<<< قصة رجولة استاذ >>>

قصة رجولة استاذ ... الحلقة الثانية عشر




بصتلها فريدهــ باستغرابـــــ
فريده:هنعمل ايهــ ؟
جومانا: بصــــــــى احنا لازم نتأكد مين ورا الموضوع ,وبعدين مش انتى يهمكــ مصلحهــ حسن
فريده:اها طبعاً
جومانا:يبقى تعملى اللى هقولكــ عليهــ
فريده:اللى هو ؟
جومانا:هنوقع الدكتــــــور
فريده:مفهمتش
جومانا:انا هقولكــ اعملى ايهــ وسيبى الباقى عليا
______________________________________________________
فريده:بعد اذنكــ يا دكتور كنت عاوزه اقول لحضرتكــ حاجهــ
الدوا خلص ,,هو طارق مقلش لحضرتكــــــ
د.ممدوح:مممممم خلاص هجيبهــ بكرهـ
فريده:ممكن انا اجى اخدهــ انهارده ,انا عارفهــ كل حاجهـ
د.ممدوح :غبــى
فريده:حضرتكــ بتقول حاجهــــ
د.ممدوح :لا تعالــــــــى خديهـ وهعرفكــ تبدلى الحاجاتــ ازاى ,,انتى تعرفــى طارق اوى كدهـ


اتفاجأتــ فريده اول ما الدكتور قال اسم طارق !!!! كان عندها امل يكون فيهـــــ غلط تانى ومع اخر جملهـ للدكتور دخل حسنــــ وضربــــهـ من غير وعـــــى
بتتفرج جومانا من بعيــــــــد وهى فرحانهــ بالمنظر وانها نفذتــ كل اللى فى دماغها دلوقتــ مش قدامـ طارق غيرها ,,غير جومانا وبس
فريده:سالم بيهــ يا استاذ حسنــ
فاق حسنــ من غصبهــ
د.ممدوح:ارجوكـ يا استاذ حسن
حسن:انت فاكرنى هسكتــ انا هدخلكـ انت وطارق الكلبــ ده السجن ,,ليهـ كده ؟ليهــ
د.ممدوح:بص يا استاذ حسن اهدى ,, خلينا نتفق
حسن:نتفق ع ايهـــــــ انت مجنون


د.ممدوح:انا ممكن ادفعلكــ تعويض عن اللى حصل انت كده كده مش هتثبت حاجهــ وممكن نكمل باقى العلاج ع حسابــــــى الخاص وع اعلى مستوى
بيضحكــ حسن وبيبصله وهو متوتر مش فــ دماغهــ غير طارق … ليه عامل كده ؟؟
حسن:مجنون انتــ صح ,,,مجنون ,, ده انا هوديكــ ف ستين داهيهــ
د.ممدوح:اظاهر انك مصمم ,,,, انا قولتلكــ نتفاهم احسنــــــ ,,انا ماشى
حسن:استنـــــى عندكــ ,ليه طلب منكــــ كده
بيضحكــــــ وبيرد عليهــ


د.ممدوح:اظاهر يا استاذ حسن انكــ متعرفش يعنى ايهـــ يتعرض عليكــ فلوس فى الزمن ده ,مهمها كان عندكــ ايه المانع فى الزياده وما دام هغلط مش مهم اسأل عن السببــ ’’لان السببـ مش هيكون لانى عاوز ادخل والدكـ الجنهــ مثلاً ….
خرج من غير ما يسمع لسبــــ حسن وتوعده ليهـــــ ,,,مسكـــ التليفون واتصل بطارق يجيله اللى قالهــ انه فى طريقهــ للفيلا
__________________________________________________
قاعده جومانا فى اوضتهــــــــا بتعيط
جومانا:شوفتى صدقتينـــــى
فريده:انا مش مصدقهــ
جومانا:علشان كدهــ كنت بحذركــ منهــ
فريده:انا برضوا كنتــ مستغربهــ منهــ
جومانا:احنا لازم ننزل علشان طارق
فريده:طارق !!
جومانا:اقصد علشان ميعملش فى حسنــ حاجهـــ
فريده:اه اه طبعاً
جومانا:طيب انزلى انتى انا هغسل وشـــى واجى
فريده:ماشى
خرجتـــــــ فريده ومسكتـــــ جومانا الموبايل تتصل بطارق رد عليهـــــــا
جومانا:انت فين
طارق:انا قربتـــــ اهوه فيه حاجهــــ ؟
جومانا:اوعى تيجى يا طارق اوعـــــى
طارق:تانى انتى
جومانا:خالص انا خايفهـ عليك فريده كشفت كل حاجه والدكتور قال لحسن لو مش متأكد من كلامى كلمه
طارق:فريده!!!!! وهى عرفتــ ازاى ؟
جومانا:معرفش تقريباً كانت بتشكــ فيكـ لان انت اللى كنت بتجيبـ الادويه اوعى تيجــــــى وحاول متقعدش فى بيتكــــ كمان
طارق:ماشى ماشى اقفلى
جومانا:طمنـــــى عليك يا حبيبى ,,,عرفنى انت فين وانا هجيلكــــ
طارق:ماشى سلام
________________________________________________

