<<< قصة رجولة استاذ >>>

قصة رجولة استاذ … الحلقة السادسة والعشــــرين




حسن بيتمشى فى المكان اللى فيهـ خطوط فريده معلمه فى اليوم اللى اعترفلها بحبهـ ,, بيفتكر ابتسامتها ,,اول مره شافها فيها ,,ارتباكها ,,خوفها ,,فرحتها ,,, `ذكائها
وهو بيتمشى شافــ واحده جايه من بعيد نفس طول وجسم فريـــــــده
قربـ منهــا يتحقق منها
ظهرتـ الصوره واضحهـ قدام امانى ….
اللى قربت من حسن بحذر وكسوفـ
حسن:حضرتك مين ؟
ردتـ امانى بعفويه
امانى:انا امانـــى
وقفـ حسن محرج مش عارف يرد يقولها ايه فكملتـ امانى كلامها
امانى:انا صاحبه فريــــــده
فاق حسن من توهه كان فيها من اليوم اللى فتح لفريده فيه البابـ علشان تخرج من حياته ع اسمها وكأنها اسمها رد الحياه من تانى ليه
_هناكـ اشخاص حين تتردد اسماءهم ع الشفاه , ترسم الحياه ابتسامه بعمق قلوبـ البشـر
حسن:اتفضلى ,,هى فين ,,هى معاكى بره ,,طيب
ضحكتـ امانى وحسن خد باله
امانى:فريده عندى فى البيتـ ,,انا بس كنت جايه لانها عاوزه حاجتها ممكن اخدها
حسن:لا طبعا
امانى:ايهـ
حسن:انا اقصد يعنى انى عاوز اعتذرلها ,,, احنا محتاجنلها ,,اقصد بابا عاوزها ترجع تانى
امانى:مممم بس هى بصراحه
حسن:مش موافقه صح ؟
امانى:اهـــــا
حسن:طيب تعالى بس ندخل لبابا
____________________________________________

بيدق بابـ بيتـ امانى اللى بتجرى فريــــــــده عليهـ ,بتفتح البابـ ,اللى بتشد ايدها بسرعه
فريده: تعالى ها قوليلى بسرعهـ مجبتيش حاجاتى ليه وسالم بيه كويس ,,عرفوا الحقيقه ,, شوفتى حسن
امانى:استنى بس ,,انا معايا ضيوفــ
وقفتـ فريده ,,, دخل سالم وحســــــــن ,, ذهول مش طبيعى اترسم ع وشها وكأن الذهول اتخلق للحظه دى
سالم:تسمحولنا ندخــــل
امانى:طبعا طبعا اتفضل حضرتكـ انا هدخل لبابا بس بعد اذنكوا اقولوا انكوا هنا اتفضلوا ف الصالون


فريده ماشيه وراهم لحد ما قعدوا فى الصالـــون وهى مش عارفه ازاى ده بيحصل وراحت امانى تنادى باباهـــــا
سالم:ازيك يا فريده
بصتله فريده وهى بتضحكـ لانها اخيراً سمعت صوته
فريده:الحمد لله ,حمد الله ع سلامه حضرتكـ
سالم :الله يسلمكـ ,,احنا كنا جايين انهارده نعتذرلكـ
اتفاجأت فريده من انه قال الكلمه بسهوله وصراحه كده
فريده:انا
سالم:انتى ليكى حق علينا ,, انتى اللى خلتينى عاوز الحياه تانى
فريده:ربنا يدى حضرتك الصحه
سالم:انا عارف اللى عمله حسن كله وهو جاى يعتذر ,اتكلم يا حسن
حسن كان سرحان فى فريده ,, بيشبع عيونه منهـا ,, نظراته عاوزه تخطفها لجوه عيونه وده الحل المنطقــــــى لاحساسه الداخلـى ….
سالم:حسن ؟
حسن:انا بعتذرلك يا فريده ع اللى حصل بس صدقينى كان غصبـ عنى
ففاقتـ فريده من ذهولها بكلام حسن
فريده:بس انا مش قابله اعتذارك يا استاذ حسن
اتصدم حسن من رد فريده
سالم:عندك حق يا بنتى ,,, بس انا جاى هنا علشانى انا سيبك من حسن دلوقت
فريده:حضرتك ع راسى ,
سالم:انا عاوزك ترجعى معايا انا ,,,انتى كنتى علشانى وانا لسا عاوزكـ تشتغلى تانى
فريده:انا
سالم:يالا يا بنتى قومى هتيجى معانا
فريده:وانا مش هخلى حضرتك تمشى زعلان منـــــــى
ودخل والد امانـــــــى

