<<< قصة رجولة استاذ >>>

قصة رجولة استاذ … الحلقة السادسة عشر




طارق قاعد بيفتكر مشكله فريده وعنده امل ان ده يكون سبب فى انها تغير فكرتها عنهـــ ..


_حسن قاعد يفتكر نظرات فريده ليه فى المطعم ,, حس انه ضايقها ,,هو مش عارف عمل معاها كده ليهــ ,,هو بيفكر فيها كتير ليه ,,مشاعره مذبذبه ,,بيبص لجومانا اللى ضهرها ليهـ وهى صعبانه عليه ومأثره فى مشاعره


_جومانا صاحيه بتفكر فى طارق اللى مش عارفه تعمل ايه معاه وهتفاتح حسن فى الطلاقـ ازاى وتخترع ايهـ ليه علشان تبعد عنهـ


_فريده قاعده ع سريرها بتعيط ومضايقه من الجرح اللى سببهولها حسن واللى متقدرش تلومه عليه ,,طارق اللى عاوز يساعدها …..

_______________________________________________

قاعده فريده وطارق وابتسام معاهم وعبداللطيف وفريده مبتسمهـ لطارقـ
عبداللطيف:ايه انتى كل يوم تجيبلنا واحد وتيجى فيه ايهـ ؟
فريده:عاوزاك يا عبداللطيف ع انفراد ممكن
اتغيرت نبره عبداللطيف
عبداللطيف:تعالى
فريده:بص يا عبداللطيف طارق ده بيحبنى جدا وابن ناس اوى ووحيد وغنى جدا ,انت مش شايف العربيه بتاعته وهيديك اللى انت عاوزه
عبداللطيف:اتغيرتى اوى
فريده:انما طه ده فقرى وكئيب وانا مستقبلى مع طارق
عبداللطيف:بالسهوله دى
فريده:انا عاوزاك انت بقى اللى تكلمه دلوقت وتقوله يجى وكمان تقوله اننا مش عاوزينه ,بعد اللى عمله
عبداللطيف:مش عارف ليه مقتنع بكلامك
فريده:لانه صح ,,وانت عاوز تخلص منى وخلاص واتجوز وانا هتجوز اهوه
عبداللطيف:ماشى هاتى موبايلك اكلمه
____________________________________________

فريده قاعده بتبص ع الباب مستنيهـ اللحظه اللى يدخل فيها طهـ ,مستنيه تبتسم هى ابتسامه النصر لاول مره فى حياتهـــــــــا
طارق بيبص لفريده اللى حس انها عندها نفس احساسه لجومانا ,نفس بص العين ,نفس تحريك الايد ,نفس التركيز
_دخل طه اللى شاف فريده قاعده جنب طارق وهى بتضحك وعبداللطيف وابتسام قاعدين بيضحكوا
طه:سلام عليكم
عبداللطيف:وعليكم
طه:خير يا عبداللطيف
عبداللطيف:بص يا ابن الناس من هنا ورايح انت ملكش دعوه بفريده احنا فسخنا الخطوبه بتاعتك دى
طه:ايه وكتب الكتاب واللى حصل
عباللطيف:انت لو محترم كنت حافظت ع بنتنا حتى من نفسك
طه:والشبكه
عبداللطيف:شبكتك دى هديتى انا ,فريده ملهاش دعوه بيها هى اتنزلت عنها وانا هاخدها
اضيقت فريده من تصرف عبداللطيف ولكن نظره طه دى خلتها تنسى وتفرح فيه
طه:بس انا بحبها
عبداللطيف:واحنا مش عاوزينكـ
طه:مش هتلاقى زييى يا فريده وهتندمى محدش هيحبك قدى
فريده:نسيت اعرفكــ طارق خطيبى
طه:ايه
فريده:ايه استغربت كده ليهــ ,ده خطيبى .
قام طارق من مكانه وكأنه شايف جومانا قدامه
طارق:اها خطيبها وبحبها وهحبها اكتر منكـــ ,,هحبها حب محدش بيحبه لحد ,انا بعشقها ,بعشقها ,بعشق ضحكتها ونرفزتها ودموعها وقلبها .. تحب تسمع تانى
ابتسمت فريده لكلام طارق وزعلت لانها حست انه فعلا من قلبه وانه بيحس كل جمله وان قلبه هو اللى نطق
نزل طه وهو مش قادر يتلم ع اعصابه ,هيتجنن مش عارف يعمل ايه وقعد فى عربيته
نزلت فريده وطارق ,,فتح طارق لفريده العربيه وطه قاعد فى عربيته بيتفرج ع المشهد وهو مش مصدق ان كل ده يحصله ومن فريده
__________________________________________

فريده قاعده سرحانهـ وهى فى العربيه جنب طارق
طارق:صعب عليكى
فريده:صعب عليا ,,, لا انا كل ما افتكر نظرته ليا فى اليوم اللى مش عاوزه افتكره بنهار بس نفسى اعرف هو عمل معايا كده ليه وهو بيحبنى
طارق:بيحبكــــ ,,هو مبيحبكيش اللى بيحب عمره ما يخون
بصت فريده لطارق من اعجابها بالجمله ولكن طارق اضايق لانه حس انه بيوجهه الكلمه دى لنفسه ,,هو بيحب فريده بس بيخونها , حتى لو احساسه معاها ولكن جسمه كان مع حد تانى
_الحب هو توجيهه نفسكــــ لشخص واحد فقط روحك ,جسدك ,عقلك ,كيانك موجهه لهذا الشخص حتى وان كان اقل شخص فى هذا الكون ولكن هو الاهم بالنسبه لكــ فقط لانكــ#تحبه
فريده:عندك حق
طارق:فريده
فريده:نعم
طارق:انا بحبكـ ,بحبك اوى
فريده:بس بتخون
سكت طارق وهو مش عارف حتى يدافع عن نفسه ,عنيه بتمثل كل لحظه بيعشها مع جومانا
طارق:بس انا هتغير علشانك
فريده:انا متشكره جدا ع اللى عملته علشانى
طارق:ومستعد اعمل الاكتر من كده
فريده:انا عاوزه منك طلب بس
طارق:اؤمرى
فريده:تيجى معايا الجامعه بكره علشان خايفه لطه يضايقنى
طارق:متقلقيش كنت هعمل كده
فريده:شكرا
طارق:الساعه 9 هستناكى قدام الجامعه
_________________________________

