سندِباد
يصعب عـلـَيِّا أنده عليكى يا مصـر وانتي ماتسمَعيش
وكإنى صُوتي مش مُهم وزي حاجه متساويش
مع إنـّي واحِد مِـ الولاد
باعيش في أرضِك سندباد
اِلمُـرّ يبقى ليّا زاد واكـفـّـي نـَفسي مــن مافيش
واامَّا اشُـوف اِلموج بيعلى أخاف اِلريح تكسر قلوعي
ألاقى صَرخه فـ جوفي أعلـَى
صداها بيـزلزل ضلوعي
يقولـّي وطـَنـَك مصر أرضَـك
هِيَّ شرَفــَك هِِيَّ عَـرضَـك
من غيرها مش مُمكن تعيش
سندباد اِللي بيعشق كل درب مـن دروبـِك
واِللي مايطِيقشي يا مصـر أي بُـقعه تمسّ توبـِك
نِفسهُ يغَـيِّـر ناس كتير جُوُّاها مات اِلضمير
بياخدهُ منـِّك كـل خيـر وهُمّا دُوُل أساس عيوبـِك
واامَّا وباء اِلظـُلم يكتـر وينتشر ويِّه اِلفساد
إيماني بيكي برضو أكبر
وانتِظِـر لحظة ميلاد
يوم تقومي فيه عافيِّه
وتبقي يا مصر اِلقويِّه
أنا شُفت ده فـ تاريخ حروبـِك
الخميس 29 نوفمبر 2018, 2:24 pm من طرف 
![[ عضو ذهبى ]](https://2img.net/h/im68.gulfup.com/JpXldn.gif "[ عضو ذهبى ]")