فريده وحسنــــ عنيهم ع البابـ وفريده خايفهـ تكلم حسن من نرفزته اللى بتظهرها كل ملامحـ وشهـــ ,,,, ولكن حسن خد بالهــ انها مركزه ليهـ
حسن:انا متشكر جداً
استغربتــ فريده من رد فعلهــ ليها
فريده:ع ايهـــ ؟
حسن:ع انكـــــ واقفهـ جمبى
فريده:انا مش عارفهـــ اقولك ايهــ بس انا
حسن:انتى بقيتى واحدهـ مننا
فريده:هو انا ممكن اقول حاجهـ
حسن:طبعاً
فريده:ممكن متبقاش سلبـــــــى
استغرب حسنــــ من كلمه فريده الصريحهــ وللى مفهمهاش
حسن:سلبى
فريده:بصراحهــــ اه ,انت قاعد مستنى طارق ليهــ هتضربهــ ,هتموتهــــ ,, مش هيفيدكــ حاجه غير انكـــ هتفضل مستنى ,, وسايبـ والدكـ فوق اللى محتاجكـ دلوقت اكتر من الاول ,, ومقولتش متاخدش حقكــ بس مش لما تتأكد منه ,الدكتور ده غلطـ يبقى ما تصدقش حد غلط
حسن ساكــــــتــ ومركز لكلام فريده وفيهــــا وفى كل حرف خارج من شفايفهـــا بتمعن
فريده:بتبصلى كده ليهــــــ ؟
حسن:اصل انا ,اقصد انتى
فريده:اهدى انا عارفهــ انت مش عارفــ تتحكم فى مشاعركــ ,تعالى نشوفــ سالم بيهــ
حسن:يالا
_______________________________________________________
خرجتــــــ جومانا من اوضتهــــــا شافتــ حسن وفريده طالعينــــ
جومانا:مجاش ؟
حسن:لا مجاش ومش عاوز اشوفــه دلوقتـــــ
بتبصله جومانا وهى مستغربهـــــ
جومانا:انت قولتـ ايهــ
حسن:زى ما سمعتــــى ,انا لازم اشوف بابا ,,هو ده اللى لازم استناه
قالها حسن وهو بيبص لفريده وبيبتسمـ
جومانا:انا خارجهــ يا حسن
حسن:خارجهـــ !!!!!!
جومانا:صحبتى تعبانهــــ
حسن:اتفضـــــــلى
قربت جومانا من حسنــــــــــ وباسته
جومانا:مش هتاخر يا بيبــــــــى
دخل حسن وفريده لاوضهــ سالم ,,,, اول ما دخلتـــــ فريده ابتسم سالم
_____________________________________________________
اول ما جومانا شافتــــــ طارق حضنته وهو بيحاول يبعد عنهـــــــا
طارق:قوليلى ايهــــ حصل
جومانا:فريده عرفتــ كل حاجهــ
طارق:كل حاجه ازاى ,عرفت اللى بينـــــــا
جومانا:تقريبا حستــ ,انا اترجتها متقولش لحسن ع موضوع الادويهــ لكن هى صممتـــــ تقوله هى تقريبا بتحبهـــــ
طارق:بتحبــ حسن
جوماما:انا حسيتـ كده انت مش متخيل كانوا مستنيينك ازاى ,,حسن كان هيعمل فيك حاجه وهى كانت بتقويهــ
طارق:ومقلتش حاجهــ ع علاقتنا
جومانا:لا
طارق:ازاى وهى بتحبهــ تستغلها فرصهــ
اتربكت جومانا فى الكلام
جومانا:انا قولتلك هى مش متأكده هى مستنيهــــ واحده واحده
طارق:بتحبهــــــ ؟ طب وانا
جومانا:انت لسا بتحبها بعد ده كلهـــــ
طارق:وانا ,,بتحبه
جومانا:انا بحبكــــــ انا يا طارق وافديكـ بحياتى صدقنى
_________________________________________________________
فريده قاعده فى اوضتهــــــــــــا بتفكر فى كل اللى حصل ,,هى حاسهـ ان فيهــ حاجه غلط بس مش فاهمهــ
تليفونها رن باسم طهـــــــ
طه:كنتى فين طول النهار
فريده:تعبانه شويهــ يا طه والله
طه:التعبــ ده بيجى ع تليفونــــــــى انا
فريده:انت متصل تتخانق
طه:بكرهـ هنشوفــ الشقهــــــ
فريده:ومقولتيش ليه يا طه
طه:الهانم كل يومين تعتذرلى
فريده:خلاص بكره
طه:اختكـ هتيجى برضوا
فريده:تقريبا كده مش هتعرفــــــ ,انا كذا مره اقولها وبعدين ارجع ف كلامى
طه:احســــــن
فريده:ايهـ اللى انت بتقوله ده يا طهــ
طه:بكره الساعهـــــ 6
فريده:هتقابلنى فين ؟
وفجأه فريده شافتـــــــ اسم طارق ع الانتظار

