حنظلةوالعرب
#عيد_تايب
إيّاك ياقُدس مِستنّي
قلوبهم مرّة تتجمّع
وتشوفها بحُب جيّالك
دا لسّه الفُرقه قسماهُم
بين حُب أهلي و زمالك
#حنظلة_والعرب
#عيد_تايب
والقُدس لمّا اِتنهِّد
لقينا تلّ أبيب
قاد الحريق فيها
ياللعجب ياعرب
حُكَّمكوا أول ناس
جِرْيت تطفّيها
#حنظلة_والعرب
#عيد_تايب
ياشعب نصه للكورة
والباقي لرقص وأغاني
القدس لسّه بِـ يعاني
#حنظلة_والعرب
#عيد_تايب
وجه العروبة مازال
فـ جبينُه وصمة عار
بتنَكِّس الأعلام
القُدس طفل يتيم
ومافيش بلد عربي
بتكفُل الأيتام
#حنظلة_والعرب
#عيد_تايب
واديك ياقُدس مِتهَمِّش
مالكش مساحة فـ الصورة
أصبحت حاجه ما تهِمِّش
وأهم مِنَّك الكورة
#حنظلة_والعرب
#عيد_تايب
في أورشاليم
الرب بيحارب لوحدُه
لجل حق
الشرّ صمم يكسرُه
مين فينا ناوي ينصُرُه ؟
#حنظلة_والعرب
#عيد_تايب
عارفك ياقُدس حزين عشان
شُفت العَرب باعوا القضيّه
وفوقها إمضا للتنازُل
عن تَمَن دَمّ الشَّهيد ????
اضحك معايا عـَ الجديد
الشيك طِلع من غير رصيد
#حنظلة_والعرب
#عيد_تايب
مافيش فرحه
لأُمّه فـ جسمها عِلّه
هتيجي ازّاي
والقُدس لسّه مُحتلّه
#حنظله_والعرب
#عيد_تايب
دم القدس بيلبّي مع الحُجاج
لبيك ربي الكُل سابني بترجاك
خنازير كتير تنهش فـ جسم الحق ياما
تعابين تساعد والغريبه بابتسامه
لبيك ربي لا نُلبّي سواك
قادر بـ عدلك تُنصر المحتاج
#حنظله_والعرب
#عيد_تايب
القُدس بينده عـ الحرم
بلّغ ضيوفك فـِ الطواف
يفتكروني ولو بدعوه
تخفف حبّه من الألم
ولعل ربّك يستجيب
ينصف بـ عدلُه اللي اتظلم
#حنظله_والعرب
#عيد_تايب
مين اللي قال ربنا مابيستجبش
وسايب دم الأبريا عمّال يسيل
ربنا مابيتغلبش
وبريء من أي ظنون مُسيئه
مطلوب تفتّش عـَ الدليل
وتعلن للعالم بحالُه
عن حقيقه
إحتمال ساعتها تُستر
عَورة الحق القتيل
موت العرب شريان حياة
بيبني دولة إسرائيل
#حنظله_والعرب
#عيد_تايب
( إقرئوني )
إقرئوني
كَيْفَ شِئْتُمْ إقرئوني
عَرَبِيٌّ يَزْحَفُ دُونَ جَدْوَى
هَارِبًا مِنْ حَرْبٍ شَرِسَة
بَاحِثًا عَنْ أَيِّ مَأْوَي
بَعْدَ مَا فَقَدْ الأَمَانَ
ضَاعَ وَطَنُهُ
خَابَ ظَنُّهُ
والعُرُبه شَيْءٌ كَانَ
إقرئوني
كَيْفَ شِئْتُمْ إقرئوني
عَرَبِيٌّ فِي وَضَحِ النَّهَارِ
زَوْجَتُهُ تُعْطِيهُ أُجَرًا
بمُقابِل شَرَفاً يُعار
هَكَذَا قَدْ بَاعَ عِرْضُهُ
فَلَا عَجَبَ
إِذَا سَكَتّ
حِينَ مَا تُغْتَصَبُ أَرْضُهُ
فـَ إقرئوني
كَيْفَ شِئْتُمْ إقرئوني
عـ القبر واقف والدموع
من عينيه عـ الأرض تِسقَط
زيّ حبّات المطر