طول الطريق حســـــــن ساكتـ مضايق من موقف فريده تجاهه ولكن كل مايفتكر نظرات عيونها ليه وتوسلها يومها يعذرها …
سالم طول الطريق يشكر فريده ع الايام اللى مقدرش يشكرهــــا الايام اللى كانت فيها قصاده
وفريده مبسوطه بكلامه وكانت بتتمعن فى صوتهـ اللى كمل وقاره …
وصلــــــوا الفيلا
سالم:نورتى
فريده:بنور حضرتكـ
سالم:انا هسيبك ترتاحى انهارده الفتره اللى فاتت كانت صعبه علينا كلنا وبكره ليا كلام كتير معاكـى ان شاء الله
فريده:ان شاء الله
سالم:تصبحوا ع خير
فريده:وحضرتك من اهله
وقف حسن وطلع سالم وفريده هتطلع وراه نادلها حسن
حسن:فريده
فريده:نعم
حسن:انا عارف انى ذوتها معاكى بس تعالى نفتح صفحه جديده
فريده:بعد اذنك يا استاذ حسن انا عاوزه انام
حسن:فريده انا بحبكـ
طلعت فريده وهى مضايقه من كلمه بحبكـ اللى قالها حسن ومش عارفه مضايقه ليه
_________________________________

قاعده فريده مع سالــــــم فى جنينه الفيلا يتكلموا
فريده:انا زورته لانى زى ما حكيت لحضرتك هو وقف جنبى ازاى
سالم:انا مش بلومك ومش مضايق منك فى كده
فريده:انا محتاره فى عرض طارق اوى
سالم:انتى بتحبيه
فريده:انا الفتره اللى فاتت حضرتك اتعرضت لضغوط كتيره فى حياتى وكل شويه تجيلـى فرصه اقبلها حتى لو غلط المهم تعدينى من المرحله دى ,,, كل شويه اسمع واحد يقولى انه بيحبنى وكأنى وسيله للحب مش استحقه فعلا علشان نفســى


سالم:انا مش عاوز اضغط عليكى بالكلام بس فكرى كويس وحكمى عقلك وقلبك ومتديش لواحد فيهم التحيز ع تفكيركـ ,,انتى هنا وهتشتغلى هنا وانا محتاج وجودك فى الفيلا ومش هستغنى عنكـ ,, يعنى اختارى صح ,,حبـى واتحبى
فريده:انا متشكره اوى ومش عارفه اقول لحضرتك ايه؟
سالم:انا طول عمرى نفسى يبقى عندى بنت وهعتبرك كده من اللحظه دى تسمحيلى
فريده:حضرتك بتقول ايه ,,ده ليا الشرفـ ,,ممكن اسأل حضرتك سؤال
سالم:اتفضلى
فريده:هو طارق محاكمته امتى ؟
سالم:الاسبوع اللى بعد الجاى
فريده:ربنـــــا معاه
_________________________________________________

جيه معاد محاكمه طارق ,,,
طارق واقفـ كل شويه يبص الفريده اللى بتبصله تطمنه بعنيها …..
حسن قاعد مضايق من نظرات طارق لفريده …
سالم قاعد مركز فى كلام المحامــــــى ودفاعه عن طارق
قربتـ فريده من طارق بعد المرافعهـ
طارق:هتستنينى يا فريده
فريده:طارق خلينا فى الوقت ده ,,,ربنا معاك
طارق:ارجوكى ادينى امل ,,قوليلــــــى انكـ هتستنينى ,تدينى امل اعيش علشانه
فريده:طارق ,ارجوك مش عاوزه اوعدك بحاجه لمجرد ان اللحظه دى تعــــدى
طارق:طيب قوليلى انك بتفكرى
فريده:انا بفكر فعلا
قربـ حسن منهم
حسن: يالا يا فريده نقعــــــد
ودخل القاضــــــى للنطق بالحكم

