المواضيع الأخيرة | » ( مقدمة الديوان )الخميس 29 نوفمبر 2018, 2:24 pm من طرف عيد تايب يوسف» ( الخروج من الجَنّة ) قصيدة بالعامية المصريةالخميس 29 نوفمبر 2018, 2:17 pm من طرف عيد تايب يوسف» ( أبواب الشمس ) قصيدة بالعامية المصريةالخميس 29 نوفمبر 2018, 2:03 pm من طرف عيد تايب يوسف» ( كرَكيب ) قصيدة بالعامية المصريةالخميس 29 نوفمبر 2018, 1:50 pm من طرف عيد تايب يوسف» ( أُمنيّة التمثال ) قصيدة بالعامية المصريةالخميس 29 نوفمبر 2018, 1:40 pm من طرف عيد تايب يوسف» ( المقياس ) قصيدة بالعامية المصريةالخميس 29 نوفمبر 2018, 1:27 pm من طرف عيد تايب يوسف» ( كارت شَحن ) قصيدة بالعامية المصريةالخميس 29 نوفمبر 2018, 1:16 pm من طرف عيد تايب يوسف» ( لِعْبَه صَعْبَه ) قصيدة بالعامية المصريةالخميس 29 نوفمبر 2018, 1:01 pm من طرف عيد تايب يوسف» ( الحالة ) قصيدة بالعامية المصريةالخميس 29 نوفمبر 2018, 6:57 am من طرف عيد تايب يوسف» ( حكايةفاشل ) قصيدة بالعامية المصريةالخميس 29 نوفمبر 2018, 6:38 am من طرف عيد تايب يوسف |
أفضل 10 أعضاء في هذا المنتدى | |
تدفق ال | |
أفضل 10 أعضاء في هذا الأسبوع | |
أفضل 10 أعضاء في هذا الشهر | |
| | <<< قصة رجولة استاذ >>> | |
|
+15حميد العامري amr جرح في ملامح إنسانه كل دقة فى قلبى آسراصحابه شهد الملكة الهام المصرى صبرى ماله حدود عازف المزمار GoldenBoy د . عصام عبد الرحمن omarpop23 ضحكة خجل eslam aaa علا المصرى 19 مشترك | |
كاتب الموضوع | رسالة |
---|
كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 7:59 pm | |
| قصة رجولة استاذ … الحلقة الحادية والعشــــرين طارق:ارجوكى استنى انا مش وحش يا فريده صدقينى فريده:انا عاوزه ارجع مصر طارق:فريده ارجوكى اسمعينى ,جومانا فريده:جومانا ايه ,,, انتى توهتنى ,,انت عارف يعنى ايه انك تخون ,,انت خونت صاحب عمرك مهما كانت الاسباب وهتخون مره واتنين وتلاته ,,انتوا ازاى ,سبونى فى حالى بقى ,,ارجوك رجعنى مصر _ الخيانه ليست للتجربهـ ,فاذا فعلتها فأنت تقصدها وقفـــــ طارق قدام فريده وهو بيتوسلها بكل نظره بتطلع منه وهى بتبعد عنيها عنه طارق:بس انا بطلب منك تسمعينى للاخر فريده:طارق انا مش عاوزه اسمع حاجه صدقنى انت مبتحبنيش ,,انت حبيت فيا طارق الجديد البرىء اللى بيعرف يحب ,, حبيت فيا نفسك مش بتحبنى اوى وفتره وكنت خلاص ,,صدقنى مش ده الحب ,,انا عمرى ما هفرح ببدايه انا عارفه نهايتها كويس اوى _ان كانت البدايه فى قمه الروعه لنهايه واضحهــ فعليكـ بعدم البدأ طارق:بس انا بحبك فريده:وانا عاوزه ارجع مصر حالا طارق:علشان حسن طبعا فريده:ارجوك اسكت ,,ورجعنى مصر طارق:حاضر يا فريده هرجعك مصر ,,بس انا مش هسيبك لحد _________________________________________________ قاعده فريده فى اوضتها فى الاوتيل ,,,تايهه فى احزانهـــــــا هى اه مكنتش بتحب طارق ,,بس كانت بتحبـ نفسها معاه ,,,كانت دايما تفتكر كلمه مامتها (خدى اللى يحبك ومتخديش اللى بتحبيه ) … افتكرت مامتها وعيطت اكتر ,,,, افتكرت الرجاله اللى عماله تمر بيهم فى حياتها عبداللطيف وبشاعته وعدم اداميتهـ وخيانته ,,, طه وسيطرته وتحكماته ودماغه الغريبه وتصرفاته معاها,,حسن اللى مش عارف هو عاوز ايه بالضبط ,, طارق اللى مبيحبش غير نفسه ,اللى شافــ نفسه نقى وعارف الحب وفاهمه عن طريقها .. _ الحب لا وسيط لهـ لانه وسيط كل البشر…. جومانا قاعده فى حديقه الفيلا ,,خايفه من رد فعل طارق ,,خايفه من فريده لانها بقت تعرف اكتر ما المفروض تعرفــ ,,خايفه من نفسها لما تشوف طارق فتضعف ,,مش عارفه هى بتحبه او لا ,,,بس اللى هى عارفاه انها مبتحبش حسن …. _الخوف من شىء يجعله يتملكـ منك ليرى فيك نفسه فى ازهى حالاته… حسن فى مكتبه ,,, كل شويه يفتكر فريده ,,, خد باله من انه كل يوم بيعلم ع الايام ,,ابتسملهم وهو بيقول باقى 4 ايام وتيجى ,,,ايه اللى هو بيعمله ده هو مش فاهم بيفكر كده ليه او علشان ايه مش عارفـــــ _فالحبــ ليس له تعريف منطقى لانه بالفعل المنطق طارق قاعد وطافى النور وهو بيفكر فى جومانا اللى حاسس انها سبب كل ده ومفكرش فى ثانيه ان كل ده هو اللى عمله بنفسهـ من غير مساعده جومانا مهما كانت المقاومات .. فريده عندها حق فى انه مبيحبش غير نفسه وبس ولكن من وجهه نظره هو اكتر واحد مظلوم فى الدنيا والظروف دايما عاكسه وزاد فى نفسه فكره الانتقام من جومانا _للانتقام لذه احياناً وخصوصا فى عين ابدعتـ به _________________________________ فريده وطارق فى المطار وفريده مبتعملش حاجه غير انها بتبعد بنظرهـــــــا عن طارق اللى كان بيراقبها وطلعوا الطياره… طارق:هتفضلى ساكته كتير فريده:لو سمحت يا طارق احنا مبقاش بيننا كلام طارق:ازاى بتقولى كده قبل ما تسمعينى فريده:انا مكنتش بعمل حاجه الايام اللى فاتت غير انى اسمعكـ طارق:بس انا فعلا بحبكـ فريده:انت بتحب نفسك ,, بص يا طارق انت طول عمرك فاكر انك هتعمل كل اللى انت عاوزه وفى الاخر تلاقى واحده وتحاول تحب نفسك من خلالها لانها هتعرفك قد ايه انت كويس من جواك وقد ايه الدنيا بتظلمك ,,بس صدقنى الدنيا مدتش حد قدكـ ,,انت عندك كل حاجه تخليك كويس وانت مش عاوز تبقى كده طارق:انتى بتحكى عليا بالاعدام هو مينفعش حد يغلط ويبعد عن الغلط فريده:مين قال كده ينفع بس يغلط مره واتنين مش حياته كلها غلط وعاوز يبتديها مع حد تانى ع غلط انت مصمم تفضل غلط ,,مصمم انك كويس وانت مش كده حاليا ,,حاول تكشف لنفسك عنك وصالحها وبعدين اتغير ,,انت اخر كلمه قولتهالى ايه مش هسيبك لغيرى ,,هو ده اللى تعرفه عن الحب ؟ طارق:فريده انا فريده:ارجوك كفايه اوى لحد هنا طارق:بس انا مصمم انى فعلا بحبكـ فريده:ارجوك كفايه بعدت فريده عنيها عن طارق اللى مش لاقى كلام يقولهـ وفريده بتتعلق بكل خطوه بتقربها من مصر ….. _______________________________________ | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:00 pm | |
|
وصلت فريده للفيلا فى الساعه 9 صباحـــــــــــــاً ,,, جومانا سمعت اوضه فريده بيتفتح قامت وكأنها مركزه سماعها ع اوضه فريده …قامت من سريرها رايحه للاوضه شافت فريده اللى عنيها باين عليها التعب والحزن فابتسمت جومانا لانها فهمت ان طارق مبقاش يشوفـــ جومانا:حمد الله ع السلامه فريده:الله يسلمك جومانا:ايه رجعتوا بدرى ليه ؟؟ هى العمليه منجحتش ؟ فريده:لا نجحت وطارق رجع يشوف اترجعت جومانا عن ابتسامتها اللى كانت واضحه جومانا:طيب ليه رجعتوا فريده:وهنقعد نعمل ايه ؟ جومانا:يعنى طارق بقى كويس زى الاول فريده:واحسن جومانا:ايه حصل هناك فريده:مدام جومانا انا جايه من سفر وتعبانه شويه ممكن جومانا:بصى يا فريده حركاتك دى انا فهماها كويس اوى انا ممكن اقلب الدنيا عليكى ,,,سهل جدا حسن يعرف انتى كنتى مع مين ويقطع رجلك من هنا وانتى ملكيش مكان غير هنا ,,, برضوا سهل يعرف انك اشتركتى مع طارق اللى سفرتى معاه فى حكايه الادويه وطبعا كلامكوا عليا مش هيتصدق ممممم من الاحسن نحاول نعيش مع بعض فريده:مدام جومانا انا جايه هنا لسالم بيه ودى مهمتى ,,اكتر من كده لا ,,ومليش دخل بعلاقتكوا اللى هتحصل هنا ,,بس نصيحه خدى بالك من طارق متعرفش فريده قالت لجومانا الكلمه دى ليه ولا خوف عليها او منها ولكنها حولت تستفزها زى ما هى عملت او تخوفها او تخليها تتراجع عن طارق جومانا:قصدك ايه فريده:انا قولت اللى اقصده بعد اذنكـ خرجت جومانا وهى ف حيره هى تقدر تسيطر ع فريده انما طارق صعب لازم تتصرف معاه … ___________________________________________
عرفــ حسن ان فريده جتــ بعد ما وصل للفيلا لقى نفسه رايح لعندها وكأن الارض هى اللى بتمشى اتجاهها ,,فكل شىء من ناحيه حسن ماشى اتجاهه فريده خبط ع البابــ ,,فريده عرفت انه هو قالتله انها هتنزله نزلت فريده لمحها حسن من اول ما لمست السلم لان عيونه كانت هناكـــــــ حسن:حمد الله ع السلامه فريده:الله يسلمك حسن:عملتى ايه فى اجازتكـ فريده:مممم الحمد لله حسن:وقضتيها فين فريده:سالم بيه اخباره ايهـ حسن:احواله وحشه جدا من ساعه ما سبتيه فريده:ان شاء الله يرجع احسن من الاول حسن:واخبار تجهيزات الفرح فريده:فرح !!!! حسن:مش قولتى انك واخده اجازه علشان كده فريده:اها بس محصلش نصيب حسن:بجد فريده:اها ,,االحمد لله ع اى حال حسن:الحمد لله ,,, علشان كده رجعتى بدرى فريده:اروح اكمل اجازتى حسن:لالا انا مقصدش ,, انا مبسوط انك جيتى ,البيت كان ناقص كل حاجهـ فريده:ربنا يخليكـ حسن:مش هتمشى تانى فريده:ان شاء الله حسن:انا مش هسيبك تمشى تانى ,,اطلعى استريحى معلش انى ازعجتكــ وانتى راجعه من السفر لسا فريده هترد عليه ,,نزلت جومانا جومانا:انا خارجه ى بيبى حسن:فين جومانا:عند مايا صحبتى بتبصلها فريده لانها عارفه هى رايحه فين ,,فكملت جومانا جملتها بعند وتحدى لفريده جومانا:تحب تيجى معايا حسن:لالا انا تعبان روحى انتى جومانا:بباى ى بيبى ,اخ فريده ,بباى _____________________________________________________
طلعت فريده اوضتها ,وخايفه من اللى جاى كلام جومانا لسا فى دماغها ,,تحديها الكبير ليها ,,دلوقت طارق عنده استعداد يعمل اى حاجه علشان فريده تبقى ليه ,,وهى عارفه انه ممكن يضرها لو فى سبيل كده
مسكت الموبايل اتصلت بامانى …… امانى:كده متسأليش ع حبيبتك كل ده فريده:غصب عنى والله انتى عارفه ان مفيش حاجه تشغلنى عنك ,,وحشتينى اوى امانى:انتى اكتر ,,صوتك ماله ؟ فريده:تعبانه بجد يا امانى ,,حياتى كلها متلغبطه حاسه حاجات كتير بتحصل حوليا مش فهماها امانى:مش يمكن تفهمى فى الاخر فريده:تقصدى ايه ؟ امانى:اقصد ان ربنا اكيد شايلك الخير فريده:تفتكرى ؟ امانى:خلى عندك ثقه بربنا فريده:ونعم بالله امانى:عملتى ايه فى السفر فريده:قصدك جرالى ايه فى السفر امانى:هههههههههههههههههه هسميكى فريده مشاكل فريده:بتقولى فيها ده اللى حاصل فعلا ,,بس اكيد ربنا ليه حكمه فى ده امانى:طبعا انا بهزر فريده:الحقى الحقى معايا waiting امانى:مين ؟مين ؟ طارق؟ فريده:لا .طهـــ !!!!!