تسقي التُراب حَسرة وندم
حيرة وألم
حالُه بيصعب عـ الحَجر
سرقوني يا امّه
سرقوا تعاليم المسيح من الكنايس
سابوا الصليب لسّاه بينده إلحقوني
هيكسروني
ليه ماحدّش بيّا حاسس
سرقوا روح طه الأمين من الجوامع
الدين بقى بالكِذب سِلعه بين إيدين المُدّعين
اللي خانوا نفسهم لجل المطامع
سرقوا خطاوي جدودي غدر من قلوب كُل الشوارع
ألف نُسخه لوالي عكّا
على كراسي الحُكم خاين
سلّم مفاتيح أورشاليم
للغريم
لم يأتي الهُدهُد بنباء
من سباء
والشمس لسّه بيسجودولها
نورها بين كـُتر العطايا
بيرتّب شكل الخريطه
ومصاير بعض الشعوب
كراعي مسؤل عن قـَطيع
صبغلهم فصل الربيع
غيوم وريح ويّه السَقيع ؟!
إيه ياترى أسباب سجودهم
لشمس صَبحِت مُعتقـَدهم
هل تمتَلِك سِر الحياه ؟
واللا قـُدرة أسلحتها
ويِّه قوّة إقتصادها
جعلوها نـُسخه من الإله ؟!
انا مين قوليلي
شتتوني
نسيت أصولي
احتار دليلي
أنا شُفت طيفكِ بين سطور فـ كتاب تاريخ
طبطب على كتفي اليمين
وضحكلي ضحكه حسّستني
إنِّك على قيد الحياه
واحنا اللي فعلاً ميّتين
#حنظلة_والعرب
#عيد_تايب
٠٠٠ أورشاليم ٠٠٠
القدس كان أصدق بضحكُه من بُكانا
على جسمُه المتقطع بخوفنا
إحنا شوفنا
إحنا بُكرة هنجتمع
لجل اما نُشجُب
لجل اما نرفُض
قرار فتوّة
وهُوَّ .. هُوَّ
مشهد مُكرّر كل مرّة
يا ألف حَسرة
على أُمّه ميّت قلبها
ازاي فـ عروقها هيجري دم
خلّينا نجري عـ المُهم
أكل عيشنا
شَد شيشنا
لا المطر يدخُل علينا
يغسل العار من وشوشنا
أورشليم
لا داعي للوم والعتاب
علّقي كل اللي باقي
من أمال في التحرُّر
من عذابـِك الأليم
على كل أبواب السما
جايز تكون ساعة إجابه
يحقق الرّب الأمال
بدون عَرب
أمّا أنا
فـ انا ليّا عُذري
أورشاليم دا لأني مصري
فـ الطبيعي قبل ما انوي أحرّرِك
أحاول أبقى حُر نفسي
#حنظله_والعرب
#عيد_تايب
٠٠٠ أين العرب ؟ ٠٠٠
مِن كام سَّنة
أرض العرب
فاقده الرّجوله ؟
مِن كام سَّنة
بايعين قضيّه
بالعموله ؟
مِن كام سَّنة يا حنظله
لسّاك مستني بلال ينادي
معاك من فوق المأذنه
ياااا كُل عربي
قد أتى أمر النبي
إجمع هِنا
أبو بَكر حامل اللواء
حامي جناح الميمنه
عُمَر الفاورق بسيف ودِرع
حامي جناح الميسره
وادي النبي فـ الوَسَط
ومعاه عليّ
وفـ ضهرُهُم عُثمان يكبّر
اللهُ أكبر
خالد بيوصّي الرُّماه
صلاح الدين ويّاه قُطُز
يامدد جاااي مـ الإله
وااا إسلامااااه
وااا إسلامااااه
خنازير وراكبه مُجنزَرات
وطيارات
ومدرّعات
وسلاح مُحرّم
يارب سلّم
النبي
ماهمّهوش من كل دا
وبدأوا الضرب بالمدافع
