طلقه في المليان

طلقه في المليان

كان ياما كان

كان في جندي مُجـنـّد إسمهُ حسيـن رمضان

عسكري غلبان تشوفهُ تقول أطيب إنسان

بيخدم وطنهُ وعارف إن اِلخدمه لِـ وطنهُ مـن اِلإيمان

كان واقِف خِدمه وعدِّت قـُدّام مـنـّـهُ مُظاهرة

وفجأة يا ناس إنضربـِت طلقه في اِلمليان

طلقه ما تعرَف جايـِّه منين رشـَـقـِت دُغـّـري فـ قلب حسيـن

ومات وراح فـ خبـر كان

لا مجلس الأمن بـ أعضائهُ إجتمع عشان

يعرَف مين بـِالقـتـل مُـدان

ولا جامعة اِلدول اِلعربية خـَرَجـِت بـ بيان

يـَشّـجُـب وا يُديـن هذا العُدوان

واِلأحـزاب السياسية وأطياف القوُّه الثوريه

وحتى وزارة الداخلية

ماقالوش تصـريح بـ كلام رنـَّان

لِـ جـريده مُعارضه أو رسميه أو للقنوات الفضائيه

ومَهما تعيِّـطي يا بهيِّه

مصيـر اِلخَبَـر اِلكتمان

إعلام عايش فـ اِلتوهان

وإذاعة بايظة وتليفـزيون مع كل نظام بـ نغمه وِلـُون

وقـَـدر اِلحادِث إنـّهُ يكون

واقع فـ بلاد اِلنسيان

بس انا مش خايف من زنزانه أو سجَّان

واِللي قال عـ الشـِّعر جبان هُـوَّ اِللي جبان

أنا مش هسكـُت أنا هــاحكي واقول عـنـَّـك يا حسين

لو حتى كلامي خلـّلاني بـَقـيـت مـ اِلمُعتقالين

يمكـن قلب يحسّ بـِشـِّعري

والقا حد من اِلسَّامعيـن

يدّمع دّمعه ويدعي بدَعـوه تسكـُن جَـنـَّه مع الخالديـن

وِ واحد جَنبهُ يكون بقى سامعهُ

يقول مـن قلبهُ يارب أمين

وميـن يا حسين في الكون غير يملك أمرك

ويهوُّن بـِالصبـر مُصيبه

خلعِت قلب اِلمسكينه أُمك اِللي تملـّي بتشيـل هَـمّـك

ويوم ما رِجـِعت بلدكـُم جُـثــّــه

وهدُومـَك غـرقانه بـدمَّـك

جـِريت حافيه بـ لـَهْـفـه عليك بين أحضانها عايـزه تضُـمَّـك

نزله دمُوعها على الخدِّيـن

بتقول وَلـَدي ضنايا وإبني

وحبيب قلبي وضيِّ اِلعين

وأبوك واقـِف بيهدِّيها ومـن جُـوُّاه مكسور وحـزيـن

عايز يُصرُخ ويقول أه

سارقين فرحهُ وكسـرين ضهـرهُ بـ قـتـْـل ضَناه

مين هيحسّ بـ حُـزنهُ وقهْـرهُ ونار كوياه

ربـّنا واحدُهُ يخفـّف عـنـّهُ ويتولاّه

وأنا بـرضو ربّي مقدَّرنـِّي وموفــّــقــّـني أعَـبّـرّ واحكي

عـ اللي مِفارِقّ أُمه وابُوه

بطلقة غدر يا ناس قـَـتـَـلـُـوهُ وأهلهُ خلاص بيودَّعُـوهُ

وعيونهُم مـ اِلحُرقه بتبكي

وبرغم كلامي ده كـُـلـّـهُ لكـنـِّي

شايف واحد ولا على حامي ولا على بارد

بيوجِّهلي كلام ويقول أنا مالي ومال اِلمقـتـول

عايز ليه تحسّسني بـقهرَك ومصدَّعلي دماغي بـشِّـعرَك

إجري روح إشكي للمسؤل

وانا لاَزِم حتماً ولابُد إنـِّي أكون جاهز بالرّد

على أمثالك وافهّمهُم

من غيـر شرح كلامهُ يطول

إسمحلي في الأول أقولـَّك متخلـِّيش اِلجهـل يضلـَّـك

وقبـل ماتمشي إسمع منـِّي كلام معقول

يوم ما يكون اِلمقتول إبنـَك

شِّعري هيحكي عـنـّهُ وعـنـَّك

وانا برضو مش زعلان منـَّك

وِاِلوِدّ هيفضل مُوصُولّ

وأخيـراً كـُلـّـكـُوا فاهميـن

أقصُد إيه مـ اللي انا بـاحكيه

إنتوا عرفتوا المجني عليه

طب والجاني يطلع مين ؟؟

مش عارفين ؟؟!!

بـاقـولـّـلـكـُم اِيـه

دا سؤال صعب

تعالوا نفكـّـر كـُلـّـنـا فـيـه

فــاكـــريــن لـمّـا سـألـوا بـهـيـه ؟

مين لهُ يـد فـ قـتـل يـاسيـن ؟؟

وسـاعِـتـهـا صَـبَـحِـت أُغـنـيّـه !!!

[size=27]بنردِدها بقالنا سنيـن !!!!!!![/size]

عـايـزيـن نِـسـأل تـانـي بـهـيِّـه !!!!

مين فـ رَقـَبـتـهُ دّم حسين ؟؟؟؟؟؟؟؟؟؟؟؟؟؟؟؟؟؟

ملكتَ اللهجة والإحساس
دمجت الوزن بالمقياس
لكي أسمع ترانيمك
وللمعنى أهز الراس
وأرفقها بإعجابي
لأنّك بالفعل نبراس

احسنت الاختيار تـسلم عالطرح الرائع
يدوم عطائك المميز . تحياتى لشخصك

جزاكم الله خيراااا
موضوعك جميل

شكرا وبارك الله فيك على الموضوع الطيب
سلمت يداك ولاعدمنا جديدك الرائع
وفقك الله

» «الداخلية» سنواجه التخريب يوم 28 نوفمبر بـ«الضرب في المليان»