قصة رجولة استاذ … الحلقة الثالثة عشر




بصتــ للاسم بتمعن ومش عارفهــ تعمل ايهـ ترد ,متردش , اكيدـ هو بيتصل بيها لسببـ قوى ,هو فى عنيها دلوقتـ مجرم واختارها هى ليهــ ؟
وفـ الاخر ردتـ
طارق:فريده انا بحبكــــ والله بحبكـــ
كانت محضره كلام كتير اوى وفجأه مبقتش عارفهــ ترد
طارق:انا لازم اشوفكــ ضرورى
فريده:مش هينفع يا طارق
طارق:ارجوكـــــى متحكيش عليا من غير ما تسمعينــــى
فريده:ارجوكـ
طارق:ارجوكى انتى ,يعنى انتى السبب فى كده وكمان مش راضيه تقبلينى ..كل ده علشان حسن للدرجادى بتحبيهــ
حاولت فريده تعيد جمله طارق اللى سمعتهــــــا ,,,اتاكدت انها صح
فريده:سببـ ايهـ انت السبب فى اى حاجهـ عملتها لنفسكـ ,ووبعدين احب حسن ايه ايه اللى انت بتقوله ده
طارق:طيب ممكن تقابلينى
فريده:انا لازم اقابلك علشان افهم منكـ
طارق:بكره الساعه 5 ممكن
فريده:ممكن بس فين ؟


قال طارق لفريده على مكان الاوتيل اللى هو قاعد فيهـ واتفقوا يتقابلوا فى مطعم الاوتيل ..خوف من طارق انهـ يقابلها فى مكان تانـــــى ……
_______________________________________________
قامتـ فريده من نومها افتكرت معاد طهـ
فريده:اخ ده النهارده هو الساعه 7 ممممم هلحق انا رايحه اعرف حاجه وهروح ع طــول
دخلتــ جومانا ع الاوضهـ بعد ما خبطتـ
جومانا:انتى كنتى بتكلمى حد
فريده:لا خالص ده انا بس بكلم نفسى ,هو فيه حاجه ؟
جومانا:خالص ,بطمن عليكى بسبب موضوع امبارح ده
فريده:هو استاذ حسن راح الشركه
جومانا:لا راح للمحامى علشان موضوع امبارح
فريده:طيب كويس .
جومانا:انا كنت جايه اقولك الدكتور الجديد جاى كمان نص ساعه
فريده:اوكى انا جايهــ حالا
_____________________________________________
حسن قاعد فى مكتب محامى من اكبر محامين مصر
حسن:يعنى مفيش حاجه اقدر اثبتها عليهم
فايق:مفيش غير الحل اللى قولتلكــ عليه وانت رفضتــ


حسن:انا مش هتعب بابا اكتر من كده ,وخصوصا ان اللى عنده مرض نفسى ,يعنى كل يوم بثبتله انى مش قادر احافظ عليهـ
فايق :بس انت قولت الدوا كان خلص ومفيش اى دليل والروشتات حتى باسم ادويه صحيحه التركيب بس هو اللى متغيـــــر
حسن:ارجوك شوفلى حل اتصرف
فايق:هحاول يا استاذ حسن بس برضوا انت لازم تساعدنى ,د.ممدوح من الدكاتره المعروفين ومش هقدر اثبت حاجه زى كده عليه بسهوله واكيد عامل حسابه
حسن:وانا برضوا عند اشهر محامين مصر ,ارجوك اتصرق
__________________________________________
خرجتـــ فريده من الفيلا وهى بتبص حوليهــــا ,,وجومانا بتبصلها باستغرابـ ,خدت تاكسى من ققدام القيلا
وقف التاكسى عند الاوتيل
دخلت فريده شافت طارق قاعد مستنيهــــــــا …..
طارق:اقعدى ,ووحشتينى
فريده:ملهوش لزمه الكلام ده يا طارق
طارق:يعنى حتى وانتى بتأذينى بحبك وانتى كده
فريده:استنى هنا بأذيكــ ازاى ؟
طارق:انتى اللى فضلتى ورا موضوع الادويه حتى بعد ما جومانا اترجتكـ تسكتى
فريده:جومانا ايهـ انا محدش قالى حاجه ده هى هى اللى قالت انك انت وانت اللى بتحبها وعاوز تضيع حسن
طارق:انا
فريده:اه انتــ .انت ليه عملت كده ليه عاوز تأذى صاحبكــ
طارق:انا مش هقدر اقولك حاجه غير انى بحبكـ وانى فعلا اتغيرت
فريده:اتغيرتــ ,يعنى فعلا كنت بتطارد جومانا وعملت كده فى سالم بيهـ
طارق:انا مطردتش حد انا محبتش حد ولا هحب حد غيرك
فريده:طيب هى بتقول كده ليه
طارق:انا معرفش ,, وصدقينى مش هقدر اقولك اكتر من كده
فريده:سؤال واحد ,انت اللى عملت موضوع الادويه ده
طارق:اه بس
فريده:من غير بس المهم انك عملت ,متحولش تعرفنى تانى ممكن
طارق:فريده انا بحبكــــــ
مشيت فريده وسابت طارق فى الحفره اللى حفرها ووقع نفسه فيها
________________________

