تفاصيل خطف أسرة قبطية وتحريرها
تمكنت الأجهزة الأمنية بمديرية أمن سوهاج، بإشراف اللواء أحمد أبو الفتوح، مساعد وزير الداخليية ومدير أمن سوهاج، وقيادة العميد خالد الشاذلي، الأربعاء، من تحرير أسرة قبطية مكونة من 7 أفراد، بينهم طفلان رضيعان، تقيم بمحافظة أسيوط عقب قيام تشكيل عصابي مسلح باختطافهم عند حدود محافظة قنا أثناء نزولهم من السيارة الخاصة بهم للاستراحة على الطريق الصحراوي الشرقي خلال عودتهم من مدينة الغردقة في اتجاه محافظة أسيوط، واقتيادهم لمنطقة جبلية وطلب فدية مالية نصف مليون جنيه مقابل إطلاق سراحهم.
"دوت مصر" حصل على فديوهات يتحدث فيها المخطوفون عن رحلتهم من الغردقة وخطفهم وقيام الأجهزة الأمنية بتحريرهم
قالت منى عيسى إحدى المخطوفات: "بعد تعب من طول الرحلة وقفنا عند صينية مرور قنا للاستراحة، وبعد لحظات وجدنا سيارة ربع نقل خرج منها 5 مسلحين معاهم رشاشات وبنادق آلية طلعوا علينا وقالوا تعالوا معانا، ومن غير كلام وراحوا معصبين عنينا، وواحد فيهم قاد السيارة بتاعتنا وبعد فترة مش طويلة لقينا نفسنا في الصحراء بالليل ومش عارفين إحنا فين، وقالوا لنا ممكن تشيلوا العصابة اللي على عنيكم".
وقال مايكل إيهاب أحد المخطوفين: "الخاطفون طلبوا فديه نصف مليون جنيه وبعد 3 ساعات من عملية الخطف خفضوا الفدية لـ 250 ألف، وهنا فتح مجال التفاوض لحد ما وصل إلى 150 ألف، كل واحد اتصل بأهله فى أسيوط وتم جمع المبلغ وتم التنسيق مع مينا أحد أقاربنا الذى أحضر المبلغ، وتم الاتفاق على مكان التسليم بالاتفاق مع الشرطة، وتم عمل كمين وبعدها قاموا أخدونا وقالوا خلاص الفلوس وصلت، وأثناء القيام بعملية التسليم وصل تليفون للخاطفين، وقالوا ليهم خالوا بالكم الشرطة مالية المكان، والطريق ومنتشرة بالمنطقة الجبلية وعندها تركونا بعد ما كنا غرزنا فى الرملة وهربوا" .
وأوضح: "المسلحون كان معاهم أسلحة متعددة ما بين رشاشات وبنادق آلية وبعد ما وصلنا قالوا لنا هاتوا كل اللى معاكم وأخدوا الدبل والخواتم والساعات والهواتف المحمولة والشنط الخاصة بينا والحلق بتاع السيدات، ونسيوا التليفون اللى كان بيتفاوضوا بيه مع أهالينا ودا هو اللى سهل الاتصال والتواصل مع الشرطة، وعليه وكان اتصال من الشرطة احنا موجودين بالمنطقة الجبلية بالقرب منكم، ولو تعرفوا تحددوا المكان بلغونا، فكان ردنا أحنا مش عارفين احنا فين، والشرطة قالت لنا احنا هانشغل الفنار وصوت السرينة الخاصة بالسيارات أول شيىء تسمعوه أو تشوفوه من ضوء كلمونا على طول وشاهدنا الضوء وتم التوصل لنا والعودة بنا وبالسيارة سالمين بفضل ربنا ثم قوات الشرطة بمديرية أمن سوهاج".
وتابع مايكل: "بعد عودتنا من عملية الخطف عرض علينا ضباط إدارة المباحث الجنائية بعض الصور تعرفنا على إحداها، وتبين أنه أحد المسجلين خطر والمطلوب فى عدد من القضايا والهارب من أحكام بالإعدام والمؤبد".
وأردف: "الحمد لله ونشكر ربنا مكنش عندنا أمل فى الخلاص من المجرمين دول وكانت ليلة طويلة ومكنتش أعتقد أن الموضوع هيخلص بالسرعة دي، لأن أى حد بيتخطف بنسمع أنه بيقعد أيام على ما يرجع بعد والمفاوضات والشد والجذب، لكن تحرك الشرطة السريع قصر المدة وخلصنا، وأنا بشكر الأجهزة الأمنية وعلى رأسهم مدير أمن سوهاج، ومدير المباحث الجنائية، ومدير الأمن العام ورئيس فرع بحث الشرق وضباط وحدة مباحث إخميم على المجهود الطيب وسرعة التحرك وعاشت مصر جيشا شعبا وشرطة" .
هذا الخبر منقول من : دوت مصر
الخميس 29 نوفمبر 2018, 2:24 pm من طرف 
![[ عضو ذهبى ]](https://2img.net/h/im68.gulfup.com/JpXldn.gif "[ عضو ذهبى ]")