جومانا قاعده مع حسن ,,,, اللى بيبص لباب الفيلا
جومانا:مالك بتبص للباب كده ليه مستنى فريده صح
حسن:ايه اللى انتى بتقوليه ده
جومانا:بقول اللى انتى مش واخده بالكــ منه ياحسن
حسن:بلاش هبل بقى يا جومانا
جومانا:انا بقول هبل يا حسن
قرب حسن من جومانا وقرب يبوسها ,دخلت فريده من الاب شافت المنظر ,,اتحرجت وطلعت ع فوق
جومانا:جت اهيه اطلع وراها
حسن:انا بحبكـ يا فريده
جومانا:فريده !!!!!
اتلغبط حسن ومبقاش عارف يصلح موقفه او عارف هو قال الحقيقه او لا
جومانا:اشبع بيها يا حسن
حسن:تعالى بس انتى بتقولى ايه هى بس لغبطتنى لما جت
___________________________

فرحانه جومانا بأنها اخترعت اى بدايهـ مشكله مع حسن علشان تمهد طلبها
دخل حسن الاوضهـــ وراها
حسن:ايه يا بيبى انا اعرف ان دماغك اكبر من كده ده انتى مراتى حبيبتى
جومانا:حسن متغيرش الموضوع ارجوك
حسن:ممم بس انتى وحشتينى اوى
جومانا:حسن
قرب حسن من جومانا من رقبه جومانا
حسن:ريحتكـــ ممممم
ومسك شعرها ببطء
حسن:وشعركـ
وملامح وشها
حسن:وحشتينى
_______________________________

رايحه فريده الجامعه شافت طارق من بعيـــــــد ,بتشاوره وهى بتضحكله وفجأه شافت مجموعه جريت عليه وخبطوا بعصيان بأديهم كبيره وبسرعه ,,رمت كل الكتب اللى فى ايدها وجريتــ عليه

قصة رجولة استاذ … الحلقة السابعة عشر




جريتــ فريده ع طارق اللى الخبطه خليته يفقد وعيه عن الدنيا ,,بعيدا عن دنيته اللى اخترعها وهى وش فريده وابتسامته اللى مغبتش عن وشه لما شافها خايفه عليهـ
_اتصلت فريده بعمار يجى يلحقها وسط انهيار كبير
_وصلوا المستشفى وخرج الدكتور من الاوضه اللى فيها طارقـ
فريده:خير يا دكتور ايه جرى لطارق ؟؟
دكتور:انا مش متاكد بس الضربه جت فى منطقه خطيره فى المخ ,. احنا عملناله اشاعات وهنشوف لما يفوقـ
عمار:حالته خطيــــره يعنى يا دكتور ؟؟
دكتور:ربنا يستر هنعرف فى اساعات اللى جايهــ ان شاء الله
مشى الدكتور
فريده:انا السبب يا امانى ,,لو جراله حاجه عمرى ما هسامح نفسى .
امانى:ان شاء الله يبقى كويس
فريده:يارب ,,,ارجوكــ يارب
بتحضن امانى فريده المنهاره فى دموعهــــا وبتدعى ربنا انه يبقى كويس …

__________________________


جومانا قاعده وحسمت قرارها بأنهــــــــــــــــا لازم تتطلق من حسن .. هى مبتحبهوش وبتحب طارق
_مسكت الموبايل تكلم طارقــــ بترن عليهــ فى نفس اللحظهـ اللى فريده فيها فى الاوضهـ عند طارق وموبايله فى ايديهـــــا


شافتــ اسم جومانا اتربكت ومعرفتش تعمل ايهــ ,,, هى مش عاوزه تفهم ليه بتتصل او حتى تفكر كلامها القديم صح او لا ,, المهم دلوقتــــــ طارق اللى كانت السبب فى انه يبقى كده ….
_فاق طارق بتبصله فريده وهى بتبتسم
طارق:انا فين
فريده:انت هنا فى المستشفى انا معاك
طارق:بس ليه النور مطفى كده ,,, شغليه يا فريده ممكن ؟
فريده:نور
وقفتــ فريده مكانها حاولت تملك اكبر قدر من التحكم فى النفس ,ما تتسرعش ,ترفض اى ظن وحش ممكن تتخيله انه يحصل
فريده:ثوانى انا هنادى الدكتور هو قال اول ما تفوق نكلمهـ
دخلت فريده وهى ماسكه ايد الكتور اللى حاسه انه اخر امل ليها …
الدكتور:انت كده شايف حاجه ؟
طارق:انا مش شايف حاجه خالص
الصمت هو كان حليف المكان ,,فريده مش مصدقهـ ,كل حاجه بتنهار قدامها دموعها ودوشه جواها مش قادره تسكتها ,طارق مش مستوعبــ ,, لحد ما الدكتور اتكلم
الدكتور:بص يا استاذ طارق انا مش هخبى عليك الخبطه كانت جامده وده اللى اثر ع مركز البصر ,, بس انا بطمنك انا بعت الاشاعات بتاعتك لمستشفى فى لندن وهما قالوا ان حالتك مش صعبه ,هتعمل عمليه هناكــ
طارق:يعنى فيه امل
الدكتور:الامل كبير ان شاء الله
وقفت فريده فى زهول فظيع من اللى طارق بيقوله والثبات الغريب اللى هو فيه رغم انه فى كارثه ,فعلا كارثه…….
_______________________________________________

