عيد تايب يوسف عضو متميز
عدد المساهمات : 222 نقاط : 508 السٌّمعَة : 5 تاريخ التسجيل : 30/07/2015
| موضوع: ( على أعتاب القلوب ) قصيدة بالعامية المصرية الأحد 25 نوفمبر 2018, 1:24 pm | |
| على أعتاب القلوب
يا مؤمنين بـِ الحُب اِزّاي تقولوا فُراق واِزّاي هاعيش وارمي مشاعري عـ الأوراق فـَ تصيغ قصايد عِشق سهام وغاويه الرَشق فـِ قلب عاش مُشتاق
يا مؤمنين بـِ النور خلّوا الملايكه تزور مقام قُليبي الهش اللي شِبع تجريح فـَ تباركُه بالتسبيح يوماتي كُل صباح كما الطيور فـِ العِش
يا مؤمنين بـِ الحق أنا حقي واد تايه ماجبش سِت سنين مااعرفش راح على فين أمانه لو لقيتوه بلاش بقى تاخدوه وتسيبوا قلبي حزين
يامؤمنين بـِ الصبر أنا حلمي لمّا اتقتل كفّنتُه من صبري شُفت السما والأرض صلوا عليه مع بعض بعد ما دفنتُه وقبرُه كان صَدري
يامؤمنين بـِ الخير على قد مَقدِرتي أنا بـَ ارمي خِيْري البحر الموج ضِحِك ضحكه جوّها ليّا سؤال بترمي خير للناس وبيحدفوك بالشرّ
يامؤمنين بـِ الرّضا مارضتش يوم بـِ الظُلم مع إنّي حد ضعيف عبّيت جيبوي بـِ نور وزّعتُه كلُّه بـِ حق على عيون الخلق شافوني برضو كفيف
يامؤمنين بـِ القدر أنا ضهري لما اتكسر من كُتر شيل غيري مالقتش حد يشلني الكل ابتعد عنّي يعني اللي انا شلتهُم نكروا أوام خيري
يامؤمنين بـِ الشِعر بحر الكلام مُوجُه بياخُدني ويجيبني فـِ كل مرة بـَ اشوف معانى وسط حروف قدري أكون شاعر والشِعر يكتبني
#ذِكر_ما_لا_يُقال | |
|