قصة رجولة استاذ … الحلقة السابعة والعشــــرين




ضرباتـ قلبـ طارق كانت هتكسر القضبان من سرعتها وقوتهــــا ووصلت لفريده عن طريق نظراته ليهـا هو كان بيبص لفريــــده ع انها القاضى فى القضيه
فريده ما بين نظراتـ طارق و كلام القاضى لحد ما قرر ينطق الحكم
القاضى :حكمت المحكمه حضورياً على المتهم طارق ياسين عبدالحى بالسجن لمده ثلاثـ سنوات مع التنفيذ ,رفعت الجلسه
راحتـ فريده لطارق
طارق: مش هتاخر عليكى يا فريده
فريده:الحمد لله انها جت ع كده ,,, خد بالك من نفسكـ
طارق:عاوز اشوفك فى اقرب وقت
فريده:هكلم المحامى وهزوركـ قريبـ
طارق:انا بحبك اوى يا فريده
مشـــى طارق مع العسكرى ,وفجأه اتخضت فريده من صوت جاى من وراها
حسن:مش يالا بينا
فريده:هو المحامى فين
حسن:عاوزاه فى ايهـ
فريده:عاوزاه يجبلى زياره اشوف طارق
حسن:فيه ايه يا فريده
فريده:فيه ايه ؟
حسن:انا اللى بسألك
فريده:وانا مش فهماك
حسن:انتى مهتمه بطارق كده ليه
فريده:هو سالم بيه فين
حسن:متهربيش من الكلام
فريده:انا مبهربش انت اللى مش واضح
حسن:عموما لينا كلام تانى يا فريده ,, يالا بينا بابا مستنينا فى العربيه

__________________________

دخلتـ سالم الفيلا بعد ما حسن وصلهم ,, استأذن حسن فريده فى انها تكلمه
حسن:فريده انا عاوز اتكلم معاكى
فريده:احنا مفيش بينا كلام يا استاذ حسن


حسن:ارجوكى متحكميش عليا قبل ما تسمعى دفاعى انتى واقفه مع اللى خان كل حاجه بينى وبينه ,,انا كنت فى لحظه خارجه عن ارادتى ولانك حاجه تخصينى جيه رد الفعل كده,,انا بترجاكى تسمعينى
وقفتـ فريده محتاره من كلام حسن ,,اللى صعب عليها
فريده:انا موافقه
حسن:بجد ,,ميرسى يا فريده ,,انهارده اسمحيلى اعزمك ع العشا برع ممكن
فريده:ماشى ان شاء الله
حسن:حضرى نفسك ع الساعه 9
فريده:اوكى ,,بعد اذنكـ

