانا كلامها جومانا:انتى خريجه ايهـ ؟ فريده:انا لسا طالبه ؟؟ جومانا:كمان فريده:اها الاستاذ حسن عارف جومانا:كنتى مع طارق فين ؟ فريده:انا وطارق كنا بنشترى لبس زى ما استاذ حسن طلب جومانا :طارق !!!!! اسمهـ استاذ طارق فريده:ممممممم يا فندم طارق معندوش مانع انى اقوله كده ,, حضرتك معترضه ليهـ ؟ اتحرجت جومانا من كلام فريده وجرأتها جومانا:انتى بتردى عليــــــا فريده:حضرتكـــ سألتى يبقى لازم ارد يا اما يبقى من قله الادب وعدم الذوق مردش جومانا:عموما انا ليا كلام تانى مع حسن فريده:بعد اذن حضرتكـــــ يا فندم انا طالعه لسالم بيهـ ___________________________________ دخلتــــ فريده لاوضهــ سالم اول ما دخلت قالت السلام مع انها عارفهــ ان محدش هيرد فريده:انا عارفه انا حضرتك مش هترد بس انا بقول السلام لان ربنا محاوطك بالملايكه واكيد بيردوا ,انا فريده ,فى كليه اداب ,هقعد ما حضرتكــــ ع طول , مش هقولكـ اعتبرنى حاجه , امممم انا رغايه شويهـــ صح ,,بس ده مش معناه انى هسكتــــ يعنى ,,بس ع الاقل انا هسيب حضرتك ترتاح دلوقت وهروح اشوف اوضتى واجيلكــــ هقرالك كل حاجه بتحبها وهنسمع مزيكا سوا حسن سامع كل ده وابتسم لكلام فريده وتلقائيتها وحسـ ان فيهــــ امل …. خرجت فريده من الاوضعه لابتسامه حسنواتخضت اول ما شافتهـ حسن:عرفتى اوضتكـــ؟ فريده :ايون يا فندم حسن:مالكــ اتخضيتى كده ليهـــ ؟ فريده: خالص انا اتخضيت ,ده انت فزعتنى ضحكــــ حسن بصوت عالى وطلعت جومانا ع صوتهـــ وهى بتبصله باستغرابــــ جومانا:خير يا بيبى ضحكونى معاكوا حسن : تعالى بس هقولكــ , اتفضلى يا فريده ع اوضتكـــــ _____________________________________ جومانا: انا مش مرتاحهــــ للبنت دى يا حسن حسن:ليهــ بس حرام عليكـــى جومانا:انت بتدافع عنها كمان حسن:انا مدفعتش بس مش ضدها نهائى , وبصراحه مش هقدر استغنى عنها دى الوحيده اللى جت وانا شافيها مناسبه اوى جومانا:وايه حكايه طارق ده كمان اللى رايح جاى معاها حسن:لالا ده انا اللى كنت طالب منهـــــ كده وكل واحد بعد كده فى شغله وبعدين هما حرين يعنى جومانا:انا بــــــس علشان ده مش يأثر ع شغلهــــا عند انكل حسن:عندكــــ حق هاخد بالى بعد كده جومانا:بحبكـــــــ يا بيبى حسن:وانا بموت فيكـــى ___________________________________________ قعد طارق فى بيتهــــ بيفكر فى فريده وهو مش عارف ليهـــــ ايه اللى بيشده للبنت دى ,ع الرغم من انها عاديه بالنسبه للبنات اللى عرفها او اللى لسا هيعرفهــــــــــا ,,ايه فيها مميز ,, يمكن لانها عاديه هو ده اهم ما يميزها ومسك موبايله وقرر يكلمها بدون ادنى مقاومه لعقله اللى خلاه يفكر فى كده | |
| | | | علا المصرى
الـمـؤ سس
عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013
| | موضوع: رد: <<< قصة رجولة استاذ >>> الأحد 27 مارس 2016, 11:27 pm | |
| وجدت هنا موضوع وطرح شيق
ورائع اعجبني ورآق لي
شكراً جزيلاً لك .
وبالتوفيق الدائم. | |
| | | | | | <<< قصة رجولة استاذ >>> | |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
