معنى كلمة الوطن

معنى كلمة الوطن

إبني سألني فـ يوم سؤال عـن معنى كلمة اِلوطـن

جاوِبت ودمع عيوني سَال خايف بمـرور اِلـزمـن

يلقى إجابـِة اِلسؤال اِللي اِتسأل مَــرّه لـِ أبوه

شِعَار واِلناس بـ يردّدُوه

بالنسبه للـِّي بيعملـُوه كلام رخيص مالوش تـَـمَـن

ما انا كـُنت زيِّوه بَاقول بلادي

حُـبها ساكن فؤادي

وحلِفت لمّا اكبر أصُونها احميها من شرّ الأعادي

كِبـِرت وعـِرِفت اِنـّها ما فرَّاطتش فـ نـَفسَها

وأول من قرّر يخونها إلخايـن هُوَّ اِبنها

يعني إبن بطنها عـَمَّال يدنـِّس أرضها

يكشف بـ إيدهُ سِترها

دايوث ما يصونش عِــرضها

إبن ومش بيغِيرعلى أُمُّهُ وشـَرَفها بيضِيع منـَّها

ماتأخذِنيش

فى كلامي عنـِّك يا مصر منـِّي ماتزعَـليش

وماتحسِـبـيـش

إني كلامي ده معناه

كذب وإهانه بدون دليل يثبت إدانه

وماتقوليش

إنهُ نداله أو يعني حاله مـن اِلسَّـفاله

وقزاره وحَـبـّة كلام قبيح

انا بس بسأل ليه باعوكي؟ ليه خانوكي؟

زى ما يَهُوذا زمان باع وخان

سِدنـا المسيح

مااقدرش انافقـِك لإنـّي عارفـِك

لإنـّي حاسِّـك بـقلبي شايفـِك

ولازم معاكي أكون صَـريح

يا مصر انا واحِد من رجالِـك

مش راضيني يبقى حالِـك

نـُص هَـمّ ونـُص غَـمّ

وليل كابيس اِسود غاطيس

وضلامهُ حالِـك

حافظ تاريخِـك مش ناسيه وفاهم كـل كلمه فيه

يا أُم اِلهرم واِلنيل وسينا

نِـفسِـي تاريخِـك نـِضِـيف إليه

صفحه نكتِـبها بـ إيدينا

عقول بـِالـعِـلم مُـستـَـنـيـرَه

وكـل عقــل بـ ألف فكره

يحقــّـقوا أحلام كتيـره

يرجَّـعـوا مصـر اِلكبيـره

يبنوا مُستقبل لـ بـُكــرة

بعَزيمه وبـ إيمان وقـُدره

صحاري تتحـوُّل لـ خـُضـره وكل مصنع وكـل شِركه

يتملوا إنتاج وحَرَكه

ونستعيد أمجاد ماضينا

من أُكتوبر لـ عَهد مينا

وساعِتها بس هـَيعرف اِبني

ويتأكد إنـِّي ماضحكتش عليه

ومش هَـخاف لوهَـيحَسِبني

عَـ السؤال اِللي جاوبت فـ يوم عليه

عارفه ليه ؟!

لأنهُ هَـيشُوفِك بـعينيه

جَـنـّة يا مصـر ولونها وَرْدي

ولمّا يكبر ويبقى قدّي

هَـيـعـلـِّم أحفادى بَعدِي

كلمة وطن معناها إيه

دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع

احسنت الاختيار تـسلم عالطرح الرائع
يدوم عطائك المميز . تحياتى لشخصك

جزاكم الله خيراااا
موضوعك جميل

شكرا وبارك الله فيك على الموضوع الطيب
سلمت يداك ولاعدمنا جديدك الرائع
وفقك الله

ادون الإعجآب
برآئعتك
دمت بحفظ الرحمن

» معنى كلمة بودو
» هل تعلم ما معنى كلمة مزة !!!
» معنى كلمة طز باللغة التركية
» معنى كلمة مبروك ؟؟؟ اقرى عشان تنصدم
» قاموس المصطلحات الكنسية | معاني المصطلحات | معنى كلمة الأرخُن