ساعدونى ازاي اكون اجتماعيه

ساعدونى ازاي اكون اجتماعيه


انا بنت عندى 13 سنة وفى تانية اعدادى مشكلتى انى بحب العلم جدا وبحب اقرا فى اى كتاب لدرجة انى لما اجى اتكلم مع اى صاحبة ليا ببقى عايزة افيدها بالمعلومات اللى عندى فمش بعرف اهظر زى بقية البنات ومش بعرف اقول نكت عشان اضحكهم فبالتالى بيعاملونى على قد عقلى ويتكلموا معايا فى الثقافة ولما ييجوا يتكلموا مع البنات التانية يعدوا يقولوا نكت ويهظروا وانا المشكلة مليش فى الحاجات دى بس انا عارفة ان دى الطريقة الوحيدة اللى اقدر بيها اخلى الناس تحبنى وانا ماعرفش اعمل كدة ولما جربت اهظر معاهم ضحكوا ضحكة مزيفة او بمعنى أصح ضحكة شفقة ولما اجى اقول نكتة بتهته فى الكلام وبالتالى محدش بيضحك وبتكسف اوى ساعتها وبتمنى ان الأرض تنشق وتبتلعنى ارجوكم ساعدونى هو ممكن تكون المشكلة فى نظركم حاجة تافهة لكن المشكلة دى هى اللى بتبعد الناس عنى ارجوكوا ساعدونى ومتستخفوش بالمشكلة انا بجد تعبت ألاقى فين بس اللى يقدر العلم زيى وكل الناس دلوقتى مبتعملش حاجة فى حياتها غير انهم يلقوا فى النكات ارجوكوا ساعدونى وانا اسفة انى طولت عليكم لكن دى بجد مشكلة عويصة بالنسبة لى. وربنا يعوضكم على اجاباتكم. وشكرا.

مجهود رائع يستحق كل تقدير

تسلم ايدك ويدوم عطائك المميز

تحياتى لكى بكل الود

يسود الهدوء اروقة الصفحات لمروركم العذب
فكلماتكم تخرج من القلب
لكي تحفزنا الي المزيد والتقدم والرقي
اشكركم كل الشكر لمجهودكم الجميل
الذي لا يقدر احد ان يتجاهله
خالص ودي