عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( حاسّه سادسة ) قصيدة بالعامية المصرية الثلاثاء 27 نوفمبر 2018, 3:49 pm | |
| حاسّه سادسة
حِلم الوصول أوقات فـ أخرُه بيبقى سيف بـ طَعنه منُّه يبداء القلب النِّزيف فـ يموت بـ بُطء وانت على قيد الحياة تقدر تقول إن جسمك زي سُتره مغطّياه مين كان غواه لـ سِكّه زيف كُنت الكفيف وعينيا شايفه كل حاجه والحقيقه اِن العما ماطلعش فُقدان للبصر طِلع العما فقدان عيونك للبصيرة وقت ما تشوف بـ السذاجه هو مش مُمكن يسيب هِيَّ إيديها متبّته بس خايفه ماالنصيب حكاية أوّلها الجمال بين السطور بيشع نور تلقى القلوب متشوّقه أوقات بتختم بـ الدموع والحُب في حالة خضوع على حبال المشنقه الحِسبه أسهل من كده لو بس نملِك حاسّة سادسة نقرا بيها الأفئده أو نتطلع على بُكرة يمكن القلوب ماتعش لحظة تبقى فيها مُهدَّده نتخار نهار مافهوش غُبار يملى عيونا نور نقي نعيش بدون ما نقول ظروف بتشدّنا لدوامه نفضل في دوخه منها نشتكي الماضي وشّه يختفي منُّه الشقوق يرجع شباب فـ نشوفُه ديماً دون مايبقى سبب رأيسي لـ اكتأب كتاب نحب نفتحُه مانتحايلش على العيون ماتقراهوش جايز نحافظ عـ اللي جاي طب هو فعلاً اللي جاي مااخترناهوش من قبل حتى ما نتخِلق وندخُل مضمار السَبَق مين هيسبَق اللي نَفَسُه هيبقى اطول واللا صاحب حظ أَوفر كل ما اجري لجل أسبق صدري يقفل أه تصوّر بـ ابقى ديماً الأخير وكل مايعدّيني حَد ألتقيه على وشّي عَفّر قُلت أصبُر للأسف مالقتش مُفتاح الفَرَج ليه رغم سِنّك ما ارتبطتش ؟ كل مرّة بـ اَتسإل هذا السؤال باموت جوّايا من الحَرَج نادهتني ليه يمكن عشان كان قلبي عشمان إني احب فـ لقتني لبّيت النِدا عمّال بـ امد فـ مشيتي شايفها في أخر الطريق واقفه لي كات مستنظرا واما وصلت للأسف مالقتش شيء أتاري كُل الوقت دا خطواتي وخداني لـ ورا #ذِكر_ما_لا_يُقال
| |
|