خرج الدكتور من عند طارق وفريده دموعها زادت عن المعقول ,,صوت دموعها سمعه طارق
طارق:بتعيطى علشانى ؟ ردى عليا قوليلى انك بتعيطى علشانى مش يمكن اللى انتى بتعمليهـ ده هو اللى مخلينى كده ,, وقفتك جمبى هى اللى مقويانى هو فيه حد يطول يشوف بعين زى عيونكـ
فريده:انت ازاى كده ارجوك كفايه ,, انا عارفه انى السبب بس انا
طارق:هشش بس انا مش عاوز اسمع مبررات انا اللى عملت كده فى نفسى صدقينى ,انتى متعرفيش حاجه يا فريده ,,انا ولا ايمانى زاد ولا هبقى شيخ ,,بس فعلا انتى بالنسبالى كفايه ,مش هقولك تحبينى ,بس اوعدينى تفضلى جمبى
فريده:انا جمبك متقلقش
طارق:ومين قال انى قلقان والدكتور قال بسيطه ,:يعنى انا معاكى وكمان بشوف بعنيكــــى
فريده:انت كده بتعذبنى
طارق:انا كده بحبكــ, مصدقانى
فريده:مصدقاك ,ومتقلقش من حاجه انا هتابع مع الدكتور وهتسافر فى اقرب وقتـ
طارق:طيب بصى مفتاح الشقه هتلاقيه فى العربيه ,,هتلاقى فيها خزنه فيها كل حاجه بملكها والعقود و الفيزا علشان تسحبى الفلوس اللى محتاجينها
فريده:متقلقش انا هعمل كل حاجه ,,انا كده كده هسافر معاكـ
طارق:اللى انتى بتقوليه ده صح ,,يعنى انتى عينى راحت انما سمعى اكيد لا
ضحكت فريده غصب عنها
فريده:لا انت سمعتـ صح
طارق:هو موبايلى فيـــــن ؟
فريده:اهوه ورن بس انا مردتش
طارق:جومانا صح ؟
فريده:اه هى
طارق:انا هحكيلك كل حاجه بس مش هنا لما نسافر
فريده:مش مهم اى حاجه المهم تبقى كويس
___________________________________

_دخلتــــ فريده شقه طارق ,, بتتفرج عليها شافتــــ شقه منظمه ومنسقه فى كل حاجه وبتوحى بمستوى طارق الاجتماعـــــى ….
قعدت ع فوتيهـ بتتفرج ع الشقه وع الصور الكتير اللى ماليه الشقهـ لطارق وهو صغير مع باباه ومامتهـ ,, باين من الصور انه وحيدهم وانه هو كمان بيحبهم ..
_شاف صور لطارق و حسن ,,اكتشف انهم اصحاب من زمان ,,زعلت ازاى طارق يكون كده مع جومانا او يعمل كده مع حســـن ….
بتمسكــ فريده صوره لطارق وهو مبتسم من قلبهـ ,عجبتـ فريده الصوره ومسكتها وابتسامتله…
_دخلتــ جومانا شقه طارق ,,اتفاجأت فريده وقعت الصوره منها .. جومانا اتفاجأت اتربكتـ ,,, عنيهم جت فى عيون بعض ,,قفلتــ جومانا البابــ
جومانا:انا ,انتى هنا ليه؟
فريده:انا جايه بجيب حاجات طارق هو فقد بصره مبقاش يشوف ولازم اقف جمبه
جومانا:مبقاش يشوف
فريده:اه وهيسافر يعمل عمليه بره .. انتى هنا ليه ؟
جومانا:طارق بيستفزنى كتير وكنت جايه اوقفه عند حده
فريده:ولما هو كده فعلا انتى اللى بتجيلهـ ,, وبتفتحى الباب بمفتاح
جومانا:مممم بصى يا فريده انتى مش فاهمه حاجه وملكيش دعوه انتى متعرفيش حاجه ولاحظى انك واقفه مع عدو حسن اللى ممكن انا اقوله ع اللى بيحصل ده
مشيتــ جومانا وهى سايبه فريده محتاره مش عارفه تعمل ايه ,,ازاى هى بتقول كده ؟ هى جابت الغلط عليها ازاى ,,ايه اللى بيحصل ولكنها بصت ع صوره طارق اللى ع الارض جبتها وابتسامتله وشافت ان الموضوع ده لازم يتأجل المهم طارق
__________________________________