نزلتــ فريده ع معاد حسن اللى مستنيها فى العربيه ,, كانت فى قمه البساطه والجمال
قابلها حسن وهو مبهور برقتهــــا ولمساتها البسيطه اللى تخلى العين متشوفش اجمل منها
حسن:اتفضلى
فريده:ميرسى
حسن:تحبى تروحى فين ؟
فريده:مممم اى مكان ,,هو مش انت اللى عزمنى ولا ايهـ ؟
حسن:طبعا ,خلاص انا هوديكى مكان هيعجبك اوى
فريده:ممكن طلب ؟
حسن:اؤمرى
فريده:بلاش مكان المره اللى فاتت
حسن:حاضر
وصل حسن وفريده لمطعم شيك
حسن:تحبى تتعشى ايه
فريده:اختار ع ذوقك
حسن:انا هاكلك اكله بموت فيها
طلب حسن العشا
حسن:فريده انا اسفـ
بصتله فريده وهى مستغربه انه اتأسفلها من غير اى مقدماتـ او دفاع عن نفسه
حسن:فريده انتى من النوع اللى الواحد لو عنده مليون مبرر علشان يضايقك ويجرحك مش هيعمل كده وانا كان عندى مبررات ,,انا روحت شوفتك فى شقته فى الوقت اللى هو قالى انى هلاقى مراتى فى حضنه ,,انتى متخيله اللى حصل معايا ,,اقرب صديق ليا ومراتى يعنى دنيتى ,,بس انا اكتشفت انى كنت مطرود من الدنيا وانتى اللى رجعتينى ,, انا فعلا مش ببرر غلطى معاكى بس انا عاوزك تعذرينـــى
اتأثرت فريده من كلام حسن ودموعها ظهرت فى عنيها
فريده:حسن انا
حسن:انا مش عاوزك تقولى حاجه ,,, انا عاوزك بس تسامحينى ,,انا كان بيالعب بيا من كل الجهات انا لحد دلوقت مفوقتش ,, مش عارف ايه اللى حصلى انا مش عارف ازعل ,افرح ,مش عارف اخد قرار لاى حاجه فى حياتــــى ,, بس انتى هتصلحيلى حياتى ,,لانك حياتى انا بحبك يا فريده
فريده:انا مقدره كل مشاعرك دى وانا فعلا سامحتك ومن قلبى ,,بس زى ما انت مريت بظروف صعبه انا كمان مريت بظروف اصعب صدقنى الخيانه جنب بنت مكنتش لاقيه اى حاجه لمستقبلها ولا بيت ولا اهل ولا خطيب كويس كل اللى فكر فيه نفسه ,,يعنى كانت ممكن تضعف لاى حاجه وحشه ,,ربنا وقف معايا فى غلطات كتير كنت هغلطها فى حق نفسى ,,بس انا مش هغلط فى حق نفسى تانى او اتسرع تحت اى ضغوط .
حسن:وانا مش هضغط عليكى وهستحمل اى حاجه علشان خطرك بس ممكن اسألك سؤال؟
فريده:انا مبحبش طارق ,,طارق وقف جمبى فى ايام صعبه كانت حياتى هتنتهى فيها وانا مينفعش اسيبه فى الظروف دى
حسن:انتى سافرتى معاه
فريده:سافرت معاه لانه مبقاش يشوف بسببى
حسن:بسببكـ
فضلت فريده تحكى لحسن كل التفاصيل اللى كان محتاجها علشان يفهم الموضوع كله
حسن:انتى استحملتى كل ده
فريده:ربنا عاوز كده ,,كفايه انى اسمع منك اسف دلوقت وانت مقتنع بيها
____________________________________

دخلت فريده وحسن الفيلا كان سالم صاحى
سالم:حمد الله ع سلامتكوا يا ولاد ,,سيبنى لوحدى كده
فريده:مممم ولا تزعل حضرتك حقك علينا ,اليوم بكره كله لحضرتك،
سالم:ده وعد
فريده:طبعا
سالم:صحيح انا كلمت المحامى بخصوص زيارتك لطارق وقال انها هتبقى الاسبوع الجاى
فريده:ربنا يخلى حضرتك انك مهتم بيا
سالم:انتى اللى مهتمه بيا ,,يالا بقى انا طالع انام ,هصحيكى من بدرى فالاحسن تروحى تنامى
فريده:حالا ,,انا هطلع معاكـ
سالم:حسن نحن هنا ,, مش هتنام يا ابنى
حسن:حاضر يا بابا تصبحوا ع خير
سالم وفريده:وانت من اهله
___________________________________________________

دخلتـــ فريده اوضتها تفكر فى كلام حسن ,,اتغيرت وجهه نظرها فيه كتير ,ماعدا حاجه واحده ان هو مش بيعرف ياخد قرار فى حياته ولو خده هياخده فى ظروف معينهـ وشويه فى طارق ويصعب عليها هو وقف معاها كتيـــــر …..
حسن مبسوط من كلامه مع فريده وغيران جدا من طارق لانه مساعدته لفريده قربته منها ,,يعنى هو خان وسامحته ….
طارق فى السجن ,,مضايق من الحياه دى ,,بس انه هيخرج بعد ثلاث سنين بالنسباله ده معجزه ,,, وخلص من جومانا وفريده احتمال كبير تستناه ……