فريده:خلاص يا طه انا قربت اهوه خمس دقايق وابقى هناك ,طنط او عمى معاك
طه:لا مفيش حد معايا انا مستنيكى علشان تقولى رأيكـ براحتك
استغربت فريده من طريقه طه الحلوه فى الكلام معاها
فريده:ربنا يخليك ليا متشكره اوى يا طه
طه:طبعا ده انتى حبيبتى وهتبقى مراتكــ
قفلت فريده وهى بتبص للموبايل وهى بتبتسم ….
دخلت العماره فى مكان هادى نوعا ما ,, العماره مكونه من 11 طابق تقريبا محدش فيهم كلهم لسه تحت التوضيبـ
دخلت شقتها اللى فى الدور السابع
فريده:طه ,انت فين
جيه طه من ورا فريده وخضها
فريده:حرام عليك انا تعبت من السلم اوى
طه:هيركبوا اسانسير بس بعد شهر
فريده:كويس ,,طبعا مفيش حاجه اقعد استريح عليها
طه:ازاى بس ,,تعالى فيه جوه
دخلت فريده شافت كراتين مفروشه ع الارض بوضع متناسق ونضاف
طه:اتفضلى
فريده:شكرا , بس مين اللى حطهم دول
طه:انا طبعا مش انتى جايهــ وكنت عاوز نتكلم شويه
قرب طهــ ع فريده ومسك ايديها
فريده:مممم مش هنقوم نتفرج ع الشقه
طه:ايون هنقوم انتى مستعجله ع ايه ما احنا مع بعض ,اول نره نكون هنا لوحدنا
فريده:تقصد ايه
طه:مقصدش انتى بعيده كده ليه قربى شويه
فريده:لا كده كويس
قرب طه من فريده اللى قامت مفزوعهـ من مكانها ,مسكها طه من ايدها جامد وقعدها
طه:مش انتى خطيبتى ,انا هتجوزك وبعدين متخلنيش اعمل معاكى حاجه غصب عنك
فريده:انت مجنون ابعد عنى ,انت حيوان
طه:هتتعبينى يا فريده
كتف طه ايد فريده وراها
فريده:ارجوك يا طه ,ارحمنى
طه كان فى دنيا ومش سامعها وهو بيحاول يقربها ليه وهو ماسك ايدها ,ايد فريده بعدت عنه وفضل ماسك ايدها التانيه وهو بيقرب من وشها ,,ضربته فريده بالقلم وبعدت عنه باقصى سرعهـ ليها ,, طه حاول يجرى وراها ولكنها جريت بسرعه ما صدقتهاش لحد ما وصلت للتاكسى اللى طلبت منه يستناها ع امل انها مش هتلاقى تاكسى تانى فى الوقت ده والمكان ده ومش عاوزه تتعب طه لمشوار الفيلا
_________________________________________________
طارق قاعد فى اوضته ودموعهـ مغرقه عيونهــ وموبايله جمبه بعد ما عمله ع وضع الصامت بسبب مكالمات جومانا المتكرره واللى زاد شكها فى فريده لان طريقه خروجها مكنتش طبيعيهـ
هو عارف انه غلطان بس للدرجادى غلطه تضيع منه مستقبله كلهــ ومستقبله كله يقع علشان واحده زى جومانا اللى قرر ينتقم منها مش لانها ضيعته ,,لا لانها ضيعت قلبه اللى اول مره يحبـــ
جومانا فى اوضتها مش عاوزه تشوفـ حسن ومستنيه رجوع فريده بفارغ الصبر علشان تعرفـ هى كانت فين
حسن قاعد مستنى فريده علشان يحكيلها ع اللى حصل بعد رفض جومانا ليهـ بانها تسمعهـ بجحه انها زهقت من الننكد والمشاكل
_____________________________________________________________
دخلتـ فريده الفيلا وهى بتعيط وحسن مستنيها واول ما دخلت شاف منظرها ده جرى عليها وحاول يعرف فيها ايهــ ,,جريت من قدامه
حسن:فريده
جرى حسن وراها ,طلعت اوضتها وقفلتــ الباب
حسن:افتحى يا فريده ارجوكى ,,ارجوكى افتحى الباب
وفريده ساكته ومش بترد
حسن:صدقينى مش عاوز اعرف مالك بس متحرمنيش من انى اقف جمبكــ ارجوكى
وفريده قاعده ورا الباب وهى منهاره من العياط
حسن:انا مش همشى من هنا غير لما تفتحى ارجوكى
فتحت فريده الباب وبعدت عنه وقعدت ع طرف السرير ووشها عكس البابـ
حسن:ارجوكى اهدى ارجوكى
حاول حسن يمسك ايد فريده ,,قامت مفزوعه وبعدتــ عنه
حسن:اجيبلك دكتور طيب ,حد عملك حاجه ,,انا اقدر احللك اى مشكله
بتبصله فريده وقالتله
فريده:تفتكر
بصلها حسن وهو محتار ومش عارف يرد بس لسانه نطق غصب عنه
حسن:جربى
بعدت فريده وشها عنه وكملت كلامها
فريده:ارجوكــــــ يا استاذ حسن ممكن تسيبنى دلوقت
حسن:هو ده طلبكــ
فريده:اه
حسن:بس انا مصمم اعرف مالكــ
فريده:ارجوك انا تعبانه ومش قادره اتكلم
دخلتــــــ جومانا عليهم وبصتـ لفريده الغرقانه بدموعها ولحسن اللى فى عينه نظره حنان جومانا اول مره تشوفها

