قصيدة بالعاميه المصريه ((( عَزْف القـَدَر )))

عَزْف القـَدَر

نـَدَهَت عليك

وندايا موصلش ليك

لأن صوتي فـ قلب خوفي

كان سجين

لما طيفك عدّى فيّا

كأنـُّه سيف

شـَق جسدي ناحيتين

كل ناحيه

لسّه فيها الروح وصاحيه

واللي ميّت كان أمل

إنـّي أبقى ليك حبيب

شوف النصيب

خطف الهوى مـ الزهرة عِطر

بعترُه وسط الزحام

نبّت العِطر الغرام

بين ثنايا كل ضِحكه

بيضحكوها الناس فـ تِرسِم

الزهرة بتنادي الربيع

عارف أكتر شيء فظيع

الفـُراق

لمّا يدبح قلب باكي

بنصل سنـُّه الإشتياق

ومايرحموش

يسيب عيونـُه مفتـّحه

ما يسبـّلوش

فـ النظر يتبع خروج الأمنيات

ومن سُكات

الفرْح لملم ضحكتـُه

بعد ما الحُزن انتصر

عـَزْف القـَدَر

ما وافِقش نغم الدندنه

اللي دندنـّاه سوى

فـ ماكانش فيه بنهم غُنا

يصلـّح فينا اللي انكسر

ملبوس تنـّورة ذكريات

بتلف بيا

بتحكي بـ لسان الحنين

عـ اللي فات

كانت ليالي الصيف بتضحك

لما نسرق منها نسمه

آل يعني مش عارفه اللي فيها

كنت لما اتنفـّسك

تدخُل تعيد ترتيب ضلوعي

بحيث تكون حروف لإسمك

قلبي يردّدها بسَكينه

بدون ملل

دقاتـُه بتطمّـني بيها

كان القمر

لما بنقرر نزورُه

يغزل بنورُه

بُساط ياخُدنا لحد عندُه

جسدين بروح واحده بتحلم

إتزلزت بأمر واقع

خلى نهار الحلم ضلـّم

وافترقنا

بعد ما باقينا روحين

مين فـ راحه ومين حزين

الله يعين

مجروح من كـُتر الأنين

قلبُه من صدرُه اتخلع

وحبيبُه بعد ما راح وسابُه

يهمُه فعلاً جرح صابُه

بحكم إنـُّه حتى منـُّه

هيشكي زيُّه مـ الوجع

ماحصلش مرة شُفنا بحر

بيبكي على ضرب الودع

وملخـّص الجرح ببساطه

القلب ثوب

بيداري جوُّاه المشاعر

و وارد الثوب يتقطع

ولو انه بعد ما يترفي

شكل القطع بيختفي

وبيفضل فيه أثر الخياطه

كالعادة موضوع مميز و معلومات مفيدة
بارك الله فيك
في انتظار جديدك تقبل تحياتي

الابداع فكرة

وموضوعك هو

فكرة الابداع

موضوع رائع للغاية

واشكرك علي مجهودك الوافر

لقد كتبتِ وابدعتِ
كم كان موضوعك رائع
فكم استمتعت وانا اقراء

تسلم ايدك على مجهودك المميز
الله يبارك تعبك

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

مشكورين ننتظر مزيد من العطاء
تحياتى لرائعتك الجميلة

ادون الإعجآب برآئعتك
دمت بحفظ الرحمن

تسلم ايدك وزوئك لاختيار الرائع
دومت بكل الود والاحترام

لا اعلم ماذا اسمي هذا ابداع ام اخلاص ام ثقافه ام تحدي
اذهلتني ابدعاتك المتناثره في ارجاء المنتدى
كل التقدير والاحترام

مجهود رائع مواضيعك دائما تتسم بالتميز
بارك الله فيكم ويارب دايما فى تالق

برااااااافو اكثر من رائع شكرا لموضوع حضرتك القيم

موضوع مفيد جدا اختياراتك رائعة
لكم جزيل الشكر

كل الشكر والامتنان على روعهـ بوحـكـ
نترقب المزيد من جديدك الرائع
دمت ودام لنا روعه مواضيعك

ادون اعجابى بروعة مواضيعكم الجميلة
اجمل بقات الورد لروحكم الطيبة

» قصيدة بالعاميه المصريه (( فيما أرى ))
» قصيدة بالعاميه المصريه (( تحت التهديد ))
» قصيده بالعاميه المصريه ((( البَراءَة )))
» قصيده بالعاميه المصريه ((( القيثارة )))
» قصيده بالعاميه المصريه (( اللعبه ))