______________________________________

جيه اليوم اللى فريده رايحه لطارق فيهـ
دخل طارق ,, شافـ فريده قاعده ,اول ما شافته قامت تسلم عليه
فريده:ازيكـ
طارق:الحمد لله ,,مستنى اخرج علشانكـ
فريده:عامل ايه هنا ؟
طارق:هههههههههههههه هكون عامل ايه مسجون
فريده:ان شاء الله يمروا بسرعه
طارق:ان شاء الله
فريده:ليك عندى خبر حلو
طارق:ايه هو قوليلى بسرعه
فريده:المحامى قدم نقض للمحكمه وان شاء الله تتعاد محاكمتكـ
طارق:بجد ؟
فريده:طبعا ,,هو مرديش يقولك علشان ميدكش امل بس النقض اتقبل وهيتعاد محاكمتك تانى
طارق:يعنى ممكن اخرج من هنا
فريده:ممكن جدا يا طارق خلى املك فى ربنا كبير
طارق:ياااااااااااه لو خرجت من هنا
فريده:ان شاء الله تخرج

قصة رجولة استاذ … الحلقة الثامنة والعشــــرين




بيستعيد انفاسه وبيرتب لنفسه حياه ,,داخله فريده الفيلا وهـــى يتضحكــ وفرحانه ,,مكنتش ماشيه ع الارض ,, ولكنها كانت طايره فى السما ,, بتبتسم الدنيا لابتسامتها …
سالم:حمد الله ع السلامه
فريده:الله يسلم حضرتك
سالم:ها ايه الاخبار ؟
فريده:نجحت نجحت بتقدير جيد جدااااً
سالم:الف الف مبروكـ
فريده:الله يبارك فى حضرتك
سالم:ها بقى عاوزه ايه هديتكـ ؟
فريده:انا هديه ليا انا ,,لالا طبعاً خير حضرتك عليا من كله ربنا يخليك
سالم:لالا الكلام ده مينفعش خالص .. عموما سبينى اختارلك ع ذوقى ..وبعدين يا بنتى دى حاجه بسيطه انتى وقتك ومجهودك كله ليا يعنى تستاهلى اكتر من كده
فريده:انا مش عارفه اقول لحضرتك ايه
سالم:متقوليش حاجه ,, انا اللى هقولك مليون مبروك
بيتدخل حسن فى اللحظه دى وهو بيبص لفريده
حسن:خير الف مبروك لايه ؟
سالم:فريده نجحت
حسن:لالا الف مبروك ,,محدش بلغنى من بدرى ليه
فريده:انا لسه جايه حالا
حسن:مبررررررروك وبالمناسبه دى انا عازمكوا ع العشا انهارده
سالم:لالا انا مش هقدر .,خد فريده واخرجوا
قال سالم الجمله وهو بيغمز لحسن
فريده:وانا موافقه بس حضرتك تعالى معانا
سالم:لالا روحوا انتوا ربنا يسعدكوا
_____________________________________________________

قاعده فريده وحسن فى المطعم اللى راحوا اخر مره
حسن:انا بقيت احب المكان ده ,حاسس انه بتاعنا
فريده:انت حاجز نفس التربيزه كمان
حسن:اكيد … مبروكـــ يا فريده
فريده:الله يبارك فيك
حسن:اعملى حسابك لما تخلصى وظيفتك مستنياكى فى الشركه
فريده:بجد
حسن:طبعا ,… انا مش عاوز اشغلك دلوقت عن الدراسه لكن مكانك محفوظ
فريده:انا مش عارفه اشكرك ازاى
حسن:اظن الكلام ده مينفعش بينا ,,م غمضى عينكـ
فريده:ههههههههههههه ليه
حسن:غمضى بس
فريده:حاضر


