قصيده بالعاميه المصريه (( الراقِصه والبلياتشو ))

الراقِصه والبلياتشو

أشعاري فِكـر بيفتح

قلب العقول مَسرح

والرقص مش غيّـتي

لكني باتطوُّح

مات الملك والـراقِصه

لغيرُه مُنتظِره

ضحكلها البلياتشو

من بعد كام نظرة

غرضُه ينول الرضا

لجل الجلوس عـ العرش

واللي يصاحبُه المكسب

فـ اللعب مابيخسرش

من نفس لون ضحكتـُه

فـَرشلها نيّـته بـ كذب متساوي

يا مااكتر الزغاليل

فـ غيّة الغاوي

كل الحبال متـربّطه ومتظبّطه

على خـُطى الاتنين تمام

والعزف راسم ألف صوره

تحاكي حالة إنسجام

أهلاً بـ أجمـل راقِصه

اللي العيون اتجمَّعت على خصرها

ملضومه من فتنة هواكي فـ بعضها

كسِبحه بين إيدين وليّ

صَبَحِت للذِكر عاشقه

أهلاً ببلياتشو الكـراسي

اللي هتشوه ويّه ناتشوه

بيفردهم زي الشماسي

فيضلل بيهم عقول

وفـ سبيلك للوصول

بتبرر كل الوسائل

حتى لو كانت دنيئه

بتلقى أكتر من طريقه

تخرّجك من أي ضيقه

تملـّي جاهز بالحلول

بلياتشو عادي صدَّقيني

جيويبي فاضيه وفنجري

ألواني تتصنـَّع صحيح

شكل كوميدي لمنظري

بحُكم إنـُّه أكل عيشي

بلاش من فضلكِ تعيش

دور الزهود والرهبنه

إنتي وانا وكـُلـّنا

بلياتشو لكـن بـ اختلاف

رغبه محتاجه لمصالح

عشانها تلقي أفئده بتغيّبر نغمة ألسنه

إفتحي ايديكي احضُنيني

عيّل بيتمنـّى الحنان

على صدرك المـرمر أزمـّر

اعيش فـ حاله مـ الجنان

وجناني عقـل للي يفهم

إنتي فاهمه

ضَحّكتني على نفسي اكتر

وانت بتلاوع وتظهر

حَد صادق عندُه ذمّه

اكشفلي ورقك ارمي غرَضَك

زهر يتدحرج فـ خـَشَبي

إحتمال حظـّك يفـُك

بعد يك

ودو وثه وجهار وبيش

كل دُول من خلف شيش

فاتح على شرايين لقلبي

لو تجرّب فيها تجري

هتقرا كل المستخبي

أنا غَرضي منـِّك يتكسف

لو ورقي ليكي يتكشف

ياللي عيونـِّك ضيّها

زي نور الشمس واكتر

لمّا تسهر

بتسّهر كل النجوم

وانا مش هالوم

على ظن سيّء ليكي فيّا

لو تحبي حد غيري

أو يحبِّك مش قضيّه

مادام بـ جسمكِ تبقي ليّا

لو بروحي مش معاك

إزّاي بجسمي تتهنـّى

دا النار هتفضل برضو نار

لو حتى اتسمّت الجنة

بطـّل فيّا تتغزّل

وامسح الألوان عشان

وشّك يبان

لحْسَن كده الرقصه مابنـّا هتطوّل

ايتـُها البلهاء أرى

رغم الموسيقى والخمور

قد ينتهي المشهد بنا

والرقص يستحضر فتور

فالتكتفي

آن الأوان لتـَعرِفي

ان انا بلياتشو جايز

تتكعبل رجليه فـ نكسه

بس مش ممكن يُقـَع

ومااتوجعتش

وقت ضرسي ما اتخلع

ما انا اللي خالعُه

لكن حافظت على الجذور

وبدون غرور

كرمتي ماتتمسّش بسؤ

حوليها يّجي ألف سور

أظن ملامحي وضَحتلكِ

من خلف كـل الألوانات

بس الزهول

لجّم لسانـِك بالسُكات

أيوه انا الملك اللي مات

والعرش عرشي

واديكي شُفتي

سِبت حبل الحكم عادي

فـ إيد غريمي

لفـّت سنه

ومن شنق نفسُه ماسلمشي

وانا اللي ضحكت فالأخر

ولأنـّي ماضي لكل حـاضر

تحت رجلي تنبّت الأرض العَبيد

تسيّدني وانا العِربيد

لابس تملـّي ثوب تقي

شيفاني غـريب في منطقي

الى اللقاء في رقصه اخرى

أنا وانتي فيها نلتقي

طرح جميل وراقى
دوام العطاء والتميز

احسنت الاختيار تـسلم تسلم عالطرح الراقى
يدوم عطائك المميز . تحياتى مع الشكر

تـسلم عالطرح الرائع

يدوم عطائك المميز .

تحياتى لشخصك

جزاكم الله خيراااا
موضوعك جميل

لقد كتبتِ وابدعتِ
كم كان موضوعك رائع
فكم استمتعت وانا اقراء

مشكورين ننتظر مزيد من العطاء
تحياتى لرائعتك الجميلة

تسلم ايدك وزوئك لاختيار الرائع
دومت بكل الود والاحترام

ادون اعجابى بروعة مواضيعكم الجميلة
اجمل بقات الورد لروحكم الطيبة

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

موضوع مفيد جدا اختياراتك رائعة
لكم جزيل الشكر

يتجسد الابداع دائما في مواضيعك
عندما يكون لها هذا التميز
مجهود جدا رائع.. تحياتي لك

موضوع جميل جداً استمتعت به
ننتظر منكم المزيد من الابداع
اتمنى لكم السعاده والتوفيق..

موضوع رائع
جزاك الله خيرا

يآسلآم

نزف وعزف

وعهود وموآثيق

آرتقآء پآلشعور ونزف من آلم

دمت للآلق

يآ استاذ عيد ياشاعر ياكبير والله

تحياتى بكل الود

» قصيده بالعاميه المصريه ((( البَراءَة )))
» قصيده بالعاميه المصريه ((( القيثارة )))
» قصيده بالعاميه المصريه ((( القِبله )))
» قصيده بالعاميه المصريه ((( مـ الكلام )))
» قصيده بالعاميه المصريه ((( مـ الجماد )))