بقلمى فى ذكرى وفاة امى
------------------
أمـا يـا
أمايا ياما صرخة مكتومة فى قلبى اسمعيها
مدى أيدك فوق دموعى وأمسحيها
اى حاجة فيها ريحة من طفولتى رجعيها
مشتاقة ياما لحناك ولايمانك للالم لو كان عشانك
دمع عينى لسة فاكرك وبعيونى وروحى شايفك
بين ضلوعى قلبى شايلك اصلى ياما لسة عايشك
لسة حاسة نبض قلبك بين عروقى وف حروفى
وف غروبى او شروقى
عمر يومماغابت صورتك عن خيالى
ياما طيفك لسة هايمفى المكان
ياما حبك لسة أقوى من الزمان
امايا ياجرحى ودوايا مشتاقة لحضنك ولكلامك ولسلامك
امايا يا أملى ومنايا مشتاقة لكلمة ياضانيا
كل شىء ياما عطشان لابتسامتك
كل ركن فى بيتنا بيقولك سلامتك
حتى فرشك او ملايتك
حتى عقدك او مرايتك
كلهم يامايا يا أما سألوا عنك
كل نبض قلوبنا بيناديكى ويقولك تعالى
تعالى ياغالية من تانى تشاركينى فى احزانى
تأنسى وحدتى المرة يفتح ورد بستانى
يامايا الدنيا خانتنى وناسها القاسية خدعتنى
واحلامى جتلتنى وحتى الحب عادانى
وأعود تانى بأحزانى واتحدى زمان الخوف
الاقى الدنيا فكرانى وترمينى فى حضن الزيف
يطول ليلى باشجانى وتزرع جوة قلبى خريف
ومن ايدى يضيع السيف
هى دى ياما الحكاية
هو ده زرعى وبنايا
الخميس 29 نوفمبر 2018, 2:24 pm من طرف 
![[ مدير الموقع ]](https://2img.net/h/im68.gulfup.com/5hWGeb.gif "[ مدير الموقع ]")
![[ عضو ذهبى ]](https://2img.net/h/im68.gulfup.com/JpXldn.gif "[ عضو ذهبى ]")