نزلتــ جومانا العربيه ,,خدت نفسها وسابت للهوا التعمق فى كل مسام وشها ,,فرحت انها متسرعتش وطلبت الطلاق من حسن ,,,طارق دلوقتــ مبقااش يلزمها هو عاوز مرافقه وهى متخلقتش لكده ,,, فرحت انها وصلت لهنا بعد مشوارها للاوتيل وقالولها انه بقاله كذا يوم مبيجيش ,,,,
موبايلها رن شافتــ اسم #طارق ع الموبايل
طارق:جومانا ازيك وحشتينى ,,معلش انا مكنتش برد كنت فى مارينا بقالى كام يوم سيبك تفكرى ومتصل علشان اسمع قراركــ
اتفاجأت جومانا واتلغبطت ايه اللى بيقوله طارق ده ,,, هى فريده بتكدب ولا طارق بيضحكـ عليها ,,بس كلام فريده منطقى لو حتى بينهم حاجه مش هتكون موجوده فى البيت لوحدها وخصوصا ان فريده مكنتش فاهمه حاجه لما جومانا طلعتــ
جومانا:انا لسا مفتحتوش فى حاجه
طارق:قدامك بكره يا جومانا ,انا مستنيكى انهارده تقوليلى قرارك فى الاوتيل
جومانا:خلاص يا بيبى انا هجيلك بالليل
قفلتــ جومانا وهى بتفكر فى كلام طارق وقالت انها لازم تروحله وتقوله انها موافقه وتشوف مين فيهم صادق ولو مش بيشوفــ هتعرفـ …
_____________________________________________

بتدخل جومانا اوضه طارق اللى فتحلها الباب وقعد ع الكرســــــى وباصص للبلكونه
قعدت جومانا ع السرير
جومانا:انت مدينى ضهرك ليه مخاصمنى
طارق:ابدا ,انا عاوز اعرف قرارك انا مسافر بكره بالليل وعاوزك معايا
جومانا:مسافر ليه
طارق:هنبعد عن البلد يا جومانا
جومانا:وانا موافقهــ
وقفتــ جومانا قدام طارق وهو مش شايفها ففهمت انه اكيد بيضحك عليها
فضحكت وقالتله
جومانا:وانا عملالك مفاجأه ا بيبى
طارق:مفاجأه ايهـ ؟
جومانا:انا اتطلقت من حسن
طارق:بجد
جومانا:طبعا انت متعرفش انا بحبك ازاى وهسافر معاك لاخر الدنيا وجايبه كمان شنطه هدومى وهكون معاك
فضحك طارق بصوت عالى
طارق:وانا بقى مش عاوزكـ وهسافر لوحدى ,,مش قولتلك متلعبيش معايا يا جومانا
فضحكت جومانا بأعلى صوتها وهى بتقرب منه وبتبوسه من وشهـ
جومانا:مممم يا بيبى هو انا مقولتلكش انى عرفت انك مبقتش تشوفنى ,اخ اقصد تشوف خالص ,, ومسافر تتعالج لا وكنت عاوز تضحكــ عليا ,,يا حرام ,,ده انت صاحب تعب وعاوز تخلى حسن يضيع من ايدى ,انت اللى ضعت باى يا بيبى هتوحشنى
___________________________________________________

خرجتــ جومانا من الاوتيل وبعدها بخمس دقايق دخلتــ فريده
دخلت اوضه طارق ,شافته منهار الاوضه كلها متكسره وايده متعوره من اثر العنف اللى كان فيهــ
فريده:اهدى ارجوك انا هنا جيـت انا جنبك ارجوك
طارق:فريده متسبنيش ارجوكى
فريده:انا جنبك متقلقش جمبك والله جمبكـ

قصة رجولة استاذ … الحلقة الثامنة عشر




تتقوم فريده من ع الارض وبتسند طارق وبتقعده ع السرير
فريده:انت نزفت كتير اوى لازم اكلم الدكتور
طارق:لالالا دكتور ايهـ ارجوكى بلاش مش مستهله


فريده:خلاص انا هحاول اطهرهالك واربطها بس ,,وبعدين انت ناسى ان الدكتور قال ان اعصابك لازم تكون هاديه قبل العمليه
طارق:انتى شوفتيهــــا
فريده:هى كانت هنا
طارق:اه كانت هنا
فريده:هى جتلك البيت وانا كنت هناك
طارق:عرفت منك
فريده:عرفت ايه ؟؟
طارق:االلى حصلى
فريده:اه
طارق:ليهــ يا فريده كده ليه قولتلها ؟


فريده:ليه ايه انا معرفش انك مش عاوز تقولها ,,انا مش فاهمه حاجه ليه انت وهى بتعملوا فيا كده ,,هى فكرانى بحبك او بحبك حسن وحسن مش بيحبنى اصلا وانت بتضغط عليا وهى قالت انها بتجرى وراك انتوا ايه عاوزين تجننونى


قعدت فريده تعيط وحست انها محتاره بين ناس مش عارفه هما عاوزين ايه من بعض او بيعملوا كده ليه فيهــــــــا
طارق:خلاص يا فريده انا اسفـ
فريده:لالا ولا يهمك ,,نام بقى للصبح وانا هروح استأذن من حسن فى اجازه
طارق:وهتقولى ايهـ
فريده:هقول عاوز اجازه هو مش من حقه يعرفــ
_______________________________________________

جومانا نازله من السلم وفريده داخله الفيلا وحسن قاعد بيقراه كتابــــ
التلات عيون بيتلاقوا فى نظرات بتتخطفـ وبعدها فريده بتروح لحسن
فريده:بعد اذنك يا استاذ حسن عاوزه اتكلم معاك
حسن:اتفضلى
جومانا:عاوزه حاجه يا فريده
فريده:انا كنت عاوزه اجازه
حسن:اجازه
فريده:اها اسبوعين اجازه بعد اذنك
حسن:فيه حاجه يا فريده ,انتى زعلانه هنا فى حاجه
جومانا:وايه هيزعلها يا بيبى ولا ايه يا فريده
فريده:لا انا عاوزه اجازه وبس
جومانا:خلاص يا بيبى سيبها ع راحتها مش يمكن هتجهز لجوازها
حسن:صحيح يا فريده انتى مش كنتى قولتى
فريده:بعد اذنكوا ومتشكره يا استاذ حسن اسبوعين وهاجى
سابت فريده حسن فى حيره لاول مره يحس انه بيغير عليها وليه ميعرفش
____________________________________________