| |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:06 pm | |
| قصة رجولة استاذ … الحلقة الثانية والعشــــرين امانى:طهـ ؟؟ فريده:اه هو انا خايفه ارد .,, تفتكرى عاوز ايهـ امانى:ردى وانتى هتعرفى فريده:لالا هو قفل خلاص امانى:طيبـــ فريده:بيتصل تانى امانى:ردى يا فريده فريده:طيب سلام دلوقتــ ردت فريده ع الموبايلـ ,, وانفاسها بتعلى وتوطى طه:كنتى بتكلمى مين ؟ فريده:عاوز ايه طه:انا عاوز نرجع ,,مش هتلاقى احسن منى يا فريده فريده:لو سمحت ابعد عنى مش كفايه اللى عملتوا فى طارق وع فكره هو يقدر يعمل فيك اكتر من كده احسنلك ابعد عنه طه:بس انا بحبك فريده:وانا مبكرهش حد قدكـ واحسنلك ابعد عن طريقى طارق مش هيسكتلك طه:يعنى هو هيعمل ايه ؟ فريده:يقدر يعمل كتير اوى طه:انتى هتقولى انى كلمتكـ ضحكت فريده لانها حست بجبن طه وفرحت انها انتصرت عليه حتى لو طارق مش هيعمل حاجه بس اللى زى طه يخاف ع نفسه اكتر ما يخاف من خساره المعركهـ فريده: مممممممم اكيد مش هقوله علشان مش عاوزه انكد عليه قفل طه السكه من غير ما يرد ع فريده ولكن صوت انفاسه وضح اوى هو كان حاسس بأيهــ ______________________________________________ بتخبط جومانا ع بابـ شقه طارق ,,, اللى قاعد جوه شقته ورافض النور اللى رجع لعنيه تانى ومضلم الشقه كلها … بيسمع خبطات الباب واكنها ع قلبهــ ,, افتكر انها فريده اكيد فهمته وعرفت انه بيحبهـــــــا …. قام يجرى ع البابــ …. فتحه من غير ما يشوف مين ,,,او خوف ليخيب ظنه ,, فضل انه لثوانى يعيش ع امل انها تكون موجوده ور الباب ده فتحت الباب شاف جومانا قدامه ,,, اتغيرت ملامح وشه ,,خدت وضع الغموض … رغم ان كان جواها فضول كبير اوى ورا الزياره دى للدرجادى هى انسانه وحشه … جومانا:وحشتنى توقع طارق لان جومانا تقتله كان اقرب من انه يسمع منها الكلمه دى بعد اخر مقابله ,, بصلها طارق:انتى جايه ليه؟ قال طارق جملته علشان تتراجع عن كلمه وحشتنى لانه مستغربها جومانا:وحشتنى اتكلم طارق بنرفزه طارق:انتى مجنونه ولا عبيطه ولا ايه بالظبط ,,, بصى بقى انتى اخر واحده فى الدنيا ممكن تبقى فى حضنى فى السرير اللى جوه ده فاهمه ,, انتى اقل انسانه ممكن تكون موجوده ع الارض وع فكره بقى انا مش هسيبك ,,يا انا يا انتى هيبقى عايش مبسوط وطبعا بما انى لازم اعيش مبسوط فانتى اللى هتعيشى فى ذل وانا اللى هنول الشرف ده جومانا:يا طارق اللى عملته ده من حبى ليك ,,انا بغير عليك من فريده طارق:وغيرتى جومانا:هى هى قالت انك قرب طارق من جومانا وضربها بالقلم طارق:انتى تخرسى ومتجبيش سيرتها ع لسانكــــ ابداً انتى فاهمه نزلت دموع جومانا اللى الارض ابتلعتها وخدتها فى احضنها بشوق جومانا:انت بتضربنى علشانها مسك طارق جومانا من ايديها طارق:اطلعى بره مش عاوز اشوف وشك هنا تانى ,, جومانا:ماشى يا طارق هتشوف _________________________________________ | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:07 pm | |
| نزلتــ فريده تتمشى فى حديقه الفيلا وحسن واقفـــ فوق فى شباك اوضته ,, شافها من بعيد ,, سابق السلم فى النزول علشان يروحلها حسن:ايه ده انتى هنا فريده:انت شايف ايه ؟ حسن:انا شايف انك جميله اوى فريده:مممم ربنا يخليكـ حسن:اتكسفتى كده ليه ? فريده:انا متكسفتش اصلا ع فكره حسن:لا واضح جدا ع فكره,, بس تعرفى شكلك حلو وانتى مكسوفه اول مره اشوف النظره دى فى عيونك ,,اول مره اعرف يعنى ايه بنت تتكسف من كلمه ,,بس تعرفى انه احساس حلو فريده:احساس حلو !!! حسن:اها انا طول عمرى ببص لبنات اوربا وامريكا ودول مينفعش معاهم كسوف وله يعرفوا فكرينه جهل ,,بس لو الجهل بالشكل ده ياريت كل البنات جاهله فريده:بتبالغ حسن:متعودتش ,,تعرفى ان الايام كانت بطيئه اوى وانتى مش هنا فريده:ربنا يخليك حسن:كل حاجه ربنا يخلينى ,هو مخلينى فريده:ايه ؟ حسن:ايه ؟ فريده:لالا بجد ايه ؟ حسن:ايه انتـــى يا شيخه فريده:مش ملاحظ انك متغير انهارده حسن:او جرىء انهارده قوليها يا شيخه ,, بس انا فعلا مش عارف بقول ايه يمكن علشان اللى فى قلبى فريده:قلبكـ حسن:هتفضلى تستغربى انتى مظهرتيش من بدرى ليه فريده:مفيش حاجه مسمهاش مظهرتيش من بدرى ,,ده وقتى المناسب حسن:تفتكرى ؟ فريده:مفتكرش انا متأكـــــــده حسن:فريده فريده:نعم حسن:انا بحبكــ وقفت فريده فى مكانها ومشى حسن بعد ما قال الكلمهـ ,,لان هى اللى عبرت عن نفسها هو حاسس انه منطقهاش بلسانه لان لو ده حصل مكنش قالها ,, وفريده وقفت مش عارفه تتحرك او تمشى او وفجأه جومانا وصلتــ بعد ما حسن دخل .. _________________________________________
جومانا باين عليها انها تعبانه او مجهده ,, فريده شافتها جريت عليها فريده:فيكى حاجه ؟ جومانا:ابعدى عنى فريده:فيه ايه بس ؟ جومانا:انا يجرالى كده بسبب واحده زيكـ فريده:بسببى انا ,,انا معملتش حاجه جومانا:بس الذنب مش عليكى الذنب ع طارق ويا انا يا هو من اليوم ده واللحظه دى فريده:اهدى بس جومانا:اخرسى انتى ملكيش دعوه بحاجه انتى حسابك معايا بعدين انما الدور دلوقت ع الحيوان ده فريده:طيب بس حسن لسا صاحى جومانا:حسن انتى ملكيش دعوه بيه انتى فاهمه ,, ابعدى عن سكتى ووقفت فريده مش عارفه تتصرف ومش فاهمه ايه اللى بيحصل حوليها ده هى مش عارفه فجأه لقت نفسها وسط مشكله كبيره ,,,حسن مش بيحب جومانا ,,يبقى تقوله واكيد مش هيبقى مصدوم , تبقى طماعه وهى مش عارفه حقيقه مشاعرها وممكن مايصدقهاش هى مين فريده بالنسباله علشان يصدقها ,,تتصل بطارق .. اه تتصل ع الاقل تفهم منه فيه ايه ؟؟ ___________________________________