قام حسن من مكانه ولبس فريده كوليه شيكـ اوى لفت نظر كل اللى فى المكان ,,اول ما فريده فتحت عنيها كل اللى فى المكان سقفـ ,,انبهرت بالكوليه ولسه هتلمسه ,,,رن موبايلها ,,بصتله باستغرااب وكأنها عاوزه تسأله ده بجد
فريده:طارق
التفت كل كيان حسن للاسم
حسن:ماله
فريده:بيرن
حسن:ازاى ده ,,ردى كده ,,المحامى مقلش حاجه
فريده:ولا قالى
بتمسك فريده التليفون بخوفـ واديها بتترعش ..
فريده:الو
طارق:فريده وحشتينى ,,وحشتينى اوى
فريده:طارق!!!! انتـ فين ؟ بتتكلم ازى ؟
طارق:انا خرجت براءه يا فريده
فريده:امتى ؟
طارق:انهارده الصبح ومكنش ينفع تشوفينى ع حالتى اللى كونت فيها علشان كده حبيت اعملهالك مفاجأه ,انا عاوز اشوفك حالا
فريده:تشوفنى ؟
طارق:اها يا فريده عاوز اشوفك
فريده:طارق معلش خليها بكره
طارق:ليه ؟
فريده:معلش بكره ان شاء الله
طارق:خلاص انا هكلمك الصبح نتفق
فريده:اوكى
طارق:فريده ,,انتى مقولتليش مبروك انتى مش فرحانه انى خرجت
فريده:لالا طبعا ازاى فرحانه جدا الف مبروك ,,بكره نتكلم ف التفاصيل بس ليه المحامى مقلش
طارق:انا اللى قولتله
قفلتــــ فريده المكالمه وهى حاسه ان الدقايق دى محصلش ,,طارق اللى فقد نظره ورجعله بعد نزهه بسيطه فى لندن ,, خان وكل اللى معاه سامحه ,,موت واحده بالعربيه و طلع براءه وكأم طارق معاه العصايه السحريه للدنيا
حسن:فريده
فريده:ها
حسن :خرج ؟
فريده:اه
حسن:هتشوفيه بكره فعلا
فريده:اه ان شاء الله
حسن:بلاش يا فريده
فريده:ممكن تخلينا فى اليوم الجميل ده

حسن قاعد فى الشركهـ مش ع اعصابه , كل شويه يفتكر ان فريده مع طارق دلوقتـ , بتكلمه , بيبص فى عنيها , بيقولها بحبكـ يتجنن
افتكر جومانا حس ان طارق موجود فى حياته علشان ياخد اى حاجه هو بيحبها ويختارها
فريده قاعده هى وطارق فى النادى وفريده مش مصدقه انه خرج بس طارق اتغير فى نظراته فى كلامهـ ليها
فريده:حمد الله ع سلامتكـ
طارق:الله يسلمك
فريده:انا مش مصدقه والله فرحنالك اوى
طارق:انا مكنتش مصدق زيك كده
فريده:امبارح لما كلمتنى انا قولت ايه اللى بيحصل
طارق:ههههههههههههههههه انا متخيل رد فعلكـ
فريده:المفروض بقى تهدى كده وتبتدى حياتك من غير غلط
طارق:ممممم انا فعلا عاوز ابتدى بدايه مختلفه المره دى ,, نفسى ابدأ مع حد صح فى كل حاجه
ابتسمت فريده لانها حست ان طارق بيتكلم عنها
فريده:طبعا
طارق:اها ,,بفكر اسافر لسا مش عارف
فريده:تسافر ؟
طارق:ممممممم يعنى بفكر ,,لسا هشوف هعمل ايه
حست فريده بحرج جوه نفسها ,,طارق اتغير ,,هى اللى مكبره الموضوع
فريده:ان شاء الله خير
طارق:ها ,,تحبى اوصلكـ ؟
فريده:لالا متشكره جدا ,,انا هروح السواق بره
طارق:اوكى ,,هكلمك بقى
مردتش فريده ع طارق اللى مشى من قبل ما يديها فرصهـ ترد ,, حست انها اتخدعت فى واحد مردد لكلمه بحبكــ او كان بيعدى بيها مرحله فى حياتها محتاج يسبت انه كويس ,, فضلت فريده متحكمش عليه بسبب الضغوط اللى هو كان فيها
#الحبـ ليس محطه او للتجربه او لتجاوز مرحله او ظروفـ ولكنه حياه تستحق المتابعهـ