قصة رجولة استاذ … الحلقة الرابعة عشر




دخلتــــــ جومانا عليهم وبصتـ لفريده الغرقانه بدموعها ولحسن اللى فى عينه نظره حنان جومانا اول مره تشوفها ….
جومانا:حسن !!!!!!
قام حسن ومسكــ ايد جومانا
حسن:تعالى نتكلم برا
كانت هتتكلم جومانا ولكن حسن حط ايده على بوقهــــــا,,واول ما خرجوا
حسن:ها عاوزه تقولى ايهـ
جومانا:انت كنت عندها بتعمل ايهـ ؟
حسن:ممممم زى ما شوفتى هى عندها مشكله وانا بحاول اساعدهـــــــا
جومانا:واضح انى قطعت جو حلو عليكوا
حسن:لا انتى اتجننتى فعلا ايهـ اللى انتى بتقوليه ده
جومانا:قولت اللى شوفته
حسن:يبقى انتى مبتشوفيش
جومانا:حسن انت اول مره تكلمنى كده
مشى حسن من قدام جومانا وهى مستغربه طريقه كلامه واسلوب مناقشته معاها , جريتـ وراه ع الاوضه
جومانا:يا حبيبى انا بغير عليك
حسن:بتغيرى !! انتى عمرك ما غيرتى عليا يا جومانا وبعدين ما انتى عزمتهالى مره ع العشا وخرجتى انتى
جومانا:انا
حسن:الاحسن نسكت دلوقت يا جومانا


انسحب حسن وهو مش عارف هو فعلا زعلان من عدم غيرتها اللى قبل كده ولا زعلان من لحظه دخولها ولا زعلان لانه معرفش يساعد فريده او لانه معرفش حتى سبب ده وخفف وجعها
__________________________________________


فريده قاعده فى اوضتهـــــــا فى وجعها وتعبها كل شويهـ تفتكر كلام طه ونظرته ليها حست كأنها فريسه ونفسه يصطادها …. كل كلمه بتتردد على ودنها كل ثانيه كأن كل منهم بيحجز لنفسه عندها اكبر رصيد من التفكير عندها وفى الاخر استلم جسدها للنوم….
كل شويهـ موبايلهـا بيرن بأسم طارقـــــ .
طارق اللى مش قادر يسيطر على نفسهـ اتملكه شعور الانتقام من جومانا بأى طريقه….
حسن نزل قاعد لوحده مش بيفكر غير فى فريده وفى دموعها اللى حس ان مسئوليته انها متنزلش ليهــ هو مش عارفــ….
جومانا قاعده بتفكر فى طارق وحسن اللى طريقته اتغيرتــ ,,ممكن فريده تكون قالتله حاجهــ ,,فهمت حاجه ,هى مش فاهمهـ ؟
____________________________________________________
بتصحى فريده من النوم بتبص ع الموبايل شافتـ اسم طارق مستحوذ ع الموبايلــــ وامانى اتصلتـــ بيها كذا مره ……
مسكت الموبايل اتصلتـ بأمانى
امانى:فرى صح النوم كلمتك كتير
فريده:معلش كنت نايمه
امانى:صوتك ماله ؟
فريده:لسا صاحيهـ بس
امانى:لالا انتى فيكى حاجه احكيلى مالكـ
فريده:مش هينفع فى التليفون يا امانى
امانى:خلاص اشوفك ها قومى يالا
فريده: لا مش هينفع دلوقت خليها اخر النهار علشان سالم بيه
امانى:خلاص ماشى هستناكى تكملينى ,لازم اشوفك
فريده:ان شاء الله
قفلت فريده الموبايل وبتبص فى المرايا ,شافت حد متعرفهوش ,,اتحققت من ملامحها عرفت انها هى …… ملامح وشها بتبرز موقف امبارح وكل تفاصيل وشها بتحكيه وبتحكى قد ايه خايفهـ
________________________________________________

