مصر اِللى كانِت ومازلِت

[size=37]مصر اِللى كانِت ومازلِت[/size]

يا مصر يا أُم الدُنيا ديَّه يا بلدي يا غاليه علـَيِّا

باقيتي ليه فـ عيون ولادِك بلد مجهُولة اِلهُوِيّة

(المقصود بـالهُوِيّة هنا الهُوِيّة الوطنية أى معالم مصر وخصائصها المميزة وأصالتِها)

إللي بقى عايزِكِ مـَدنـِيه واِللي عايزِكِ ليبراليه

واِللي عايزِكِ علمانيِّه واِللي عايزِكِ إسلاميِّه

كل واحد رافِعـلـِّي رايه عايز يحقق بيها غـَايه

ومش مُـهم فـ النـّهايه

اِلوطن يبقى اِلضَحيـِّه

يا عقول ومش قادره تـفـكـَّر

مـُخـتـَلـِفـيـن في هُـوِيـّـتها

من سَبـَع تـلاف سنه أو أكتر

مصر بدائِت حضارِتـها

مصر اِللي كانِت ومازالِت

ماتسئلوا اِلنهر اِلخالد لو محتاجين فِعلاً شاهد

يحكيلكـُم عن عظمِـتها

ويعرّفكم مين هِـيَّ مصـر اِلجميله واِلبَهـِـيّه

(البَهـِـيّه المقصود بها الجميلة الفاتنة)

وأُم اِلضحكه اِلمِسـتِـحِـيِّه

مصر اِلأصيله واِلقويّه

هِـيَّ حـمَّّـالِـة اِلأسيِّه

وكـل ناسها اِلطيبين عارفين كده

وهِـيَّ برضو من حُبُهم مُـتأكده

وميـن اِللي بـِالشـَّــرّ إبتدا؟؟

غيركـُم اِنتم بـتكراهُوها وتـخـرَّابوها

طيب ليه بالشكـل ده

تِـبقوا بـالنسبه لِـ بَـلدكم أخطر عليها من اِلـعِـدا بس اِلـعِـدا

بـيقدَّاروها ويحترموها

واِنتم عايزين تكسَـروها و تهزِموها

واخر اِلـمَـتـَمَّه بـتهينوها وتلـّعـَنوها

لا واِللي أكتر من كدا فــُــلان وعِــــّلان وكمان دِكها ودا

بــيــكــفـَــرُوها!!!!

مصراِللي طول عُمْرَهَا مؤمنه

خصَّها بـالذكر كتير ربّـنا

في كـل اِلكـُتـُب اِلسماوية

في اِلتوراه وفي اِلإنجيل وفي اِلقـرآن

بـيعيش فـ أمان على أرضها كـل الأديان

وهَـتِفضـل مصر اِلمحــروسه

لـ محمد ولـ عيسى و موسى

وإيديهم ماسكه فـ إيدين بعض ما يفرَّقهومش أبداً حد

برغم اِلفتنة اِلمدسوسه

وبرغم اِلناس اِللي هَدَفها تبقى الحقايق معكوسه

كانت أنفـَاسهُم محبوسه ويِّه الأفكار اِلموكوسه

دلوقتى بس

صُوتهُم طِلِع وبقالهم حِسّ

بـيخططوا ويدبّـروا وبـيحلموا يغيِّـروا

ملامح مصر اِلطيِّبه

قال يعني فاكــريـن يقدَرُوا

يبدِّلوها بـ مصـر تانيه فـ صُوره بَـشِعَـه ومـُرعبه

وَهمُهُم هيئلـُهُم أفكار خبيثه مُخرِّبه

هـتقدَر مصر تصدُّهُم

وهَـتـنـتـصـر على غـلـُّلـهُم وحقدهُم

وانا عن نـَفسِي بـاقولـّلـُهم

الله أكبر بالنسبه ليِّا هِـيَّ مـُفتاح أي نـصـر

الله أكبـر من أي واحد قلبهُ جاحد كـُلهُ غدرّ

الله أكبر من أي حد يمـسّ مصر بـ أي شر

الله أكبر من أي مـِحنه وكل ضيقه نلاقي حلّ

الله أكبـر هـاقولها دايماً مش هَـ مــلّ

الله أكبر من أي حد يكون بقى مضحوك عليه

وبـِالضلال مغمـيـيـن قلبهُ وعـينيه

و اِوعُوا تقولوا ذنبهُ إيه؟؟؟

ذنبهُ إنهُ مُـستـَغـَـلّ

سَـلـِّم دماغهُ لـمُـستـَغــِـل

ولإنهُ ضال تابع مُضِل

ما يتبكيش أبداً عليه

ومصـر اِللي اِحنا نِعرَفها

لا جماعه ولا حزب وحَـرَكه

يقدَر يسّرَقها يخطـَفها

ويقسِّمها كما اِلتِركه
ماهيش فـَريسه فـ إيديهم مش لاقيه حد يحميها
رَبـّك واِلشعب من بعدهُ حافظيـن وِحدة أراضيها

وهَـ تـِفضَل مصـر لـ يوم اِلدين

مـُعتصِمة بحبل الله

إيمانها مـثـَبـِّـتها

ولو لسّه برضو مش عارفين

مصر شـُريان اِلحياة

إيه هُوَّ سرّ قوِّتـّها

إلإجابه في جُملتين

اِلشعب قال للفـُرقه لا

وقوِّة مصر وحدِتها

دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع

احسنت الاختيار تـسلم عالطرح الرائع
يدوم عطائك المميز . تحياتى لشخصك

جزاكم الله خيراااا
موضوعك جميل

شكرا وبارك الله فيك على الموضوع الطيب
سلمت يداك ولاعدمنا جديدك الرائع
وفقك الله