قالت علي الفور :
- لأ طبعا خلاص بقي ، الحمد لله إنه مردش أصلا علشان محسش بتأنيب الضمير
وقبل أن تتحدث ولاء سمعت سلمي رنين هاتفها للمره الثالثه يخبرها بقدوم رسالة جديده ، أمسكت الهاتف بيد مرتعشه وفتحت الرسالة وكان محتواها :
- الشكر لله ، مفيش تعب ولا حاجه ، دي أول وآخر مره تتصلي فيها في الوقت ده مـــــــــاشي ؟
كادت أن تبكي عندما رأت الرسالة وشعرت وكأنها تنصهر في مكانها من فرط إحراجها ، ظلت علي هذه الحاله قليلا ثم نهضت من مكانها فجأة وقالت :
- أنا لازم أقول لبابا علي اللي حصل ده
نظرت لها ولاء بذهول وقالت :
- يا بت أنتي مجنونه ؟ ده ممكن يموتك !!!
تنهدت بخوف وقالت :
- عارفه ، بس برضو لازم أقوله واللي يحصل يحصل بقي
______________________
ظل إسلام ينظر إلي هاتفه بضيق ويحدث نفسه قائلا :
- معلش بقي يا سلمي كان لازم أعمل كده
ثم نظر للمرآه بغضب وقال :
- وبعدين ما تبطل جنان بقي يا عم إنت كمان ، إنت ناسي إنك لسه خاطب ولا إيه ؟!!
نظر للأرض بطيبه وقال هامسا :
- بس والله أنا كنت عاوز أفرحها مش أكتر ، مش عارف بقي ده غلط ولا إيه
ثم نظر للمرآة مره آخري وقال :
- الحمد لله إني لحقت نفسي ومرديتش وإلا كانت تبقي مصيبه ، يعني سلمي اللي كانت صامده علطول دلوقتي بدأت تضعف .
ثم تذكر الآيه الكريمه " ولا تتبعوا خطوات الشيطان "
وقال لصورته المنعكسه في المرآه بغضب :
- ودي ممكن تكون خطوه من خطواته علشان يوقعنا ، وطبعا هو ناصح وبيحب يشتغل علينا واحده واحده علشان منحسش بنفسها !!
ثم نهض من مكانه فجأة وقال بصرامه :
- بس أنا مش هينفع أسكت ، انا لازم أعرف باباها علشان محسش بالذنب !!
لــ #رقيه_طه
شايفين سلمي معاها حق في موضوع النيش واوضة الأطفال ده ؟
وإيه رأيكم فيها كـ مدرسة ؟ وليه إحنا منكونش زيها ؟
شايفين موقف إسلام بتاع الهديه ده غلط ؟ ولا الموقف صح بس رد فعل سلمي هو اللي غلط ؟
وكمان تفتكروا باباها هيعمل إيه لما يعرف ؟
وإيه التصرف اللي إسلام بيقول عليه ده ؟
علشان ببقي حابه أشوف رد فعلكم بعد كل حلقه
يـــارب الحلقه تعجبكم