عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( لِعْبَه صَعْبَه ) قصيدة بالعامية المصرية الخميس 29 نوفمبر 2018, 1:01 pm | |
| لِعْبَه صَعْبَه هنلعب لعبة انا وانت تقول لي اِضحك فـ اَعيطلك تقول لي اِكتب فـ اَشخبطلك تقول لي اِهرب فـ اَروح سِجْني تقول لي اِضرب فـ بـ اَضربني تقول لي اُمّك فـ اَقول ضَمّه تقول لي اِحلم فـ اَقول ضَلْمه تقول لي اِهدى فـ بـ اَتعصّب تقول لي اِرضا فـ بـ اَتغصّب تقول ورده أقول شايكه تقول لي رصيد أقول فكّه تقول سِكّه أقول ضايعه تقول دوله أقول صايعه تقول رَبّك فـ قَبْل ما اَقول تقول لي اِوعى فـ اَقوم واعي تقول لي اِنسى فـ اَروح فاكر تقول لي اِكسب فـ اَروح خاسِر نعيد من تاني فـِ اِللعبه أنا واِنت تقول لي اضحك فـ .....#ذِكر_ما_لا_يُقال | |
|