دخلتــ فريده لاوضه سالم ,,, فتحت الستاير بتاعتها ,,صحى سالم ع النور اللى دخلتهــ فريده
,جابت فريده الفطار وبتاكله
كل تفكيرها فى مكان تانى وفى دنيا تانيهــ وسالم حاسس كده من تعابير وشها كأنها اول مره تدخله ,رغم محاولاتها المستميتهـ فى رسم الابتسامه ليه
فريده:مممممم لالا مش عاوزين دلع الفطار ده كله لازم يخلص ولا اكله انا
ابتسم سالم لفريده ورغم ابتسامته دموع فريده نزلت غصب عنها …..
بصلها سالم وكأنه بيسألها وبيستعطفها انه تحكيله..
فريده:مفيش حاجه حضرتك متقلقش ده ضغط مذاكره بس
بصلها سالم بلوم وحرك ايده مسك ايدها وهو بيطبطب عليها
فضحكت فريده
سالم:ههههههههههه انا جايه هنا علشان حضرتك تتعالج ,,اظاهر ان حضرتك اللى هتعالجنى ,,ازاى بس الحنيه والحكمه والذكاء ده يحبس نفسه فى اوضه زى دى ويرفض يتكلم مع حد
بعد سالم وشه عن فريده ونزلت دمعه منه كانها محبوسه وجالها حكم بالبراءه ,سريعهـ ,واضحه
مسكت فريده الدمعه بايديها ..
فريده:انا اسفه ,اسفه جدا والله انا مقصدتش ازعل حضرتك
طبطب سالم ع ايديها واسترخى بجسمه ع السرير وحبت فريده تخفف الجو فشغلت مقطوعه لبيتهوفن ورن موبايلها فخرجت ترد بسبب الاسم اللى بان ع الشاشهـ
___________________________________________
فريده:ابتسام وحشتينى اوى يا اختى يا حبيبتى قد كده بتحسى بيا , انا مش مصدقه والله
ابتسام:ايهـ يا فريده اللى انتى بتعمليه مع خطيبك ده
فريده:انا والله ما عملت ده هو هو اللى
ابتسام:هو ايهـ ,,كتب كتابكوا لازم يتكتب وقريب اوى
فريده:انتى بتقولى ايهـ
ابتسام:خدى عبداللطيف عاوز يكلمك
فريده:يا يا
عبد اللطيف:الساعه 7 تبقى هنا ماشى ,, ولو مجتيش انا هجيلك عندك وانتى عارفه الباقى
فريده:هاجى والله هاجى
عبداللطيف:طيب يا اختى
اتقفلت الدنيا فى وش فريده بالمكالمه دى ,, اكيد طه راح لهم بس قالهم ايهـ ,هو ازاى بنى ادم وكده ,ازاى راجل وكده ,,خافت منهم هو ممكن يكون قال حاجه وحشه تخصها ,خافت ليجوزها غصبـ عنها ,يا اما ترجع بيت عبداللطيف تانى ,,لالا عبداللطيف لا ,,بس برضوا طه مليون لا ,فجأه اتشل تفكيرها ومبقتش قادره تفكر
____________________________________________________________
فريده قاعده حاسه ان كل جزء فى جسمها مليان بالشوكــ ,نظرات طه اللى كلها انتصار وتحدى ونظرات عبداللطيف الحيوانيهـ ليها ونظرات ابتسام اللى مبتوحيش بأى حاجه غير الموافقه ع اى كلام يقوله عبداللطيفـــ
عبداللطيف:يبقى كتب الكتاب بعد الامتحانات
ابتسام:مبروك يا فريده
طه:اه كده كويس اوى
وفريده ملامحها بدون اى علاماتــ غير انها ردت برد واحد
فريده:موافقه
ابتسام:الف مبروك يا حبيبتى
عبداللطيف:توافقى متوافقيش هو ده قرارى علشان كلام الناس وبعدين تبقى فى حكم راجل وملناش دعوه بيكى
ابتسام:ده انت الخير والبركه يا اخويا
طه:ممكن اتكلم مع فريده شويهـ
ابتسام:اتفضلوا ,تعالى يا عبده عاوزه اقولك حاجه
بيقوم عبداللطيف وهو بيقول
عبداللطيف:اختك دى مبيجلناش منها غير وجع القلب
______________________________________________
طه:انتى هتفضلى ساكته
بتبصله فريده
فريده:مش انت عاوز نتجوز هنتجوز
طه:مممم انتى متعرفيش انا كنت حاطط عينى عليكى من اول مره شوفتك فيها ,قولت لازم افوز بيكى
فريده:و اديكـــــ فوزت طلبات تانيه
طه:انتى زعلانه منى علشان الموقف اللى فات ده ,ما انا هتجوزك اهوه
فريده:هو الجواز هو اللى بيداوى صح
طه:ههههههههههه انتى واحده ست وبتتكلمى فى كده
بتبصله فريده وهى مبتدرش
طه:هيبقى مكتوب كتابنا بقى وهتبقى حلالى اعمل فيكى اللى انا عاوزه
فريده:تعمل فيا اللى انت عاوزه هو انا عروسه
طه:اه عروستــى