قاعد طارق متعصب ,,,كل شويه يفتكر جومانا يضرب اى حاجه جمبه … رن تليفونه حاول يتجاهله ولكن عينه شافت الاسم (فريده ) طارق:فريده وحشتينى ؟؟ عارفه انى مظلوم صح فريده:مظلوم !!! مش موضوعنا هى جومانا كانت عندك طارق:اه بس والله انا طردتها والله طردتها وضربتها كمان فريده:بس هى راجعه وقالت انها هتنتقم منى ومنكــ طارق:سيبك منها هى متعرفش انا محضرلها ايه ؟ فريده:ارجوك يا طارق كفايه بقى اللى بيحصل ده انا مليش ذنب غير انى دخلت البيت ده طارق:متخفيش يا فريده انا مش هضركـــ ,,, فريده:ولا تضرها ارجوك طارق:هى ملكيش دعوه بيها انا لو مضرتهاش هى هتعمل كده واكتر متشغليش بالك انتى بس ثقى فيا وصدقينى فريده:سلام يا طارق ___________________________________
قاعده جومانا فى اوضتها متغاظه من اللى حصل مش عارفه تعمل ايهـ ؟؟ بس مصممه انها لازم تلحق نفسها قبل ما طارق يعمل فيها حاجهـ ,, تقول لحسن ع مكانه حسن ,, حسن اللى فى دنيا تانيه مش شايف فيها غير فريده ,,مستغرب منه انه قالها بحبك هو مكنش ناوى يقولها حاجه ,,هو اصلا مصرحش نفسه بكده ,,يمكن نفسه هى اللى صرحته بأنه بيحبها لانه بيقاوم ,,بس هو مبسوط من اللى حصل ومش مخطط لاى حاجه تانيه مش مخطط غير انه يشوف فى حلمه فريده فريده ,, فريده اللى قاعده بتبتسم وتزعل مش عارفه ايه احساسها غير انها متوتره ,,حسن قالها بحبك او لا ,, بس هى سمعتها وسمعت كمان تحذير جومانا وسمعت كمان كلام طارق
طارق,, طارق اللى فكر خلاص هو هيعمل ايهــ مع جومانا وكل شويه يضحك ضحك هستيرى .. _______________________________________
قاعد حسن فى مكتبه ومندمج فى الشغل وكل شويهــ يسرح فى وش فريده فخبط البابــ وبيدخل #طارق
| |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:11 pm | |
| قصة رجولة استاذ … الحلقة الثالثة والعشــــرين بيقوم حسن من مكتبــــه وهو مش مصدق عنيه ومتعصبــ حسن:حيوان انت صح ايه اللى جابكـ هنا وبيقرب منه علشان يضربه ,بيمسكـ طارق ايديهـ طارق:اهدى يا حسن وبراحه انا جاى علشان مصلحتكـ حسن:انت جاى علشان مصلحتى ,,انت فكرنى سايبكـ ع وش الدنيا كده وانت كنت عاوز تموتـ ابويا طارق:ماشى يا حسن اعقلها ,اموته وانت عارف هو غالى عندى ازاى وكان ايه هو وابويا اللى مات علشان خاطره ,طيب انسى دى هموته ليه ايه الدافع ورا كده اى حد بيعمل حاجه وراها دافع ده انت صاحب عمرى ايه مفكرتش .. بعد حسن نظره عن طارق وكأنه رافض يوريله اقتناع عنيه بكلامه ,,كل المواقفـ والذكرياتـ اللى بينهم وقد ايه والده كان الصديق الوحيد لوالده ,, افتكر كلام فريده بأنه لازم يحكم عقله وميندفعش طارق:شكلك اقتنعت ,كده نقدر نتكلم حسن:عاوز تقول ايهـ ؟ وجاى هنا ليه ؟ طارق: جاى هنا نفكر سوا قبل ما اقولكـ ع مراتكـ حسن:جومانا !!!! طارق:من غير ما تتعصبـ قبل ما اتكلم ,, انا مستعد اثبتلكـ حسن:تثبتلى ,, تثبتلى ايهـ ؟ طارق:ان مراتكـ مبتحبكش ,,, طبعا انت مفكرش للحظه ان هى اللى كانت فى الفيلا يوم ما كنت مسافر ,هى اتصلت بيا علشان تعب عمى ,انا روحت مكنش تعبان وحاولت تستدرجنى لحد اوضتكـ عمى شاف الموقف ومستحملش وانت ادرى تعرف مين بقى اللى لغبط الادويهـ اتعصب حسن وقام من مكانهـ حسن:انت عاوزنى اقتنع بكلامك ده وابقى هادى طبعا طارق:انا مقولتلكش تبقى هادى ,انا عاوزكـ تصدقنى حسن:وانا مش هصدق كده ع مراتى طارق:واللى يثبتلكـ سكت حسن ومكنش عارفـ يرد ع طارق وبعدين افتكر كلام الدكتور فضحكـ حسن:طبعا عاوزنى انا مصدقك ,جدا كمان الدكتور قال نفس كلامك بالضبط قال ان انت اللى خليته يعمل كده طارق:اه وانت بتصدق واحد ضميره الفلوس موتها . عموما انا هثبتلك قريب اوى اوى اوى استنى منى مكالمه ومن الاحسن اللى بينا ده ميطلعش بره ,,ده لو عاوز تعرف الحقيقه بيسيبـ طارق حسن فى حيرته وبيمشى ____________________________________________________ بينزل طارق من الشركه, بيركبــ عربيته وحسن شايفه من شباكـ مكتبه ,,طارق مسكـ الموبايل وهو بيضحكـ لحسن بطريقه غريبهـ بتبص جومانا ع الموبايل بتاعهـــــا بتلاقى رقم طــــــــــــارق …… اتفاجأت ,اتوترت, ابتسمت بس فى الاخـر ردتـ طارق:ممممم حقكـ عليا جومانا:طارق ؟ طارق:اها طارق مش بتهونى عليا جومانا:عاوز ايه تانى طارق:بصى احنا لعبنا ع بعض كتير و مبقاش فيه فايده كل الطرق بتودينا فى الاخر لبعض ,,احنا شبهه بعض اوى جومانا:تقصد ايه ؟ طارق:اقصد اننا نرجع زى الاول وضمان ليكى خليكى مع حسن جومانا:يا سلام بسهوله كده طارق:اه بسهوله كده زى الاول ما كان بسهوله كده جومانا:عاوز تفهمنى انك بتحبنى طارق:كفايه انك بتحبينى جومانا:واثق اوى من نفسك طارق:طبعا انتى فاكره نفسك عرفتى راجل غيرى بتضحكـــ جومانا وهى بتقوله جومانا:مممممم وحشتكـ طارق:اوى يا بيبى ,,ما تجيلى جومانا:دلوقتـ طارق:اه دلوقتـ انا فى طريقى للبيت كنت بشترى حاجات هستناكى ,اوعى متجيش او تتاخرى جومانا:ما تخليها بكره طارق:لا دلوقتـ يا جومانا اثبتيلى انك بتحبينى جومانا:طيب هاجى هاجى ______________________________ | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:14 pm | |
