عيد تايب يوسف
عضو متميز
عدد المساهمات : 222
نقاط : 508
السٌّمعَة : 5
تاريخ التسجيل : 30/07/2015
 | موضوع: ( ضرايب مُتَع ) قصيدة بالعامية المصرية  الثلاثاء 27 نوفمبر 2018, 11:56 am | |
| الأب والأم بديباجه
فـ وقت مُتعه بيجبونا
وكلنا ولاد شهوه واحده
ولو ركّزت هتلاقي
نتيجة المُتعه مش سهله
يعني مثلاً مُتعتك من السيجاره
بَعد التبغ ما يشتعِل
ويضحي بنفسُه وينتحر
فـِ سبيل تودّعيك للقلق
تحِس إن الكون بحالُه من خلالُه بيتحرِق
تشوف حبيبتك بَعد ما اختارت فُراق
بقيتها في بواقي الدُخان
الخارج من صدرك يقابل
الهوا يصبح سراب
يعني مُتعة السيجاره
زيّ مضادات اِكتئاب
بس النتيجه
الصدر لسّه بيزيّق
وكأنُه يشبه جِذع شَجَره
تتمرجح عليه عيال
يزوّدوا فيه الشروخ
حاسس نهايتُه وضحكهم
بيصبّرُه صَبر الجِمال طب مُتعتك من الجواز
من بَعد حُب
وفترة قضيتها فـ خطوبه
فيها زادت لفهتك
حققتها بالإرتباط
تظهر فـِ قوّة شهوتك
يوماتي بتهز السرير
يعني بنيت المملكه
بفرحه وبقيت الأمير
شُفت الجواز يعلن لروحك متعتُه
فـِ بدايتُه فرحه نبّتت
جناحات فـِ تاخدك فوق تطير
بس النتيجه
جيوبك غَصب مهما قاومت بتسلّم
كل اللي فيها من فلوس
تضحك تملّي مع الولاد
لكن فـ قلبك همّهم
بيخلّي من جوّاك عبوس طب مُتعتك بعيد ميلادك
وانت شايف تورته مسرح
حاضنه شمع بفرحه يُرقص
شيء جميل طب والنتيجه
إن عُمرك كُل مرّه
فـِ عيد ميلادك
بيزوّد عدّاد سنينك
ورغم دا عمّال بينقص
مُتعتك من أكل لحمه
زيادتها تقلب بنَقرص مُتعتك من المُرتّب
وانت شايفُه
من إيديك عمّال يسرسب
يروي نفسيتك بـِ وَرَقُه
فـ تبقى ورده مفتّحه
يودّعك لأنُّه حَبّك
تودّعُـه لأنُّه سايبك
حبيتُه حُب المصلحه
إنت نَدل وهو مُخلِص
عشان بتستنّي بديلُه
مع أخر جنيه بيخلَص مُتعتك من غنوه حلوه
و ودانك عُمّال ديليڤري
بيوصّلوا اللي بيسمعوه
لروحك طعم المُتعه يسري
جوّه منها وتبقى طايره
دون ماتحتاج لجنحات
بس احتمال
تتكتب ذنب فـ صحيفتك
تزيد فـ عَدد السيّئات مُتَع كتير فـِ الدنيا ياما
واللي انضرب بيه المثل
كفيل يترُكلك كام علامه
تدل على إن النتايج
للمُتَع فعلاً ضريبه
لكن لابد من وجودها
عشان حياه بدون مُتَع
هتتحوّل لحياه كئيبه
#ذِكر_ما_لا_يُقال
| |
|