________________________________

رايحه فريده للفيلا اللى شافتـ سالم قاعد فى الحديقه راحت عليهـ
سالم:انا مستنيكى
فريده:حضرتك كويس ,,طيب ليه مكلمتنيش
سالم:اهدى يا بنتى ,,اهدى انا كويس ,,انا بس هوريكى حاجه
فريده:حاجه ايه ؟
سالم:تعالى معايا
مشيتـ فريده لحد باب الفيلا ,, شافت عربيه شكلها تحفه مستنياها ع البابــ
سالم:استلمى بقى ,,الف مبروك
فريده:حضرتك انا ,انا ,انت ,بس ده كتير ,,انا مستحقوش
سالم:مبررررررروك
فريده:ربنا يخلى حضرتك ,, انا فعلا مش عارفه اشكرك
سالم:متشكرنيش ,,انا هخلى حسن يعلمك السواقه
___________________________________________

قاعده فريده فرحانه بالعربيه وكل شويه تمسك المفتاح وتسيبه مش مصدقه اللى حصل ,, كل شويه تفتكر طارق وطريقتهـ يعنى هو بيضحك عليها زى ما طه عامل كل واحد كان لاغراض فى دماغه وحسن هو كمان ياترى بيضحك عليها ,, طارق اللى الايام الجايه هتبين هى ايه بالنسباله ,,قد ايه كانت خايفه ,, مش من مشاعر طارق ولكن من اللى هتوريهولها الايام الجايه
حسن قاعد مضايق وخايف وشاكك فى كل حاجه ,,كل ما يتخيل فريده وطارق ,,جومانا وطارق ,,طارق …. اللى مبيفكرش غير فى نفسه من وجهه نظره ,,اتمنى انه كان يطول فى السجنت لحد ما فريده تحبه …..
طارق مش مصدق نفسه انه خرج من سجنه ولكن مش من سجن حكم ال3 سنين ,,لا من سجن جومانا و الكارثه اللى كان ممكن يقع فيها ,فكر فى فريده ,اللى مش عارف مشاعره من ناحيتها ,, حاسس انها اكتر واحده عاوز يهرب منها ,هو كان عاوزها وقت ما كان هيبقى وحش فى نظر كل الناس ,,بس لو بقى معاها مش هيبقى وحش غير فى نظرها وهتقدر من نظره واحده تفكره بحياته ,, مخدتش من تفكيره كتير لانه حس انها فــــــتره ,, مجرد ظروفـ اتفردت عليه …..


فالحبـ يأتى بدون سبب ولكن تتسبب به كل الاسبابـــــــ
________________________________

صحيتــ فريده من النوم ,,فتحتـ الباب شافت بوكيه ورد ع بابـ ومكتوب عليها
_اسمحى لهم , ان تهديهم بعض من نسماتـ تخللتـ داخلكـ ليبقوا ع قيد الحياه #حسن
ابتسمت فريده للورد وخدته وفجأه ظهر حسن
حسن:هو فيه حد بيصحى حلو كده
فريده:احم احم ,اصدقك
حسن:مرايات الاوضه اتكسرت ولا ايه ,,تحبى اغيرهم
فريده:لالالا كده كويسين اوى
حسن:انا هستناكى نفطر سوا
فريده:حاضر
حسن:فريده
فريده:نعم
حسن:انتى تجننى
فريده:مممممم انت مجنون
حسن:بيكى
مسكت فريده ورده من بوكيه حسن وادتهاله
حسن:دى ليا
فريده:ههههههههههه انا بد\يهالك تبقى للى جمبك
بص حسن جمبه وهو بيضحكـ
حسن:هستناكى
فريده:حاضر
حسن:متتاخريش
فريده:خمس دقايق
قفلت فريده الباب فخبط حسن ,,ففتحت
حسن:اتاخرتى اوى
فريده:حسن
حسن:عيون وقلب حسن
فريده:هههههههههههه انزل بقى
حسن:حاضر
بعد خمس دقايق فتحت فريده الباب لقت حسن ساند ع الحيطه ومستنيها ,ضحكت
فريده:منزلتش ليه
حسن:اصل انا كنت نازل قلبى زعل ,,صعب عليا ,,يرضيكى ازعله