عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( مراكب كِدب ) قصيدة بالعامية المصرية الثلاثاء 27 نوفمبر 2018, 12:50 pm | |
| مراكب كِدب
مُضطر أكدب والغريبه كِدبي بيساعدني ديماً بالطريقه فـَ اشوفُه لابس توب حقيقه والاقي كُل الناس تصدّق طب تصدّق شُفت خاينه وهي بين أحضان عاشقها ضميرها بالتأنيب حارقها والمُبرر إن قلب الست فيه أحاسيس على فترات يعوزها وللأسف مش لاقيه خالص حاجه منها فـِ حُضن جوزها لو نعيش حرمنها دا من احتياج أحاسيسها فرضاً تتغيّر صورتها فينا تتفق معانا جداً إنّها معذوره فعلاً أظُنّها بالفعل حاله مُقنعه لكِدب متأسس بمبداء طب تصدّق شُفت شيخ طهارتُه فوق جبينُه شمس يبان شُعاعها بين كلامُه نجاستُه تظهر وقت هَلس بدون قيود مفكوك لجامُه التديُّن للوجاهه جعلُه نُسخه من نبي مُعادله صعبه رغم مفهومه الغبي كتير أوي بنلجألها أظُنّها بالفعل حاله مُقنعه لكِدب متأسس بمبداء طب تصدّق شُفت تاجر مكسبُه بيمُصُّه من دم الغلابه ربنا فـِ نَظَرُه الكتابه والمادّه هِيَّ المَلِك لو دعاه فـ أي وقت ضامن للدعوه الإجابه يكتب ايه مَلَك الشمال مش مُهم زيادة الرصيد أهم أظُنّها بالفعل حاله مُقنعه لكِدب متأسس بمبداء طب تصدّق شُفت حاكم فاكر ان الكُرسي دايم وان تِلت الشعب نايم وتِلتُه غرقان فـِ الهزايم وتلتُه محسوب مـ الهموش وَعدُه قبل مايبقى حاكم من ساعتها ما نفّذوش أظُنّها بالفعل حاله مُقنعه لكِدب متأسس بمبداء طب تصدّق شُفتك انت فـ رُكن من روحك أچنده أوّل صَفَحاتها البرائه أمّا عن باقي الصُفَح مكتوب باقذر مايكون من حِبر ماتشفوش عيون فـَ يتيحلك فُرصه تنتشي لو واجهْتك وجبت سيْرت الموت تخاف ورغم خوفك صعب إنّك تختشي أظُنّها بالفعل حاله مُقنعه لكِدب متأسس بمبداء طب تصدّق مُعظامنا كِدبُه بيقنعُه إن الصِدق بيغرّق #ذِكر_ما_لا_يُقال
| |
|