دخلت فريده لسالم قبل ما تمشــــــى ,,,
فريده:مممممم انا مسافره ,,بس غصب عنى والله ,,انا روحى مع حضرتك هنا ,,انت متعرفش انا بقيت احبك ازاى ,ممم اقولك سر حسيت فيك بابا اوى ,,,بابا اللى اتحرمت منه فى الوقت اللى احتاجتله فيهـ اوى
قربت منه مسكت ايديه ,, كان سالم بيرد عليها بنظراتهـ وهى خارجه ع الباب ونظراته بتتعلق بيهــــــا زياده
جريت فريده عليه تانى
فريده:صدقنى مش هتأخر ,,بس لازم انا غلطانه ولازم اصلح غلطى ده سامحنى
ابتسملها سالم وباسته من دماغه ومشيتــــ
___________________________________________

ركبتـــــ فريده وطارق الطياره ,وفريده حاولت تتمالك نفسها من الخوفـــــ ,,حس طارق بيها فقبض ع ايدها اللى كانت حطاها ع كرسى الطياره
طارق:متخافيش
فريده:هى هتفضل كده كتير
ضحك طارق
طارق:لا متقلقيش هى بتبقى كده فى الصعود وبس دلوقت هتحسى ان مفيش حاجهـ واكننا راكبين عربيه
فريده:ماشى
طارق:انتى اول مره تركبى طياره
فريده:ايون
طارق:ان شاء الله متكونش الاخيره ,,السفر حلو اوى وممتع هتتبسطى
فريده:بجد
دخلت فريده فى الحوار وطارق كان بيحاول يبعد عنها التوتر وهو خبير فى السفر وقدر فعلا يبعد دماغها عن اى توتر
__________________________________________

قاعد حسن بيفكر فى فريده كتير هى فعلا بتجهز لجوازها ؟ بس ازاى توافق بعد اللى حكتهولهـ
هو ضرها ,, هو هيسكتــ ,,بس ده مش من حقهـ انه يدخل ده قرارها ,,دخلت جومانا وهى فى قمه جمالها ,بتقرب من حسن
جومانا:حبيبى فين ؟
بصلها حسن مقدرش ينطق من جمالها ,كأنها جمعت جمال الكون فى نبره صوتها وشكلها ,,
جومانا:عجبتكــ ؟
حسن:ها
جومانا:عجبتكـ ؟
بتعيد جومانا الكلممه وهى واثقه من نفسها اشد ثقه وواثقه فى احساس حسن دلوقت ناحيتها
جومانا:مممممم شكلى مش عجباك
وبتبعد جومانا عن حسن وهى عارفه رد فعله اللى كان اكتر مما توقعتـــ
قرب حسن منها وهو بيمسكها من وسطها
حسن:انتى عاوزه ايه ,,انتى جنيه بحر يا بنتى
اتعدلت جومانا وبقى وشها فى وشه
جومانا:جنيتكــــ
_______________________________________

نزلت فريده من الطياره جو مختلفـ مش بس فى درجه الحراره اللى بتلمس وشها ,,
مسك طارق ايديها رغم انها كان لازم تبادر بده لان هو اللى فى حاجهــ لده ولكن خوفها كان مسموع وسط دوشه افكار طارق وانشغاله فى العمليهـ
ركبوا تاكسى من المطار يوصلهم للاوتيــــــــــل
طارق:خايفه
فريده:شويهـ
طارق:متقلقيش انا معاكى
فريده ابتسمت لطارق اللى مش شايفها بعطف لانه بيحاول يطمنها رغم انها سامعه صوت خوفه …
احيانا الحبــ قد يتخطى كل حواجز الحواس ويطلقها الى كون اخر ويعيش هو فى كون حبــ غير مزيفــــ ولكنه الواقع بالنسبه له ,,فيه روح عشقتــ الاخرى واستغنت عن كل حواسها سوى قلب ينبض بداخلهـــــا
فريده:وصلنا الفندق شكله تحفه
طارق:وعد لو نجحت العمليه هفرجك ع البلد كلها
فريده:المهم انت
طارق:المهم انك جمب انت ده
________________________________________________

عدت الايام ع فريده وطارق وهما بيحضروا نفسهم للعمليه ,,فمن الطبيعى ان طارق بس هو اللى داخل العمليه ولكن اللى بيبص لعيون فريده كان بيتأكد ان شعورها مش اقل من طارق فى الخوفـــــ
حسن مضايق اول مره فى حياته يضايق كده ,, بيهرب من انه يخلى فريده سبب فى انه يكون مضايق ع غيابها
جومانا فى حيره ,,نجاح طارق فى العمليه او لا وياترى هيكون رد فعله معاها ايه ,,بس هى شايفه انها خدت القرار الصحيح هو كده كده مكنش عاوزها
سالم حالته النفسيه فى النزل وحسن ملاحظ ده ومكنش قدامه غير انه يخفف عنه ,,بس ده كله مكنتش بفايده لانه عارف ان فريده هى الحل
وجيهـ يوم العمليه المنتظر ..