|
وقفت جومانا بعد المكالمه تفكر وتكلم نفسهــــا جومانا:مش معقول طارق يتغير بالسرعه دى ,,نظرات امبارح مكنتش ساهله,ازاى بعد ما كان ناوى يسبنى وهو اعمى دلوقت وهو اقوى ضعفـ مش معقوله مش طارق,, انا نمت فى حضنه كتير مش طارق اللى يستسلم بالسهوله دى ,,معقول !!!!! لالا ده انا ابقى عبيطه وعموماً هو اللى جابه لنفسهـ ,,طارق مبقاش يلزمى وحتى فريده ولازم يبعدوا عن حياتى بقى راحتــ جومانا لاوضه فريده خبطتـ ع البابــ جومانا:ممكن ادخل فريده:اتفضلى جومانا:انا اسفه بصتلها فريده ,,اسفهـ !!! جومانا:انا كنت وحشه اوى معاكى امبارح ,,بس غصب عنى طارق عاوز ينتقم منى ومش عارفه ممكن يحصل ايه او يعمل ايه فريده:انتى متأكده جومانا:انتى مشوفتنيش انا راجعه امبارح ازاى ؟؟ انا بجد خايفه منه انا غلطت بس هو عاوز ينتقم ,ممكن تساعدينى فريده:انا بايدى ايه ؟ جومانا:روحيله قوليلى يبعد عنى هو بيحبك وهيسمع منك فريده:تفتكرى ؟ جومانا:اه افتكر ,,روحيله دلوقت فريده:لا مش هينفع دلوقت انا انا جومانا:ارجوكى ,,ارجوكى فريده:حاضر هروح هروح بعد اذنكـ متنسيش تطمنينى _____________________________________________
مسكــت جومانا الموبايل تتصل بحسن رد حسن ع الموبايل وهو نفسه يحدفه من الشباك اللى جنبه ولكن لازم يصبر جومانا: حسن الحق فيه لعبه كبيره بتتلعبـ عليكــ حسن:لعبه ايه انتى بتقولى ايه جومانا:انا صاحيه ورايحه اشوف انكل سمعت فريده بتكلم طارق فى التليفون وبيتفقوا انهم يوقعونا سوا حسن:امتى ؟ جومانا:من نص ساعه تقريباً حسن:فريده ,,متأكده ؟ جومانا:مش مصدقنى هى راحتله دلوقتــ فى شقته ؟ حسن:اقفلى يا جومانا جومانا:نسيت اقولك حاجه ,,,متنساش ان فريده اللى جابها طارق .. __________________________________________
نزل حسن من الشركهـ للعربيه ,,مش فاهم ايه اللى بيحصل يصدق مين جومانا مراته ولا طارق اللى بيعتبره زى اخوه ,,مين فيهم اللى بيقول الحقيقه ,, الحقيقه هو اللى هيشوفها بعينهـ اكيد فريده مش عند طارق ,,فريده اللى حبها ,,اللى خرج من قلبه بحبكـ ليها هيتجنن ,,ساق العربيه بأقصى سرعه _طارق قاعد فى بيته مستنى جومانا تيجى علشان يبعت مسدج لحسن ,وخبط الباب جرى طارق عليهـ شاف فريده طارق:فريده انتى اللى جابك هنا دلوقتـ فريده:جومانا ,,جومانا قالتلى انك بتهددها سيبها فى حالها يا طارق طارق:جومانا , انا هقتلها هى اللى بعتتك هنا دلوقت فريده:اه هو فيه ايه انا مش فاهمه حاجه طالع حسن ع السلم بالاسانسير بأقصى سرعه عنده طارق:انتى لازم تمشى من هنا حالا ,,, امشى يا فريده فريده:فيه ايه ؟؟ اوعدنى انك هتسيبها فى حالها طارق:هسيبها يا فريده امشى وبيمسك طارق فريده من ايديها وبيفتح الباب حسن بيفتح باب الاسانسير وبيشوف فريده وهى فى ايد طارق ,,التلاته بيبصوا لبعض حسن مش مستعوبـ اللى بيحصل ,, فريده بتبصله باستعطافــ ,,, طارق وشه فى الارض حسن:انتى يا فريده اللى تعملى كل ده انتى بتعيط فريده وهى بتقولهـ فريده:انا ؟ انا كنت جايه علشان حسن:انتى تخرسى انا مش عاوز اشوف وشك تانى بينزل حسن وهو مش مستوعبــــــ ,, اتمنى ان جومانا تتطلع كدابه …. فريده واقفه مذهوله مش عارفه تعمل ايه وطارق حاول يهديها وفى الاخر سبته ومشيتــــ __________________________________________
رجعت فريده ع الفيلا تفهم حسن اللى حصل ,,تفهمه هىى كانت رايحه ليه ,تستنجد بجومانا حسن قاعد مضايق وماسك راسه بايده كلها ,,دخلتـ فريده البيت ,,بص حسن ع البابــ حسن:انتى انتى جايه هنا ليه ؟؟ ليكى عين ازاى ,,اطلعى بره فريده:انا عاوزه افهمكـ انا سافرت معاه علشان حسن:يعنى سافرتى كمان اطلعى من البيت ده فريده:ارجوك اسمعنى انا مليش غير هنا حسن:اخرجى من هنا انا مش عاوز اسمع منك كلمه انتى ايه كنتى بتمثلى انك ملاك ببراعه كده ازاى ؟ انا صدقتك ازاى ,,ده انا فريده:انا مكنتش بمثل فضلت فريده تدافع عن نفسها وهى بتعيط وجومانا واقفه ع السلم من بعيد وبتضحك وهى شايفاها ,,, وحسن قرب من الباب وفتحه حسن:وملكيش حاجه هنا اطلعى بره البيت ده خرجت فريده بره الفيلا وهى منهاره ومش عارفه تروح فين ولا فاهمه ايه حصلهــــــــــا .. وفى الفيلا جومانا واقفه ع السلم وحسن بيرزع الباب جيه صوت من ع السلم وهو بيزعق
| |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:23 pm | |
| قصة رجولة استاذ … الحلقة الرابعة والعشــــرين سالم:حســـــن بيبص حسن ع السلم مش مستوعبــ ,, باباه ده اللى قدامه ,بيتهيأئله ,,انهارده يوم ممكن يحصل فيه اى حاجهـ وكل حاجه ,, ابتسم ,,ركز ,, خافــ .. سالم فعلا واقفـ ع السلم من بعيد وهو بيبيص لحسن بعتابـ مش فاهمه حسن سالم:اجرى وراها هاتها حسن واقف مش مستوعبـ هو يقصد مين فريده!! وبيدعى من جواه انه يكون قاصدها حسن:فريــــده سالم:روح هاتها حسن:بس سالم:بسرعه يا حسن فتح حسن البابـــ وجرى يدور ع فريده كأن الارض بعلتها مش موجوده ,,, من ارتباك حسن مش عارف يركب العربيه ويدور بس فاق انه باباه فاقــ جرى ع الفيلا اللى فيها جومانا فضلتــ مش مصدقه اللى حصل جريت ع اوضتها بتلم حاجاتها ,,,مكنتش متخيلهـ اللى هيحصل مفكرتش فى اى حاجه غير نفسها وانها تاخد حاجتها وحسن مشغول ومرتبكـــ دخل حسن الفيلا ,,باباه مستنيهـ ,,بيدور بعينه ع فريده ملقهاش مع فريده ,, حسن بيبتسم ليه وهو بيقوله حسن:هدور عليها متقلقش حضن حسن باباه اللى حضنه بلهفه كبيره وعيط كتيررررر وبعدين بصله حسن حسن:بابا رد عليا انت اتكلمت وقومت من مكانك وانا فى حضنك دلوقت بعد سالم عن حسن وهو بيبصله ويقوله سالم:اقعـــــد حسن:حاضر قعد حسن وهو مبسوط ومش مستوعب ان باباه قدامهـ سالم:انا هكلمك كلمتين من زماااااااااااااااااان اوى وعاوزك تعقل ,,, انا دلعتك كتير زمان وسيبتك تاخد كل قرارات حياتك براحتك اعتمادا منى انى هلاقيك اسعد حد فى الدنيا ,,بس ملقتش قدامى غير انسان متهور ومتسرع ومش عارف ياخد قرار ,, واللى حصلى ده نتيجه قراراتكـ حسن:انا يا بابا سالم:انت تسكتـ لحد ما اتكلم, تقدر تقولى فريده لو هتأذينى هتعمل كده ليهـ ؟ حسن:علشان طارق سالم:ولو علشان طارق لو انا مت هيستفادوا ايهـ ؟ معرفش حسن يرد ع سؤال سالم ليهـ ؟ سؤال واحد فهمه انه غبى وان كلام باباه كله صح حسن:هو حضرتك تقصد ايهـ ؟ سالم:اقصد انك لازم تفهم وتعرف مراتكـ بتعمل ايه ,,مراتك خانتك ومع اقرب اصحابكـ حسن:جومانا!! جرى حسن ,,كان بيسبق السلم لاوضته جومانا اللى كانت نزلت من الباب التانى للفيلا وسالم بينادى ع حسن وبيلومه ع تسرعه تانى وتهوره,, حسن دخل شاف الباب مفتوح ,,نزل جرى _________________________________________ نزل حسن ووراه سالم وسالم بينادى ع حســـــــــن جومانا خارجه من الفيــــــــلا وهى ماسكه شنطه صغيره ,, كانت رايحه لعربيتها ولكن من صوت حسن مشافتش ان الوقتـ فى صالحهـــا ,,, خرجت بره الفيلا تدور ع تاكسى بعيونها ,LA ومش لاقيه وصوتــــ سالم بيعلى وبيحاوطها من كل مكان وكأن الصوت اللى ضاع منه الفتره دى اتجمع حوليهـــــا ,, بتعدى جومانا الناحيه التانيهـ حسن بيخرج من بابـ الفيلا ,, عربيهـ جايه من بعيــــــــد بسرعه رهيبهـ ,,, بتخبط جومانا وبتطيرها للمكان اللى كانت عاوزه توصلهـ بكل طاقتهــــا وبتبعدها باقصى سرعه عن عيون حسن اللى خافتـ منها ,,ع الرغم من انها مش هتخاف بعد كده … حسن واقف متحركش من مكانه ,,,, العربيه اللى خبطت جومانا وقفتـــــ ,,نزل منها سالم:طارقـ جرى سالم لمكان جومانا ,,,اللى كانت هربت منهم بالفعل ,هروبــ للابد وقف طارق فى ذهول من اللى حصــــــــل ,, راح لمكان جومانا معرفش يفرح انها سابت الدنيا لانه كان السبب فى كده الاسعافــ جت خدت جومانا اللى غابت عن الدنيـــــا البوليس جيهـ يحقق وخد طارق معاه حسن واقف طول الوقت ومنطقش بكلمه واحده ولا اتحركـ وكل ده حصل وهو لسه فى ذهول قربـ سالم منه بعد ما قال للظابط انه هيجى علشان يقول اللى حصل ,, اول ما قرب سالم ,,شافـ دموع حسن بتنزل من غير ما تقفـ بس من غير علامه حزن سالم:تعالى جوهـ دخل حسن وسالم الفيلا وسالم عارف قد ايه الموقف صعب ع حسن ,,, وحسن دموعه بتنزل كأنها ما صدقتـ يتفكـ اسرها حسن:انا انا سالم:انت لازم تفوق ,,مش هيحصلك اكتر من كده يا حسن علشان تغير نفسكـ ,, حسن:الموضوع صعب يا بابا مش بالسهوله دى ,,مراتى خنتنى ومع مين صاحب عمرك سالم:انا مش هقولك الكلمتين البايخيين بتوع اى ابـ لانك مش هتستحملهم ,, كل اللى اقدر اقولك عليه ان اللى انت كنت فيها مكنتش حياه ,,حاول تبتدى ,, بس احنا لازم نكلم محامى علشان طارق حسن:طارق سالم:طبعا ,,طارق شابـ انا مش بعصمه من الغلط بس غلطه هيعرفه كويس او عرفه ومتنساش انه ابوه ضحى بحياته علشان خاطرى حسن:ازاى بس سالم:حياتك وانت اللى كنت بتتصرف فيها ,,سبلى انا كمان حق التصرف ومتنساش انك بكره هتروح تشهد ومش هفكرك احنا مش عاوزين شوشره ,, الحادثه كده كده حصلت بالغلط يعنى الموضوع ده شوشره لسمعتنا وخلاص _____________________________ | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الأحد 07 أغسطس 2016, 8:24 pm | |
| فريده فى التاكسى تايهه مش عارفهـ تروح فين ,, مش معاها غير شنطه ايديها ,, بتفتكر كل كلمه قالها حسن ,,نظراته ,, حياتها كلها والدموع مش بتهدى فى عنيها كأنها حبت انها تبقى فى المكان ده رن موبايلهـــــا بأسم امانى .. حست انها نجده من عند ربنا لانها مش عاوزه تروح لاختها لانهم مش هيسبوها فى حالهــــــا فريده وهى بتعيط :فريده مممكن اجيلك ابات عندكوا ؟ اتفاجأت امانى من طلب فريده ولكنها ردت بسرعه شديده امانى:طبعا يا حبيبتى اتفضلى انا مستنياكى فريده:خلاص ربع ساعه وهبقى عندكـ بعد ما يقرب ربع ساعه دخلتـ فريده بيت امانى اللى باباها وماماتها رحبوا جدا بفريده وحضرولها العشا اللى مكلتش منه ودخلت هى وامانى الاوضه اول ما داخلوا انفجرت فريده من العياط وابتدت تحكى لامانى اللى حصل وامانى فى ذهول من كلام فريــــــــــده امانى:حسن يعمل كده ,,ده انتى دايما تشكرى فيه ,,بس جومانا وطارق دول ربنا ينتقم منهم فريده:انا مش عاوزه حاجه منهم ,,انا بس نفسى اعرف عملوا فيا كده ليه امانى:علشان انتى اللى زيك خلصوا ومش معنى كده انى بقولك اتغيرى بكره ربنا يظهر الحق فريده:يـــــــــــــــــــــــارب ____________________________________