قصة رجولة استاذ … الحلقة الخامسة عشر




دخلتـ فريده لاوضتهــــــا بعد ما اتحفر فى قلبها ابشع انواع العذابــــــ
بس كان كل تفكيرها فى طهـ ,طه اللى كان فارق معاها اكتر من انه يتجوزها ,انه اتهمها فى حاجه لا يمكن تتخلى عن حقها فيها وهى اخلاقها ……
_ فكرتـ فى تصرفها اللى حصل انهارده قدام عبداللطيف وابتسام وطهـ ولكن هو ده كان التصرف السليم من وجهه نظرها ,مينفعش تدافع عن نفسها فى حاجه هى معملتهاش ..
_نظره انتصار طه هى كانت الحافز ليها فى انها قبل ما تبعد عنهـ انها لازم تعلمه درس ..وان اى ست مش لعبه لتحكماته وغريزته اللى ملهاش معنـــــــــى…
_مفيش فى دماغها خطهـ معينه تعملها وفى اللحظهـ دى خبط البابـ
دخل حسن بعد ما سمحتله فريدهـ
حسن:ايه اخباركـ انهارده
فريده:الحمد لله
حسن:مالك يا فريده ,انا ممكن اساعدك فى اى حاجه ؟
فريده:انا مش عارفه اقولكـ ايه
حسن:قولى اللى جواكى
فريده:هتسمعنى
حسن:اتمنى متسمعيش حد غيرى
فريده:انا حصلتلى مشكله كبيره اوى
حسن:مفيش مشكله طالما انتى كويسه ,, قولى وانا هحلها وملكيش انتى دعوه
فريده:انا عاوزه اسيب خطيبى
فرح حسن من كلمه فريده
حسن:بس انا مش شايف مشكله لكده سبيه
فريده:ما هى دى المشكله انه مينفعش
حاول حسن يبعد عن اى تفكير وحش يجى فى دماغه لانه عارف فريده واخلاقها ,فطرد الافكار دى بسؤاله
حسن:ايه المشكله


فريده:المشكله انه انسان حقير ,علشان عارف مشاكلى مع اهلى وانهم مش سايبنى هنا بالسهل فبيستغل ده عن طريق سمعتى
حسن:حيوان
خرجت الكلمه تلقائيه من حسن فاتحرج ..
فريده:فعلا حيوان
اتبسط حسن ان فريده مزعلتش ومن وجهه نظره ده اقربــ تشبيه لواحد زى ده
فريده:حددوا معاد كتب الكتاب بعد الامتحانات ومش عارفه اعمل ايهـ ..انا جريتهم علشان اعرف اعمل ايهـ
حسن:واللى عنده الحل
فريده:بجد عندك الحل
حسن:تتجوزينــــى ؟؟
_________________________________________________
عمار:فريده مالها انهارده قاعده سرحانه ومش بتتكلم خالص ليه


امانى:مش عارفه هى اه سرحانه ومبتتكلمش بس فى نفس الوقتــ فيه لمعه فى عنيها اول مره اشوفها ,عنيها بتضحكـ
عمار:يا عم اللماح انت لمعه فى عنيها زى اللى بشوفها فى عينك دايما دى
امانى:تقصد بتحبـ
عمار:مممممم بصى انا هروح لاصحابى شويه وروحى انتى اتكلمى معاها
امانى:حبيبى بيفهم يا ناس
عمار:طول عمرى يا بت ,هتوحشينى
امانى:انت اكتر
امانى:الجميل بتاعى سرحان فى ايهــــ
فريده:خضتينى
امانى:ممممممم خضتينى !!!!!!
فريده:ايه غريبه انك تخضينى
امانى:لا غريبه انك سرحان يا جميل ,بنحب ولا ايهـــ
فريده:انا مش عارفه ,انا بحب ولا محتاجه للحب ولا محتاجه لبنى ادم زى حسن فى الفتره دى
امانى:حسن !!!! اللى بشتغلى عندهم
فريده:اه هو
امانى:بس ده متجوز
فريده:انا محتاره يا امانى ,,اقبل بـ طه اللى عاوز ياخد فريده اكنى عروسه بيختارها وغير انى عمرى ما هقبل بواحد علشان ياخدنى شكك الناس فى سمعتى وحسن اللى قال تتجوزينى بدون اسباب ومبررات وله حتى قال انه بيحبنى وكمان متجوز
امانى:مممممم ايه النار اللى انتى فيها دى
فريده:انا هتجنن ,,بس مش هكدب عليكى انا مرتاحه لحسن ,ع الاقل هينقذنى من اللى انا فيهـ
امانى:يعنى هتوافقى
فريده:احنا اتفقنا ع اننا نتكلم انهارده
امانى:كلمينى احكيلى
فريده:حاضر
امانى:تعرفى ايه اللى لافت نظرى
فريده:ايه
امانى:ان ربنا بينقذكــ ,,انا لحد دلوقت حاسه ان متشال ليكى حاجه واحنا منعرفهاش ,اللى بيحصلك ده علشان حاجه
فريده:غريبه ,بس يارب خير
_______________________________________________