والنبي حالف يدافع
عن حقوق المظلومين
الخائفين
اللي عايشين من سنين مُستضعفين
خنازير بتضرب بالقنابل
لجل ما يخاف النبي
صوت النبي جلجل أراضي المعركه
رغم الفوارق فـ العِتاد
النبي صاح فـ الجنود
وفـ الجِياد
أثبتوا
أنا النبي لا كَذِب
أثبتوا
فالنحتسب
حُسبنا الله الوكيل
الخنازير بـ الصياح
إزاي ماخفش
وازاي مع قوّة سلاحنا
وافقين فـ مطرحنا واحنا
بالسلاح مابننتصرش
أمَر النبي
ياحنظله
بلّغ بلال
ينده بعزمُه عالملاء
الرّب قال
النَصر لا يأتي بدُعاء دون العمل
وانت بتقول العرب
العايشين هذا الزمان
بيملكوا نفس السلاح
شارك بلال يا حنظله
وانده معاااه
قُل للعرب
إبن عبد المطلب
بيقولها حَيّ على الجِهاد
إبليس حَضَر
في موكب فيه الشياطين
بيقول لأعداء النبي
أنا وسطكم
اليوم لا غالب لكُم
عَشم إبليس
يشوف هزيمة مسلمين
قائدهُم النبي الأمين
حَمِيَ الوطيس
والخيل بينفُر مـ البارود
والنبي بيقول بصوت
واصل لأبعد الحدود
لا أمان ولا عهود مع اليهود
يا حنظله أين عرب هذا الزمان ؟
لم يأتي منهم المَدَد
خنازير كتير ناويه تهجم عالنبي
وحنظله ويّاه بلال
لسّهاهم برضو بيندهوا
والصحابه بالنبي
من البارود بقوا يحتموا
والوضع صعب
الفرق شاسع
وفـ العِتاد مافيش تكافؤ
يا حنظله إنت وبلال إنده كمان
النبي حاوطُه الخَطَر
واهو مُنتَظِر
عَلّ العرب يغيّروا
بوجودهم شكل المعركه
الخيول بالفعل صَبحِت مُنهكه
سال الدم من النبي
ومازل بيتوزّع ثباتُه
على قلوب المؤمنين
الخنازير بتستعين
بالديابه
لم يتقهقر النبي
رغم استشهاد بعض الصحابه
الوضع صار أكثر خطورة مِمّا كان
يا حنظله قُل لهم رغم الفوارق
أشعُر بأن النَصر أتِ
أراه يَدنُو ويقترب
لكن أجب
يا حنظله أين عرب هذا الزمان ؟
يا سيّدي طه الحبيب
أنا وبلال لسّه بننده
كل العرب سامعين ندانا
ولا نرى منهم مُجيب
#حنظلة_والعرب
#عيد_تايب
ما ترسموش الدمع شمع
بيتحرق عالقُدس
والضحك واضح وفاضح
وسطينا فيه كام عَرص
لو زعلانين مـ اللفظ
فـ اللفظ أصلاً وصف
هتلاقي فيه كام نَص
يا ارض تحتي انشقي
خليّ التُراب يبلعني
فِكرك هاموت يعني
ما الحوت ابتلع يونس
حتى القرون شاهده
على قوّادين خلّوا
قُدّمنا عُروبتنا
بالظبط زي مومس
#حنظلة_والعرب
#عيد_تايب
سَقِت دموع القُدس
أراضي كُل العرب
صرخة عِتاب و ملام
طرحت أراضي العرب
شلة زواني لِئَام
بتجسّد الحُكّام
#حنظلة_والعرب
#عيد_تايب
مايو خلاص اقترب
قوم نادي يا حنظله
إطلع على المأذنه
وإعلن وفاة العرب
#حنظلة_والعرب
الخميس 29 نوفمبر 2018, 2:24 pm من طرف 
