عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( بتشوف الدُنيا بـ عينيّا ) قصيدة بالعامية المصرية الإثنين 26 نوفمبر 2018, 1:39 pm | |
| بتشوف الدُنيا بـ عينيّا بتبتدي ديماً بجُمله مش عايزا اكون سبب تعبك مُصمم برضو نتفسّح فاشد الحُزن من صوتها واطمّنها عشان تفرح زيّ الطفله بتخطّي بتمسِك إيدي وتتبّت فـ احس الفرحه بتنبّت فـ ملامحها وانا وهي بنتمشّى تشوف الدنيا بعينيّا فـ اشوف الدُنيا أُغنيّه بلحن الحُب ورديّه تمس خدودي صوابعها تقول لي حبيبي بتدمّع فـ ارُد بلأ خايف دمعي يجرحها وانا لو شُفتها انجرحت قلبي لجرحها يتشق مالقيش غير حِجّه معروفه حبيبتي عينيا مطروفه فـ ترسم ضحكه تكسفني تقول لي بصوت يهدّيني إبعد عينيك عن العَفَره مشاعري احسّها مسافره لأبعد حَد جوّاها فـ اشوف نفسي فـ منظر روعة ورومانسي وهي إيديها حضناها نرجع من تاني نتكلّم حبيبتي سعيده ويّايا تقول أيوه فـ اقول نُكته تقول إمتى هتبطّل نُكتك البايخه فـ اقول عينيا فـ عينيكِ فـ نضحك ضحك هيستيري تقول لي الناس هتسمعنا فـ ارُد عليها إيه يعني ومين مـ الضحك يمنعنا حبيبتي سيبيني أغزل لِك من الدنيا ليكِ تُوب فَرحه فـ ماتحسّيش فـ يوم أبدا أيامِك ظالمه أو جارحه وباحلفلِك مهما عينيا هتصادف مافيش غيرِك بيملاها فريد غنّا الحياه حلوه وانتِ حبيبتي أحلاها وكفايه ان انتِ شيفاني بقلبِك بس وتوصفيلي تقاطيعي بحاسّة لمس وأهل العشق قالوا الحُب زيّ الشمس بتشوفها العيون حاميه وانا اللي مش مؤمن بـ دا مش شرط عشان تدوق الحُب تكون بعيون حبيبتي لعلمكم عاميه#ذِكر_ما_لا_يُقال | |
|