قصة رجولة استاذ … الحلقة التاسعة عشر





طارق:تفتكرى هشوفكــ تانى
فريده:ان شاء الله ايه اللى انت بتقوله ده ,ارجوك متقولش كده


طارق:مممم حاضر اوعى تسبينى عاوز لما افتح تبقى اول وش اشوفهـ ,وعلشان العمليه دى هتخلينى اتولد من جديد
فريده:حاضر يا طارق حاضر
طارق:فريده
فريده:نعم
طارق:انا بحبكــ


بتبتسم فريده لطارق اللى اتعلق بايديهــا واللى سابتها بين قلبه ,,هو ده احساسها ساعتها من كتر الدفا اللى حست بيه ,,كأن الحبــ فى قلب طارق اتلخص جوه ايده


طارق:عارفه لو خرجت من هنا شايفــ ,, هديهوملك انتى وهسيبلك التصرف فيهم تشوفى بيهم اللى انتى عاوزاه وتورينى اللى انا ما شوفتوش
__________________________________________

قاعده جومانا متوتره خايفهـ من نتيجه عمليه طارق ,,,, خايفه يرجع بيشوف وينتقم منها ويبوظ حياتهـــــا ,,, بيدخل حسن
حسن:حبيبى سرحان فى ايهـ
جومانا:جيت امتى ؟
حسن:من شويه عديت ع بابا وجيتلك ع طول
جومانا:وهو عامل ايهـ
حسن:حالته فى النازل ,,ساعات بحس انه بيدور ع فريده بعنيه فى كل ركن فى الاوضه وساعات بيبتسم وهو بيبص ع الروايات اللى بتقراها …
جومانا:متكبرهاش اوى كده
حسن:انا بقول اللى شايفه
جومانا:يعنى ايهـ
حسن:متعرفيش هترجع امتى ؟
جومانا:مش قالت اسبوعين
حسن:فات منهم 8 ايام وباقى 6 تفتكرى ممكن تزهق وترجع ع طول
جومانا:ده انت بتعدهم بقى
حسن:علشان بابا
جومانا:ها قولتلى علشان بابا
حسن:طبعاً
بيبعد حسن عن جومانا وهو بيضحكــ لان فعلا هو نفسه يشوف فريده …… حاسس ان كل مكان ناقصها محتاجلها بينادى عليها حتى جواه
_ هناكـ بشر ان فقدتهم من حولك ,,سوف تفتقدهم الحياه وبالتالى ستفقد انت نفسكــ
_____________________________________________

قاعده فريده قدام اوضهــ العملياتـ بتعيط خايفه من نتيجه العمليهـ ,,, خايفه طارق ميرجعش يشوفـ ,خايفه عقده الذنب تفضل جواها وتكبر يوم عن يوم كل لما تشوف طارق
خايفهـ عليه ,خايفه يكرهها ,خايفه ترتبط بيه لمجرد انها حاسه بالذنب ناحيتهـ …
نظرته ليها مش بتغيب عن عنيهــا ,,كل كلمه محفوره جواها ,, كلمه بحبك مكنتش عاديه منه ,,كان حاسسها اوى وبترجمها بكل تعابير وشه
كانت حاسه انه شايفهـــــا ..
محستش ابدا بضعف منه او جواه ,قد ايه استمدت منه هو قوه اتاكدت ان القلوب فعلا اقوى من العيون قدره ع الابصار
_فالرجل الحقيقى بداخله جوهره تسمى قلبهـ ان احبــ بصدق فهنيـاً لانثاه فحينها ستملك اغلى انواع المجوهرات ….
جومانا كل ثانيه بيبان فى عيونها التوتر كأنهــــا عارفه ان دى ساعات العمليه ,,,, ملامحها بترجم الام طارق فى العمليهـ ,,كل نقطه عرق بتنزل منهـ كانت ع جبين جومانا
حسن قاعد مركز مع بابـ الفيلا ومع ابتسامه فريده اللى مش بتغيب عن عيونه دقيقه واحده وفى تفاصيلها اللى حفظها اكتر فى غيباها وكأن الهوا بينسج كل ملامح وشها ورافض البديل قدام عيون حسن
_________________________________

خرج الدكتور من اوضهـ العمليات جريت فريده تسأله فاتكلمت انجليزى معاه بسبب شغل باباها اللى زود ده جمب عشقها هى للغه
فريدة : How is Tarek??
الدكتور : Don’t worry.
فريدة : Is it possible to talk to him??
الدكتور : after waking up from anesthesia
مشى الدكتور وفريده مستنيه خروج طارق من العمليات ,,صممت انها لازم تكون الدافع ليه فى الليله دى علشان نتيجه العمليه هتتعرف بكره ,,, اتبسطتت ان الدكتور طمنها ع صحته بسبب خطوره العمليه
خرج طارق من اوضه العمليات ,, دموع فريده بتزيد كل لما السرير اللى نايم عليه طارق بيتحرك علشان يروح الاوضهـ ومنظر الاجهاد باين ع وشه….
____________________