جومانا مرسومهـ كـ لوحه متعقله ع صدر طارقـ
جومانا:حبيبى
طارق:عيونى
جومانا:انت ايه غيرك مره واحده كده
طارق:اصل انا مليش غيرك يا جومانا
جومانا:يعنى مش هتسبنى تانى
طارق:عمرى
جومانا:وفريده؟
طارق:فريده ايهـ خليها فى حسن مش هى بتحبهــ برضوا
جومانا:اه
طارق:وانتى بتحبينى
جومانا:موتــ
طارق:تتجوزينــــــــــى
جومانا:طارق ؟
طارق:ايه مش عاوزه
جومانا:انت حلم حياتى
طارق:وهتتطلقى من حسن
جومانا:اطلق
طارق:ايهــــ مش انتى كنتى عاوزه كده
جومانا:اه بس
طارق:بس ايهـ ,عموما انا هسيبك فرصه تفكرى وتختارى
______________________________
دخلتـــ فريده البيت بتدور ع حسن بقلبها ملقتهوش ,,دخلت اوضتها وقفت قدام الشباكــ تستناه علشان يكملوا كلامهم …
جومانا فى اوضتها بتفكر فى كلام طارق ,,هو صحيح حلم عمرها !!!!! بس اول مره فى حياتها تحس بخوفـ ,,, مش عاوزه تسيب حسن وف نفس الوقت بتحب حسن
خايفه تفضل مع حسن لان باباها ممكن فى اى لحظه يكشف الحقيقه …
فريده سرحانهـ وفجأه تليفونها رن بأسم حسن
حسن:عاوز اقابلكـ دلوقت
فريده:دلوقتـ
حسن:اه ,انا كلمت السواق خمس دقايق وهيبقى عندك وهو عارف انا فين
فريده:حاضر انا جاهزه
حسن:طيب اوكى انا مستنيكـــــى
__________________________________________
دخلتـــ فريده لمطعم مشهور بهرها المنظر , شافت حسن وهو يبصلها من بعيد
راحت نحيتهـ
حسن:اقعدى مالكــ ؟
فريده:ابدا المنظــــــر بس غريب عليا
حسن:ازاى
فريده:ابداً يعنى مدخلتش مكان زى ده قبل كده ,,عجبنى اوى
حسن:ان شاء الله تيجى هنا ع طول
فريده:ان شاء الله
حسن:امبارح انا قولت كلمه وانتى مردتيش عليا
فريده:انا مش عارفه اقولك ايه ,,انت بتقول تتجوزنى
حسن:ما ده الحل الوحيد لمشكلتكـــــ
فريده:يعنى انت عاوز تتجوزنى علشان هو ده الحل لمشكلتى
حسن:اها ,, انا مينفعش اسيبك كده
فريده:وجومانا
حسن:جومانا مش لازم تعرفـ ,,,, انا مش بخونها ده انا هتجوزكـ علشان الموضوع وبعد كده
مسكت فريده دموعها بقلبها
فريده:وبعد كده نتطلق
حسن:اه
فريده:انا كنت جايه اقولك انى متشكره جدااااا يا استاذ حسن ,انا مش هحل المشكله بمشكله اكبر وميرسى لحضرتك بعد اذنكـ
حسن:استنى بس
فريده:نعم
حسن:هنروح احنا طريقنا واحد
فريده:لا مش واحد ,,انا هتمشى شويه وبعدين اروح
مشيت فريده من المكان وهى هتتجنن ومش عارفهــ تعمل ايهـ
محتاره, زعلانه من كل حاجه حوليهـــــــا
_______________________________________
طلبتــــ فريده من السواق يوديها الفندق اللى طارق عايش فيهــ ,, اتصلت بيهـ
طارق اول ما شاف رقم فريده رد ع التليفون من غير ما يدوس ع الزار ,,, فمحدش رد افتكر نفسه بيحلم ولكن النغمه اكدتله انه صاحى
طارق:فريده انتى بجد
فريده:انا عندك تحت ممكن تنزل
طارق:تحت فين ,,هنا ,انتى متأكده
فريده:اها انا تحت ممكن تنزل
طارق:انتى تؤمرى حالا
جرى طارق ع البابــ ,اكتشف انه بلبس النوم ,,ضحكــ جرى يلبس ونزل بسرعه ,شاف فريده ,قاعده قلبه سبقه لمكانها
طارق:انتى هنا عندى ,,انا مهما كنت تخيلت مكنتش هعرف انك هتجيلى هنا
فريده:انا محتاجالك
طارق:انتى بتتكلمى جد
فريده:اها
طارق:يعنى انتى صدقتيبنى انه كان غصب عنى مش مصدقه جومانا صح
فريده:انا ميهمنيش ده كله , انا محتجالك ومحدش هيقدر ينقذنى غيركـ
طارق:انت تحت امرك افديكى برقبتى
فريده:يعنى ممكن تبقى خطيبى
طارق:خطيبك
فريده:اها فاكر لما عملت خطيبى
طارق:ههههههههههههههههههههه يعنى هفضل طول عمرى اتعذب بحبك
فريده:انا اسفه يا طارق انا همشى
طارق:تعالى هنا انا موافق بس ليهـــــ