عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( مأساة شاعر ) قصيدة بالعامية المصرية الثلاثاء 27 نوفمبر 2018, 1:34 pm | |
| مأساة شاعر أصعب إحساس ينتاب الشّاعر ويهزُّه من فوق لستدچ إنُّه مايتشفش وكراسي القاعه ماهيش شايله غير هوا مش مُمكن يتحوّل جمهور حواليه لا والإفّيه لسّاه بيقول شِعر وعشمان يسمع سوكسيه السقف بيضحك مش قادر وحيطان القاعه بتتساءل ماحدش قال برّه تذاكِر المايك إستغرب فـ إيديه ازاي الوضع دا يرضيه وبتكتب ليه ؟ وتخدّل إيدك ودراعك ويّه الأكتاف شِعرك شفاف فـ ازاي يتشاف الدايرة أوسع من إنّك تبقى فـ وسطيها روحك عريانه من فشلك أرجوك غطّيها بتقاوح وتقول اِشمعنا في غيري الناس بتسقّفلُه راح اقول لك وماتستغربش عشان بتجامل بعضيها حرفك بـ يئِنّ ماهوش قادر يتخطّى السور لجل ما يتوزّع بـ كلامك فـ قلوب جمهور والله ما عارف بقى عيبك أو عيب النور أو إن قصايدك مزروعه فـ الأرض البور أو حظ بيعند ويسيبك أو إنّك شاعر ونصيبك تفضل مغمور#ذِكر_ما_لا_يُقال | |
|