فاق طارق من البينج ,,و حس بايد فريده اللى مسبتهوش طول الليل ,حست فريده بحركه ايده
فريده:حمد الله ع السلامه
طارق:فريده
فريده:بكره ان شاء الله نتيجه العمليه وان شاء الله هنتجح
طارق:وحشتينى
فريده:ان شاء الله مفيش حاجه هتوحشك ,,من بكره هتشوف كل الدنيا
طارق:ما انا شايفها وهى جمبى اهيه ,,تحبى اوصفلك ملامحها
فريده:انت تعبان استريح ,,لازم تكون نفسيتك كويسه علشان بكره
طارق:انا مرتاح وانا بكلمكـ
فريده:انت كويس
طارق:انتى جمبى وتسألى كده
فريده: انت مش طبيعى
طارق:قصدك كنت
فريده:كنت ؟
طارق:كنت مش طبيعى ودلوقت انا طبيعى جدا ,انا بحب
فريده:طب ريح نفسكـــ
طارق:انا هحكيلك كل حاجه
فريده:مش وقته يا طارق,بعد نتيجه العمليه
طارق:ماشى خلاص المهم انك هنا بس اوعدينى وعد
فريده:ايه
طارق:حتى لو مش هتحبينى تسامحينى ,انا مش وحش
فريده: ان شاء الله
_________________________________________

واقفه فريده وسط مخاوفهـــــا هى مش عارفه واقفه ع رجليها ازاى ,, حاسه ان طارق بيبصلها رغم انه لسا الدكتور مشلش نتيجه العمليه ولكن النظره الوهميه دى هى اللى خلتها تتماسكــ اكتر وتبتسم منتظره انه يشوف الابتسامه دى
بيقرب الدكتور من طارق ومع كل خطوه نفس فريده بيعلى وبيزيد ….
فكـ الدكتور اللى ع عيون طارق
الدكتور:how do you feel?
عيون طارق واضح منها انها مركزه ع حاجه معينه بتقاوم علشان تشوفها
عيون فريده بتتعلق بعيون طارق وكل نظره ليها بتتراجاها تتكلم وتقول انها شايفاها
ابتسامه عيونه وهو بيبص لفريده اللى عيونها بتلمع من دموعها
قربت فريده منه ,,مسك ايدها
طارق:اطمنى انا شايفكــ ,,شايف دنيتى الجديده ,,انا اتولدت ع اديكى
ابتسامه فريده كل شويه بتزيد وهى مش مصدقه , ولو تشوفها تحس ان هى اللى شافتــ الدنيا من جديد
فريده:انت شايفنى
طارق:اها شايفك حتى وانا مغمض
فريده:متهزرش ارجوك انت شايفنى
طارق:مش شايف غيركـ
فريده: يعنى شايف صح
طارق:خديهم بقى
فريده:ايه دول
طارق:عنيا ,مهمتك من انهارده

قصة رجولة استاذ … الحلقة العشــــرون




فريده:يعنى انت شايفنى صح قول شايفكـ
طارق:انا حافظكـ صم ,تحبى اغمض و اوصفكــ
فريده:الحمد لله يارب الحمد لله
____________________________________

خرجتــ فريده وطارق من المستشفى فى صباح اليوم التالى
طارق:تصدقى الدنيا مختلفه ,,عارفه حاسس ان كل حاجه جديده حتى انا ,,بنى ادم تانى
فريده:حمد الله ع سلامتكــ
طارق:وعدتينى تسامحينى
فريده:انت مغلطتش فى حقى علشان اسامحكـ
طارق:لا غلطت وغلط كبير اوى ونفسى تسامحينى

__________________________________

فريده:مممممم طب ممكن بلاش الكلام ده دلوقتــ ,انهارده انت خرجت للدنيا ,,ممكن نعمل بريكـ انهارده لاى حاجه ,تعرف تعمل للدنيا استوبــ
طارق:بتتكلمى جد
فريده:طبعا مش قولتلى هتورينى لندن ,انا عمرى ما سفرت برا مصر
طارق:يبقى انهارده تنسى الدنيا وتسبيلى نفسكــــ
فريده:اوكى بس نروح الاوتيل الاول وبعدين نخرج اليوم فى اوله
طارق:وانا موافق
__________________________________________

حسن:بيبى قومى
جومانا:ايه يا حسن سيبنى نايمه
حسن:انتى ع طول نايمه كده قومى تعالى نقعد مع بابا شويهـ هو ع طول لوحده
جومانا:روح انتــ لوحدك اقعد معاه وسيبنى بقى
حسن:حبيبى علشان خطرى
جومانا:اوووووف يا حسن هقوم
حسن:ايوه كده بلاش دلع
_____________________________________

خرجت فريده من اوضتهـــا من اوضتها وطارق مستنيها ,, لفت نظره براءتها فى اللبس وبساطتهـــــــا وابتسامتها اللى كانت مرسومه ع قلبها قبل وشهـــــا
طارق:جاهزه
فريده: اها جاهزه ,هتودينى فين بقى
طارق:متسأليش
مشى طارق وفريـــــده ,راحوا لميدان ترفلجار


