عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( زعيم المُهرّجين ) قصيدة بالعامية المصرية الثلاثاء 27 نوفمبر 2018, 1:19 pm | |
| زعيم المُهرّجين
” باريس “ هي المكان المُحتَجِز قصّتي من يوم ما ودّعني العدم وإتولد فيّا الوجود
” الكنيسه “ ضمت العالم بحالُه رغم مافيه من حقاره ومن نجاسه مابين جُدرانها العتيقه اللي بتفوح بالقداسه زي ضَم القبر للجُثث بالدود
”أبويا“ إتحبس عشان بيسرق لأنُّه مش لاقي الحلال السِجن كان سيف بشفره مسنونه بحنان و شَفَقه ضَرَب رقبتُه فـ انفرط عُمْرُه مع دمُّه اللي سال
”أُمي“ ماتت عشان رَفضت تكون من غير شَرف والعُمْر كان ضريبه لرفضها دفعتها وماكنش ينفع تستِلِف
” كوازيمودو “ نُص بني آدام دا إسمي اللي ما اختارتوش وجسمي اللي مـ العِلّه الناس ماقبلتهوش وشّي الدميم كان سِر تعذيبي كل اللي شافُه بيصيبُه لشمئزاز فيتفّ عليه حتى لو تَفّت مجاز
”بعضاً من التفاصيل“ وسط ضرب الأجراس والتماثيل كِبِرت والشمس جوّايا رغم أنف الليل بتحاول تعوّض بُعد البشر عنّي وشُفت الدنيا مهرجان والبشر حمقى قررت أنزل وسطهم وأغنّي نصابوني زعيم للمهرّجين بنهم وانا اللي عمري ما حلمت أبقى زعيم بس الزعامه كانت هتبقى حقيقه لو وشّي ماكانشي فـ الحقيقه دميم ورغم إني ما قصدتش التزيّيف كان العقاب الرّبط في وسط المدينه بحَبْل والضحك بسُخريه مـ البشر وَجَعُه أشد من إحساسي بوجع ضربهُم خلّلاني اتمنى ساعتها يكون عقابي القتل
” أزميرالدا “ كانت بتُرقُص فـ عيون البشر دَهشه مع رقصها كانت بترقص جوّايا بروحها وبجسمها مااعرفش نظرتها ليّا من شفقه واللا شافت نفسها فيّا ملاك بيشفّ جمال فـ شكل إنسيّه مَشّت صوابعها فوق وشّي الدميم وشقوقُه سابت جمالها يسيل ولساني بيدوقُه بتحبني ؟! معقوله لاه ما اظنّش إن الحب من حق الدميم يلقاه
” النهايه مفتوحه “
البدن بيساوي طين ورغم ذلك مانبّتش الورد منُّه
الروح بتساوي لُغز مافيش محاوله هتحلُّه
الحُب بيساوي قلب رغم رفضُه الحُب لكن دَك حصونُه واحتلُّه
الوطن بيساوي غُربه فـ قلب الناس العايشه فيه من حُبُّه لا تِعبوا ولا ملّوا
الحياه بتساوي لحظه رغم طولها يوصفوها قصيّره
الموت مابيساويش لحاجه رغم إنُّه حقيقه كُبرى تتشاف تملّي صُغيّره#ذِكر_ما_لا_يُقال | |
|