الشاعر نبيل عبد الحميد … يكتب كنا سبعة

الشاعر نبيل عبد الحميد … يكتب كنا سبعة

كُنا سبعه

ويّا بعض نروح و نيجي

أي وقت و أي حته …

جامعه ماشي

قهوه ماشي

أي هلس و رمي جِته …

بس من بعد الشهاده

كُلُه كان عَمّال يعافِر

شال همومه و راح مسافِر

خَد هُدومُه و سابنا سِته …

ساب جاكِته لـ حَد فينا

و قالُه ذِكرى

رد قالُه – عُمري ما انسا ..

شالها عندُه و يوم جوازُه

كان لابسها و سابنا خمسه ..

فات شهور و عملنا حادثه

كان سببها الصربعه …

طيش شباب و هزار سواقه

و ضحك فاضي و مرقعه ..

و التمن كان حَد غالي

مات و سابنا أربعه …

صدمة كانت مُفجِعه

لمّا فُقنا قالولنا مات ..

و أما واحد فينا كَمِّل

باقي عُمرُه بعُكازات ..

كان بيمشي تاتا تاتا

و الألَم خلّاه يسيبنا

للخطاوي احنا التلاته …

بالمعارف و الوساطة

و الرشاوي و الهدايا

جالُه تعيين وَجه قِبلي

راح و ساب واحِد معايا ..

..

و النهايه

نيجي ع القهوة و نحكي

مَرّه كُل فين و فين ..

و المسافه تزيد ما بيننا

و الشهور بتجيب سنين ..

باقي مين ؟

غير حنين الروح و دَمعه

و صُورَه كانت باقيه عندي …

و أفتِكر لو شُفت جامعه

ولّا جنب القهوه أعَدّي …

إن إحنا – كُنا سبعه

و إني في الآخر

لوحدي …

‫#‏كنا_سبعة‬

بارك الله فيكم على هذا الموضوع المفيد والنافع
كل الشكر والتقدير

اجد الابداع والتواصل الجميل
في اختياركم الراقي
لكم مني باقات من الورود

جميل جدا كل اللى بتقدميه روعة
تسلمى يارب ومانتحرم من ابداعك

تسلم ايدك على مجهودك المميز
الله يبارك تعبك

ادون الإعجآب برآئعتك
دمت بحفظ الرحمن

تسلم ايدك ع الابداع فى انتظار كل جديد ورائع
دومت متميز مع الشكر

لقد كتبتِ وابدعتِ
كم كان موضوعك رائع
فكم استمتعت وانا اقراء

كل الشكر والامتنان على روعهـ بوحـكـ
نترقب المزيد من جديدك الرائع
دمت ودام لنا روعه مواضيعك

» الورم الدماغي الحميد ,غير سرطاني
» عماد الدين أديب يكتب قطر واللعب على المكشوف!
» منتخب تشيلى يكتب التاريخ أمام الأرجنتين.
» مقتل الفنان الكويتي عبد الحميد الرفاعي
» فوائد الصمت سبعة‎