طارق:ممممم بصى بقى ده ميدان ترفلجار ,, اقدم نصب تذكارى فى لندن ,تاريجه بيرجع لـ 1600 سنة تقريباً ..
وكان بيشتهر ان فيه حمام كتير جدا بيتجمع هنا
بس دلوقت اتمنع ان حد يديهم طعام علشان ميتجمعوش فى الساحه دى وتتوسخ
اكيد شوفتيهم فى الافلام
فريده:اها شوفتهم المنظر حلو اوى
طارق:طيب اقفى يالا انا هصوركـ
فريده:بجد ؟
وقفت فريده تتصور وهى مبسوطه من قلبها معرفتش ساعتها الفرحه دى لان طارق رجع يشوف تانى ,كانت كل شويه يخليه يصورها علشان تتاكد انه شايفها ,, او انها فرحه بالاماكن اللى اول مره تشوفها
مشيوا من المكان وراحوا لمكان تانى
فريده: الله ده جسر لندن ,,انا شوفت الجسر ده كتير جدا فى الصور وع الانترنت
طارق:اها هو ده جسر لندن ,, بس ده من الحجر زمان كان مصنوع من الخشب من الرومان فى القرن 12 وبعد كده اعادوه بناءه سنه 1973
فريده:اها تحفه عملاق جدا
طارق:اها اوى هو كمان متعلق ومتحرك يربط بين ضفتي نهر التايمز وقريب من برج لندن
فريده:انت عارف المعلومات دى منين
اتعدل طارق لفريده وهو بيمسك التى شيرت وبيبعد وشه ويضحكــــ
طارق:لالا ما انا مثقف اوى واعجبك
بتضحك فريده وهى بتقولهـ
فريده:ماااشى ماااااااشى
فى اخر النهار راح طارق وفريده لساعه بيك بن
فريده:طول عمرى بشوفها فى التليفزيون بس مكنتش متخيله ان المنظر كده فى الحقيقه
طارق:ممممممم وخصوصا لو معايا طبعا
فريده:اممممممم المرشد بتاعى يتفضل ؟
طارق:احم احم اسمها بيرجع بناجامين هول وزير الأشغال البريطاني فى الوقت اللى اتبنت فيهـت هى واشرف كمان ع تنفيذها ,, ووزنها حوالى 12.5 طن ومتثبته فى برج لندن زى ما انتى شايفه ومفيش حد بيجى هنا ومبيزرهاش
بعد ما طارق وفريده خدوا صور كتيره لابتسامتهم فى المكانـ ,,فريده اتعدلت لطارق وببساطه شديده قالتله
فريده:مش هناكل بقى
ضحكـ طارق من طريقتها فى الكلام
طارق:تعبتى ؟
فريده:لا جعانـه
طارق:بس كدهـ يالا نروح ع الاوتيل ناكل علشان ,هوديكى احلى مكان تاكلى فيهـ ع العشــا وعلشان لازم نتكمل
فريده:ممممم وانا موافقهــ
__________________________________________


قاعد حسن وجومانا فى اوضهــ سالم اللى كل شويه يبص لحسن و جومانا ويبعد وشهـ عنهم
حسن:انتى مش ملاحظهـ حاجه
جومانا:هكون ملاحظه ايه فى السكوت اللى احنا فيه ده
حسن:بابا كل شويه يبصلنا ويبعد وشه عننا هو زعلان مننا ولا ايهـ
جومانا:شوفت بقى انكـ بتكبرها ازاى ؟
حسن:انا مبقولش كلام ع الفاضى
جومانا:لا بتقول كلام ع الفاضى ..
حسن:مممممم بابا حبيبى انا وجومانا جايين نقعد معاكـــ وهنتفرج ع فيلم ,وهختارلك فيلم انت بتحبه
بعد سالم وشه عن حسن وكأنه بيرفض عرض حسن
جومانا:بيبى اظاهر ان انت عندك حق باباك عاوز يقعد لوحده شكله مضايق مننا
حسن:شايفه كده
جومانا:اها , والوقت اتاخر يالا ننام بقى
حسن:خلاص يا بابا يا حبيبى انا هسيبك ع راحتكـــ
______________________________________________

خبطـ باب اوضه فريده ,,, استلمت علبه كبيـره من شخص اللى معملش حاجه غير انه ادهالها وابتسم ومشى ,, فتحتـــ العلبه شافت فستان سهره انيق وبسيط اوى ,لونه اسود طويلـ
رن تليفون اوضهـ فريده
طارق:عجبكــ ؟
فريده:اوى اوى ,,انت جايبه ليا انا
طارق:طبعا اومال ليا انا ,,انا طويل شويتين ده قصير اشتريت البينك منه يجنن
ضحكتــــ فريده بصوت عالى وده اللى ضحك طارق
فريده:بس بقى ضحكتنى
طارق:ده المطلوب يا فندم
فريده:بجد مش عارفه اقولك ايه ؟
طارق:متقوليش يالا بسرعه بقى مجوعتيش
فريده:حاضر ع طول ,,نص ساعه
طارق:مستنيكى
____________________________________________


خرجتــ فريده من اوضتها ,,, وطارق واقف مستنيهـــــا ,, اتفاجأ من شكلها والفستان اللى زاد جمال بأنها لبسته
طارق:مممم تسمحيلى
فريده:يالا بينا
راحوا لمطعم مشهور وانيق
طارق:اتفضلـــــــى
فريده:ميرسى
طارق:سبينى اختارلك ع ذوقى ممكن
فريده:ممكن ,,بس ممكن انا طلب
طارق:اتفضلى
فريده:انا جعانه يعنى نفسى اكل
طارق:ههههههههههههههههه حاضر
طلب طارق العشـــــا وفريده بتاكلـ
طارق: ممممممم انا عاوز اكلمك شويه
فريده:اتفضل
طارق:انا غلطت فى حقك
فريده:ازاى ؟
طارق:بصى يا فريده وحاولى تفهمينى قبل ما اعرفك انا كنت واحد تانى خالص غير اللى انتى شايفاه قدامك ,, انا خونتك
اتفاجأت فريده من كلمته
فريده:خنتنى
طارق:اها ,,خونتك مع جومانا
فريده:جومانا
طارق:بصى اى حاجه قبل ما اعرفك متحسبنيش لكن انا بعد اعترفتلك بحبى خنتك معاها لكن غصب عنى
فريده:هو حد بيخون حد غصب عنه
طارق:انا كنت بعمل كده علشان انتقم منها
فريده:وكمان عاوز تضرها وتقول بتحب
طارق:فريده ارجوكى اسمعينى
مشيت فريده وطارق جرى مسكـ ايديها