عيد تايب يوسف
عضو متميز
عدد المساهمات : 222
نقاط : 508
السٌّمعَة : 5
تاريخ التسجيل : 30/07/2015
 | موضوع: ( أبواب الشمس ) قصيدة بالعامية المصرية  الخميس 29 نوفمبر 2018, 2:03 pm | |
| أبواب الشمس” مُفتتح “
اوقات الحَرّ بيخرّج
رطوبة العَضم فـ يليّن
والجلد يفُك تعاريجُه
اوقات البَرد بيحاول
يمُر عـ الفقير هيّن
وتعصى أوامرُه كرابيجُه
” النَص “
مابين باب شروق الشمس
وباب غروبها كات عينِك
بتشِع نهارها متلوّن
تلات ألوان
لون إسود
سواد حالِك
وانا ماشي
بـ اقوم شويّه واتكعبل
خطواتي وسط أوحالك
بدون رؤيا
والخوف فـ قلبي كام ساقيه
بتسقي الروح من الرَعشه
ندَهْت كتير على ضيِّك
يطمّن قلبي ويطبطب
على روحي
فـ تاه صوتي
من كُتر الزحمة والدوشه
ولون أحمر
رمالي سؤال
من إمتى الحُب بيجرّح
ويخلّي الدم يتقطّر
خيالي قال ماهو يمكن
تِخْضَر الأرض وتنبّت
الواقع قال هنستهبل
من إمتى الدم بيحبّل ؟!
ولون أبيض
فـ قلبُه بقية من صبري
بيلملم حِلم متبعتر
ويتكفّن
مع إنُّه لسّه فيه الروح
وعِرفت إنُه فـ قانونهم
مافيش بقاء بدون مدفع
ودبابه بتتمختر
على جثث اللي مات مدبوح
#ذِكر_ما_لا_يُقال
| |
|
