رساله من مجهول

رساله من مجهول

عَاشقِك أنا وما يهمّـنيش تكوني حبيبتي عـَشقاني

وعشان قلبـِك ما يظلمنيش مش بطلـُب منـّهُ يهواني

واِلكلام اِللي اِلمفروض أقولهُ بـصُوتي ولساني

وتبقي حبيبتي وانا بـاتكلـِّم سَمعاني وشَيفاني

أديني كتبتهُ فِـ رساله

عشان لـُقانا إللي بـيْـه يكـمْـل هَوانا إستحاله

وبـرغم خـُوفي وكمان ظـُروفي

إللي عنـِّك منعاني

كتـَبْت كلام بـ شـُوق وهيام

عن حُب بـ يحييِّ وجداني

و اِوعي تكـُوني فاكــراني

إنـّي بـاقول كلام معسول

عشان قلبـِك يكون مشغول

دا رسالتي بين إيديكي حبيبتي

عنوانها رساله من مجهول

لا فيها اسمي ولا سِنـّي

ولا فيها حتى عنواني

غرقان فـ العِشـق لكنـّي

مش عايزِكِ تبقي عَرفاني

مايهونش عـلـَيّا اشُوف قلبـِك

بـ يعاني فِـ لحظة علَشَاني

لا إيديا فـ الهوا طايله ولا أقدَر أعدِل اِلمايله

دموع عينيه اهي سَايله

وانا واقِف وِسط أحـزاني

جراحي إبوابها مفتوحه بـ تنـّعي ضَحيِّه مدبوحه

غَرمها كلمه مجروحه

فِـ سِكـّة عَـتمه رمياني

وانا بَـاجري من اِلضلام مرجُوف

عايز اهرب من ضباب اِلخُوف

وبـاصرُخ صرخة اِلمخطـُوف

فـ مـركب مش لاقيه مواني

وفـ أخر اِلرساله بَـاقولـِّـك

اِياكي تكوني ظلماني

دا انا حتي لو بعيد عـنـِّك كفايه عـلـَيّا اشُوف قلبـِّك

قـمـرايـه فـي لـليـل أشجاني

جزاكِ الله كل خير عالأنتقاء الرائع
دمت بهذا التألق الدائم

احسنت الاختيار تـسلم عالطرح الرائع
يدوم عطائك المميز . تحياتى لشخصك

مشاركة مميزة
شكراً للجهود المبذولة
نتلهف للمزيد من ابداعك
تحياتي وتقديري

مجهود رائع يعطيكم العافية يارب
ويدوم التميز والتالق . تحياتى

ادون الإعجآب
برآئعتك
دمت بحفظ الرحمن