_طارق بيتحقق معاه فى حضور المحامـــــــــــى وهو مش مستوعب اللى حصل لحد دلوقتــ _فريده قاعده ع طرف سرير امانى بتفتكر اللى حصل و كلام حسن وطريقه طرده ليهــــــا والوقت اللى استخبت فيه لما خرج من الفيلا وسرعتها وهى بتاخد تاكسى بعد ما خرج _حسن قاعد بيفتكر مشهد جومانا والعربيه بتنقلها باقصى سرعه لمكان بعيد عن عينهـ ,, وش طارق اول ما نزل من العربيهـ ,, فريده اللى طردها وهى ملهاش ذنبـ ,,حياته اللى كان فاكر انها حياه .. _ما بين اول صرخه واخر نفس شىء ما يسمى #الحيـــــاه , قليل منا يعيشها والاكثر يتعايش معهــــا ولكن فى النهايه انت صاحب القرار _سالم طول الليل بيتطمن ع طارق من المحامى ,, بيفكر ازاى يجيب فريده ويرجعها تانى وقد ايهـ هو احترامها وكانت صاحبه الفضل فى انه يرجع تانى يتكلم _______________________________________________
بيدخل سالم الشركه وسط ترحيبـ كتير من كل اللى فيها وابتسامه صادقه منهم ,,, بيدخل مكتبـ حسن اللى بيقوم من كرسيهـ حسن:بابا وسالم بيرد عليهـ فى محاوله بأنه يخففـ عنه سالم:اه انت فكرنى عجزت ولا ايهــ ,,,انا لسا جاى من النيابه وانت لازم تروح حالا حسن:هروح يا بابا سالم:و زى ما قولتلكــ متجبش سيره حاجهـ خالص حسن:حاضر يا بابا حاجه تانى سالم:متعرفش حاجه عن فريده التفتـ حسن للاسم مش لباباه وهو بيبتسم بزعــــل حسن:لا سالم:انا هعـــرف اجيبها ان شاء اللهـ متقلقش ابتسم سالم لباباه وخرجـــ _______________________
بتصحـــى امانى من النوم بتشوف فريده صاحيه امانى:انتى منمتيش ؟ فريده:يجيلى نوم ازاى بس ؟ امانى:وهتفضلى كده كتيــــــر فريده :اتظلمتـ اوى يا امانى ؟ امانى:بس ربنا موجود
| |
| | | كل دقة فى قلبى [ عضو ذهبى ]
عدد المساهمات : 845 نقاط : 963 السٌّمعَة : 5 تاريخ التسجيل : 02/02/2016 العمر : 31
| موضوع: رد: <<< قصة رجولة استاذ >>> الأحد 07 أغسطس 2016, 10:22 pm | |
| بارك الله فيكم عالافادة وتعبكم من اجل المنتدى جزاكم الله بالخير والصحة | |
| | | جرح في ملامح إنسانه [ عضو ذهبى ]
عدد المساهمات : 1290 نقاط : 1465 السٌّمعَة : 5 تاريخ التسجيل : 03/06/2015
| موضوع: رد: <<< قصة رجولة استاذ >>> الأحد 07 أغسطس 2016, 11:28 pm | |
| جميل جدا كل اللى بتقدموه روعة تسلموا يارب ومانتحرم من ابداعك | |
| | | amr عضو متميز
عدد المساهمات : 1522 نقاط : 1893 المزاج : السٌّمعَة : 5 تاريخ التسجيل : 15/07/2015 العمر : 34
| موضوع: رد: <<< قصة رجولة استاذ >>> الإثنين 08 أغسطس 2016, 11:12 pm | |
| موضوع مفيد جدا اختياراتك رائعة لكم جزيل الشكر | |
| | | حميد العامري المراقب العام
عدد المساهمات : 3984 نقاط : 4188 السٌّمعَة : 0 تاريخ التسجيل : 03/09/2014 الموقع : منتديات حميد العامري
| موضوع: رد: <<< قصة رجولة استاذ >>> الخميس 11 أغسطس 2016, 1:26 pm | |
| موضوع رائع شكراً جزيلاً انتظر جديدك لك أجمل تحية | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الإثنين 15 أغسطس 2016, 3:39 am | |
| اسعدنى كتير مروركم وردودكم الرقيقة
تسلموا يارب فى حفظ الرحمن
| |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الإثنين 15 أغسطس 2016, 3:48 am | |
| قصة رجولة استاذ … الحلقة الخامسة والعشــــرين خرج طارق من مكتبــ وكيل النيابهـ ,,, اتقابـلت عيونـ حسن وطارق ,, حسن بنظره لوم وعتابـ و كرهه لطارق ,,, طارق اللى بيبعد بعينه بعيد عن حسن ……. دخل حسن لمكتب وكيل النيابهـ وكيل النيابه:اتفضل يا استاذ حسن قعد حســــــــــن ,, وهو بيبعد عينه عن وكيل النيابهـ وكيل النيابه:ها يا استاذ حسن ايه اللى حصل حسن:حضرتك طارق كان جاى بسرعه بالعربيه وجومانا بتعدى الطريق فخبطها وكيل النيابه: طيب تفسر بأيه ان جومانا كانت خارجهـ بشنطه فيها هدوم ليها حسن:هى كانت مسافره وكيل النيابه:وانت كنت وراها ليهـ حسن:كان فيه خلاف بينا وانا مكنتش عاوزها تسافـر بس هى كانت مصممه وبتبعد منى طارق جيهـ بالعربيه خبطها ,ماتت وكيل النيابه:اتفضل امضى ع اقولك يا استاذ حسن خـرج حسـن والمحامى معاه المحامى:استاذ حسن ,, عاوزك فى موضوع حسن:اتفضل المحامى:غيرت موقفك ليه كده من طارق,,اللى حصل ده كان ممكن يفتح موضوع الادويه وانا متأكد انى كنتـ هجبلك حكم وخصوصا ان سالم بيه بقى كويــس حسن:مفيش داعى احنا خلاص صرفنا نظر عن الموضوع ده ,,هو طارق ممكن ياخد قد ايه فى اللى حصل ؟ المحامى :هو هياخد تلات سنين ع الحد الاقصى لان انا ماشى فى القضيه ع انه قضيه قتل خطأ وشهادتكـ اكدت كده وبعد كده ممكن نعمل استئنافـ ويخرج بغرامه __________________________________________________ طارق قاعد فى الزنزانه ,,مش قادر يستوعبــ اللى حصل لحد دلوقت حاسس ان هيجى حد يصحيه ويقوله انه حلم حتى لو الايد دى ايـــــــد جومانا جومانا .. جومانا اللى نظره عينيهـا مش قادر ينساها كأنها بتتمسكـ بالموتـ بكل كيانها ,, تحاول تقفل عينيها بسرعهـ وتساعد جسمها ع التراخى والاستسلام للموتـ وكأن الحادثه نجدتهــــا من موتـ مؤكد فى الحيـــــــاه … نظره تعلقه هو بأخر انفاسها وقتهـا .. وجودها وحياتها اللى كان بيحاول يتمسكـ بيهم اكتر منهــــــا … تمسكـ طارق بنظرات جومانا حتى ولو بالخيال ….. ____________________________________________ قـــــاعده فريده مع امانى فى البيتــ ,,, موبايل امانى بيــــــــــرن بأسم عمار اتكلمتـ امانى مع عمار وتعابير وشها كل شويه تتغيـــــر و بتحكى مليون كلمه فى ثانيهـ وفريده قاعده مستغربه وملامح امانـى استفزت فضولها فى انها تعرف خلصتــ امانى المكالمه وجريتـ ع فريده… امانى:هو انا مش عارفه افتحلك الموضوع ازاى او اقولك ايه ولا افرحلك او ازعلكـ فريده:ايه يا بنتى فيهـ ايه ؟ امانى:جومانا فريده:مالها ؟ امانى:ماتت اتعدلتـ فريده وقامت وقعدت تانى كانت تتوقع اى حاجه غير ان الكلمه دى تتقال امانى:اهدى انا هفهمكـ ,,بصى بقى جومانا اتخبطت بعربيه واللى خبطها طارق فريده:ايه اللى انتى بتقوليه ده امانى:هو ده اللى حصل فريده:وطارق فين امانى:اكيد محبوس يعنى ,, اسمعى الكبيره سالم بيه خفـ فريده:بجد تحولتـ عيون فريده لجوهرتين بيلمعوا من الدموع اللى ملتـ عيونها امانى:اه والله فريده:وهو عمار عرف ده كله منين امانى:انتى ناسيه ان باباه بيشتغل فى الشركه يا بنتى وهو اللى جبلكـ الشغل فريده:اها امانى:وانتى هتعملى ايه دلوقتـ ؟ هتروحى لسالم بيه طبعا فريده:لا طبعـاً بصتلها امانى باستغرابـ فريده:اروح ازاى فى البيت اللى صاحبه خونى فيه واتهمنى بحاجات من غير ما يتأكــــد امانى:بس الوضع اختلف فريده:ما اختلفش ولا حاجه هو طارق لما يضرب حسن بالعربيه يبقى عرف الحقيقه امانى:ممممممم يا بنتى افهمى سالم بيه خف وهو اكيد فاهم الحقيقه فريده:ممممم تفتكرى ,, امانى:احتمال كبير جدا فريده:بس برضوا مش هروح طبعـاً ,,, انتى مشوفتيش هو تعبنى ازاى وعمل فيا ايهـ امانى:طيب هتعملى ايه دلوقت فريده:عاوزه اروح اشوفـ طارق امانى:ايهـ ؟ | |
| | | كيان انثى المشرفة العامة
عدد المساهمات : 4898 نقاط : 5571 السٌّمعَة : 0 تاريخ التسجيل : 15/09/2014
| موضوع: رد: <<< قصة رجولة استاذ >>> الإثنين 15 أغسطس 2016, 3:49 am | |
| دخل طارق مكتب وكيل النيابه مش عارف مين جاى علشان يشوفهـ ,,, اول ما لمح فريده بطرفـ عنيه ,, اتفاجأ ,اتردد يدخل ,, بس نظراتها شدتهـ ليها …. فريده:ازيكـ ضحكـ طارق …. طارق:المفروض ابقى كويس هنا فريده:مممم ممكن تحمد ربنا ,,, يمكن ربنا عمل كده بيحميك من شر اكبر طارق:شر اكبر من اللى انا فيهـ ,, احلى سنين عمرى هتضيع هنا فريده:مش احلى ما عمرك كله قام طارق من ع الكرسى وهو متنرفز طارق:انتى عاوزه تقوليلى ابتسم واضحك وافرح انى هنا فريده:انا مقولتش كده بس انت كنت عاوز تنتقم منها وانا متاكده انها كانت ممكن توصل لانك تموتها بأرادتكـ ,,ربنا فوقكـ طارق:فريده انا عاوز منك طلب فريده:اتفضل طارق:ممكن تسامحينى بصتله فريده وهى بتضحكـ فريده:انا مسمحاكـ طارق: وطلب تانى فريده:اتفــــــضل طارق:انا عاوزك تستنينى فريده بصتله وهى بتستبعد قصده الحقيقى من الجمله فريده:قصدك ايه قعد طارق قدام فريده وهو بيستعطفها طارق:انا بحبك اوى يا فريده ,,المحامى قال انه هيعمل اقصى ما عنده علشان يخففلى العقوبه وانتى لسا صغيره ممكن تستنيننى مش هتلاقى حد يحبك زيى بصتله فريده وهى بتستوعبـ كلامه لانها لو بتحبه كان المفروض هى اللى تقول كده لكن هو ملوش تفسير غير ان حكمها عليه فأنه مبيفكرش غير فى نفسه صح ,, وانه انانى ,,بس حاولت تستوعب الظروف اللى هو فيها فريده:طارق انا طارق:صدقينى هعوضك عن كل حاجه اول ما اخرج وعقبال ما اخرج هتعيشى فى احسن مستوى وفى شقتى وفلوسى كلها هتبقى تحت امركـ فريده:طارق اسمعنى ,, ارجوكـ خليك فى المشكله الكبيره اللى انت فيها دلوقت ومتفكرش فى حاجه طارق:طب اوعدينى انك تفكرى __________________________________________
قاعد سالم وحسن فى البيت بيتغدوا سالم: حسن انا مش هنزل الشركه تانى ,,, انا هعتمد عليكـ من هنا ورايح فى كل حاجه ,,انا تعبتـ من اللى حصل يا حسن ,,اليومين اللى فاتوا انا حاولت اقويك ع قد ما اقدر ,, بس انت اللى هتعمل كده الايام الجايهـ حسن:حاضر يا بابا انا قولتلك متتعبش نفسك من الاول لاحظــ سالم نظرات حسن اللى بتدور ع فريده فى كل ركن فى البيتـ سالم:اطمن ,,, بصله حسن سالم:انا مش ساكتـ وبدور عليها حسن:تقصد مين ؟ سالم:اللى عينك بتدور عليها فى البيتـ حسن:هو فيه اخبار عنها سالم:اكيد هى هتيجى متقلقش حاجتها كلها هنا واكيد هتحاول تجيلها حسن:فريده!! سالم:متقلقش انا بدور عليها فى مكان تانى وهوصلها حسن:انا مش مهتم اوى يا بابا ,,انت بس هتقعد ف البيت علشان تكون معاك سالم: لا ما انا واخد بـالى ,,كمل اكل بص حسن لسالم وهو بيضحكــ ____________________________________________
قاعده فريده تفكر فى كلام طـــــارق ,,,هى مبتحبهوش بس هو هيأمن مستقبلها وهتستناه وكده كده مسيرها للجواز فتتجوز حد بتحبهـ ,,, مضايقه انها بتفكر بس كبشر لازم تفكـر وان كان الموضوع مش قابل للتفكير وخصوصا انها ملهاش اى مكان دلوقتـ فى قلب حد غير قلب طارق _نلجـــأ احيانا لقلـوبـ احبتنا فقط لان مكاننا فيها محفوظـ … طارق بييفكر فى فريده وفى ابتسامه قلبه اللى هتحصل لو وافقتـ ع عرضه ليهـا ,,, نسى كل المشاكل اللى فيها ونسى المنطق ونسى نظره جومانا اللى كانت مستحوذه ع الزنزانهـ ,, مش فى دماغه غير موافقه فريده …… حسن بيتمشى فى المكان اللى فيهـ خطوط فريده معلمه فى اليوم اللى اعترفلها بحبهـ ,, بيفتكر ابتسامتها ,,اول مره شافها فيها ,,ارتباكها ,,خوفها ,,فرحتها ,,, `ذكائها
وهو بيتمشى شافــ واحده جايه من بعيد نفس طول وجسم فريـــــــده قربـ منهــا يتحقق منها
| |
| | | | <<< قصة رجولة استاذ >>> | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |