علا بنت الشاطىء
هلا بك اخى اختى فى منتدى علا بنت الشاطىء نتمنى لكم قضاء وقت ممتع معنا وتحميل موفق للجميع الاداره
لو تريد تكون عضو ادخل وسجل ادناه لو كنت عضو ادخل دخول ادناه
علا بنت الشاطىء
هلا بك اخى اختى فى منتدى علا بنت الشاطىء نتمنى لكم قضاء وقت ممتع معنا وتحميل موفق للجميع الاداره
لو تريد تكون عضو ادخل وسجل ادناه لو كنت عضو ادخل دخول ادناه
علا بنت الشاطىء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

علا بنت الشاطىء

منتدى شامل
 
الرئيسيةالبوابة*أحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» ( مقدمة الديوان )
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 2:24 pm من طرف عيد تايب يوسف

» ( الخروج من الجَنّة ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 2:17 pm من طرف عيد تايب يوسف

» ( أبواب الشمس ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 2:03 pm من طرف عيد تايب يوسف

» ( كرَكيب ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 1:50 pm من طرف عيد تايب يوسف

» ( أُمنيّة التمثال ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 1:40 pm من طرف عيد تايب يوسف

» ( المقياس ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 1:27 pm من طرف عيد تايب يوسف

» ( كارت شَحن ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 1:16 pm من طرف عيد تايب يوسف

» ( لِعْبَه صَعْبَه ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 1:01 pm من طرف عيد تايب يوسف

» ( الحالة ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 6:57 am من طرف عيد تايب يوسف

» ( حكايةفاشل ) قصيدة بالعامية المصرية
قصة  ((    في الحلال   )) - صفحة 9 Icon_minitimeالخميس 29 نوفمبر 2018, 6:38 am من طرف عيد تايب يوسف

أفضل 10 أعضاء في هذا المنتدى
علا المصرى
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
امين
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
كيان انثى
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
الهام المصرى
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
شريف كمال
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
هتروق وتحلى
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
آســــــــــــر
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
عصام بكار
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
شاعر الرومانسية
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
شهد الملكة
قصة  ((    في الحلال   )) - صفحة 9 I_vote_rcapقصة  ((    في الحلال   )) - صفحة 9 I_voting_barقصة  ((    في الحلال   )) - صفحة 9 I_vote_lcap 
سحابة الكلمات الدلالية
بحـث
 
 

نتائج البحث
 
Rechercher بحث متقدم
المواضيع الأكثر نشاطاً
قصة (( في الحلال ))
<<< قصة رجولة استاذ >>>
ميراث خطر - ستيفاني هوارد - رواية ميراث خطر كاملة
القرآن الكريم (كتابة)
1200 - المستبد - عبير دار النحاس ( كاملة )
أسماء الله الحسنى
"اللاهوت المسيحي والإنسان المعاصر"
++++ موضوع متكامل لكل طقوس كنيستنا القبطية ++++ ادخل واستمتع
رواية جزيرة الأقدار -مارجري هيلتون -روايات عبير القديمة ( كاملة)
رواية عنيد - آن ميثر - روايات عبير القديمة (كاملة) _عنيد
أفضل 10 أعضاء في هذا الأسبوع
لا يوجد مستخدم
أفضل 10 أعضاء في هذا الشهر
لا يوجد مستخدم

 

 قصة (( في الحلال ))

اذهب الى الأسفل 
3 مشترك
انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10  الصفحة التالية
كاتب الموضوعرسالة
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:12 am

عاد إلي منزله ودخل غرفته بسرعه وأغلق الباب خلفه ، نظر إلي السماء وأخذ يحدث ربه بكل ما يشعر به وما يتمناه فقال :


- يـــــارب انا مش عاوز أخد ذنوب تاني ومش عاوز أغضبك تاني ، كفايه اوووي الذنوب الكتير اللي عملتها زمان دي ، يــــارب أنا خــــايف أوووي من المسئوليه دي وخايف مكونش أدها ، يــــارب أنا مليش غيرك ونفسي بجد أعيش حياتي صح ومغضبكش في خطوبتي وأتقيك في سلمي ،
يـــارب قويني وقوي سلمي وتمم لنا علي خيــر ، أنا عارف إن فترة الخطوبه كبيره اووي وعارف ان الخطوبات دي بيحصل فيها مصايب بس انا مش هبقي كده ، أنا واثق يـــارب إنك هتساعدني ومش هقع وهفضل محافظ علي عفتي وعلي خطيبتي وبإذنك يــارب هنواجه أي حاجه لحد ما نعيش مع بعض في الحلال
ثم تنهد تنهيدة قويه أخرجت كل ما بداخله وقال بكل جديه :


- أنا أدها بإذن الله ، ومش هتنازل عن هدفي ، حتي لو وصلت إني مروحلهاش خالص بقي !!


ثم أخذ يردد بكل حماس :


- رضا ربنا أهم .. رضا ربنا أهم .. رضا ربنا أهم


أخرج هاتفه من جيبه وقام بالإتصال علي فاروق ليسأله ما إذا كان عنده من هذه الأناشيد أم لا ، ألقي التحيه عليه فأجابه فاروق قائلا :


- وعليكم السلام ورحمة الله وبركاته ، ازيك يا باشا


- الحمد لله يا فاروق ، إنت عامل إيه ؟


- الحمد لله كويس


- بقولك يا فاروق ، عندك اناشيد من اللي هي بتاع الأفراح دي بس من غير موسيقي


- اه عندي مجموعه كده


- طيب عاوزهم منك ضروري ، أعدي عليك أخدهم إمتي ؟


- خلاص بإذن الله بكره قبل الشغل هعدي عليك أديهوملك ونمشي مع بعض ، بس خير كنت عاوزهم ليه ؟


ضرب إسلام رأسه بكفه وضحك بإحراج وقال :


- ييييي تصدق نسيت أقولك ، مش أنا خلاص تقريبا هعمل خطوبتي الإسبوع الجاي


أخذ فاروق يضحك بشده وقال بسعاده :


- يـــاراجل ، ولسه فاكر تقول دلوقتي ، علي العموم يا سيدي الف مبرووووك


إبتسم بإحراج وقال :


- معلش بقي الواحد دماغه مقلوبه والله ، الله يبارك فيك ، يلا هستناك بكره بقي علي الساعه 8 ونص كده علشان منتأخرش علي الشغل


- ماشي بإذن الله
____________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:14 am

وفي صباح اليوم التالي حضر فاروق أسفل شرفة إسلام وقام بالإتصال به فهبط إسلام علي الفور وعندما رأي فاروق قال بمرح :


- فـــيرووق ، فين الجلبيه يا فــــيـــروق


ضربة علي كتفه بخفه وقال ضاحكا :


- يابني هو أنا مش هخلص من رخامتك دي بقي ، أكيد يعني يا ظريف مش هروح الشركة بالجلبيه ، شويه كده وشويه كده


أخذ إسلام يجذبه من ذقنه وهو يحركها يمينا ويسارا ويقول بمرح :


- خلاثي يا ناس اللحيه طولت شويه أهي ، تتربي في عزك يا فيـروق


إبتعد فاروق قليلا وهو مازال غارقا في الضحك ثم إنتبه فجأة للوقت وقال :


- يا عم الحج إنجز علشان هتأخر علي الشغل ، خد الفلاشه أهي ومتنامش عليها هـــاه


إنتزعها منه بشده وقال مازحا :


- طبعا طبعا يابني ، أقل من سنه وهتكون عندك إن شاء الله


جذبه من يده للامام وقال :


- ماشي ياخويا إن شاء الله ، يلا بسرعه بقي بدل ما نترفد وإحنا ما صدقنا لقينا شغل أصلا


أسرع الخطي وسبق فاروق وهو ينظر له بجديه ممزوجه بالمرح وقال :


- أيوه يافيروق عندك حق والله ، الواحد داخل علي جواز ومحتاج لكل قرش
__________________


وفي يوم الخطوبه حضرت الفتيات ومن أهمهن هند وفاطمه وولاء لتجهيز العروسه ، كانت سلمي قد إختارت فستانا ساترا لجميع جسدها وفضفاض أيضا مع إصرارها علي إرتداء خمارها فوقه كما إعتادت ، جلست في الصباح الباكر أمام المرآة وقالت بكل حماس :


- هاه وروني بقي هتعملوا فيـا إيه


ضحكت هند وقالت :


- الأول بقي لو هنعمل ماسكات كده ولا حاجه علشان بشرتك تبقي منوره
ثم تابعتها فاطمه قائله :


- وبعدين يا ستي هنعمل حواجبك وبعدها بقي نشوف هنحط ميكب إيه وكده


رفعت سلمي حاجبها وقالت بإستنكار :


- حواجبي !! إمشي يا بت من هنا بدل ما ألسوعك


نظرت لها بتعجب وقالت :


- إنتي ناصحه يا سلمي ؟!! أكيد طبعا لازم تعمليها دي خطوبة يا ماما مش يوم عادي يعني


ضحكت بسخريه وقالت مازحه :


- حد يقتل البت دي ، آل خطوبه آل


عقدت ذراعيها أمام صدرها وقالت بعدم تصديق :


- إنتي بتتكلمي بجد ؟ إنتي مش هتعمليها فعلا ؟!!


أومأت برأسها إيجابا وقالت مؤكده :


- أيوه بتكلم بجد طبعا


زفرت بضيق وقالت متبرمه :


- ليه بقي إن شاء الله ؟!!
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:14 am

إبتسمت سلمي وقالت بحنانها المعتاد وإسلوبها الراقي :


- علشان يا ستي الرسول صلي الله عليه وسلم قال " لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله " رواه البخاري ومسلم


واللي إنتي عايزاني اعمله ده يا أستاذه إسمه نمص ، واللعن ده معناه الطرد من رحمة ربنا


ثم نظرت لها بكل ثقه وقالت :


- وأنا بقي مستحيل أتخلي عن رحمة ربنا علشان كام شعرايه !! وبعدين ربنا خلقني في أحسن صورة فـ مينفعش بقي أجي أنا وأقول لأ مش عاجبني شكلي وعاوزه أغيره !!


أخذت تحرك رأسها يمينا ويسارا بضيق ورفعت حاجبها قائله :


- يا بنتي مش هينفع ، ده إنتي عروسه ، الناس تقول عليكي إيه بس ؟ وخطيبك نفسه هيتضايق


تنهدت بعمق وقالت مبتسمه :


- بصي يا فاطمه ، الناس مش هينفعوني بحاجه لو اتطردت من رحمة ربنا ، وخطيبي لو هيتضايق من شرع ربنا يبقي أنا مش هتجوزه أصلا ، أنا عاوزه واحد ياخد بإيدي للجنه مش للنار !!


ثم نظرت لهند وقالت مؤكده :


- ولا إيه يا هند


إبتسمت هند بطيبه وقالت :


- إعملي اللي يريحك يا سلمي ، وأصلا إسلام بيحبك زي مانتي كده


نظرت لفاطمه بمرح وقالت :


- طب خدي التقيله بقي


تعجبك قليلا وقالت :


- وهو في تقيله كمان ؟ خيــــر !!




ضحكت قليلا وقالت بإستفزاز مصطنع :


- أنا مش هحط ميكب


ضرخت فاطمه بها وقالت :


- لاااااااا بقي ده إنتي إتجننتي رسمي !!!


نظرت لها بتحدي وقالت بكل ثقه :
- عارفه إنها حركه مجنونه ، بس أنا أدها برضو بإذن الله


ثم قالت مازحه :


- وبعدين ياختي انا أصلا وشي برئ وقمر ، عاوزاني أبوظ نفسي بالدهانات دي ، يـــع بجد !


نظرت لها فاطمه بغضب مصحوب بالإستنكار فقالت سلمي بمرح :


- خلاص خلاص متزعليش ، هبقي أحط كريم وزبده كاكاو
__________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:15 am

حضر أفراد العائلتين والأصدقاء المقربين بالخارج وكانت سلمي تستعد لوضع لمساتها الآخيره وستخرج حالا ، لم يستسخ البعض هذه الأناشيد الدينيه وأعجب البعض الآخر بها ، ولكن نحن لا يهمنا شئ سوي رضا الله عزوجل ، فـ الإنسان مهما فعل من أشياء تسعده في الدنيا لن ينفعه هذا يوم الحساب إلا إذا حصل علي ثواب من هذه الأشياء ، خرجت سلمي أخيرا ودخلت للغرفة المفتوحه علي الصالة حيث تتواجد النساء ، أغلقت الغرفه بستار وجلست معهن تتحدث وتمرح وتضحك ، بعد دقائق معدوده إستأذن إسلام في الدخول لكي يرتدي هو وسلمي الخواتم فصمتت النساء وفتحت الستار ، دخل وجلس بالكرسي المجاور لها وأحضرت ولاء العلبه الصغيره التي توجد بداخلها الخواتم ، صوب الجميع نظره تجاههما بينما أمسك إسلام بخاتمها وقال بإبتسامه :


- هاتي إيدك علشان ألبسك


عادت للخلف قليلا بدهشه وقالت مستنكره :


- مش هينفع طبعا


إبتسم قائلا :


- متخافيش مش هلمس إيدك


أجابته علي الفور :


- مش هينفع معلش


قال بإصرار أكثر :


- بقولك مش هلمس إيدك ، أنا هحطها من بعيد وإنتي دخليها
أخذت تحرك كفيها في توتر بالغ وقالت بضيق :


- يا إسلام لأ ، مش هينفع والله


أخذ الجميع ينظر لهما ولكل فرد نظرته المختلفه مابين شماته وفخر وحزن وغضب وإستنكار ، ترك الخاتم من يده ونهض من مكانه سائرا إلي الخارج ، نظرت إليه كل الأعين بإنتباه وكل منهم ينتظر الكـــــارثه ، وقف علي الباب ونظر للفراغ وهو رافعا رأسه للأعلي وقال :


- هي دي بقي مراتي ، هي دي البنت اللي أستأمنتها علي بيتي وأولادي ، هي دي البنت اللي قالت مش هغضب ربنا مهما حصل ، هي دي البنت اللي هفضل فخور بيها طــــــول عمري وهعمل كل اللي اقدر عليه علشان أسعدها .


تنهد بخفه وقال بحماس أكبر :


- هي دي بقي البنت اللي هتاخد بإيدي للجنه


نظر لها لحظه ثم غض بصره وقال بكل فخر :


- وهي دي برضو البنت اللي نجحت في أول إختبار أعملهولها ، حقيقي يا سلمي أنا فخور بيكي


أخذ الجميع يصفق بحراره علي هذا الموقف الذي لم يروه من قبل ، بينما إنكمشت هي في الكرسي أكثر وكادت أن تبكي من فرط السعاده والإحراج ، فرغم ضيقها من إسلام قبل ثوان إلا أنها الآن أسعد إنسانه علي وجه الأرض ، نظر لوالدته قبل المغادره ففهمت مايريد ، نهضت من مكانها وأمسكت بالعلبه وأمسكت بيد سلمي وقامت بتلبيسها الخاتم وجلست مره آخري بينما جلس إسلام بالخارج مع
عائلة سلمي وتعرف عليهم فردا فردا .
__________________


إنتهي اليوم وعاد كل إلي بيته ، أسرعت سلمي الخطي نحو غرفتها وإرتمت علي فراشها ونظرت إلي سقف الغرفه وهي تتنفس بصعوبه ، فإسلام قد وضعها في موقف لن تنساه أبدا ، فبقدر ما شعرت بالغضب منه بسبب إصراره علي تلبيسها الخاتم برغم أنه يعلم أنها لا تصافح الرجال ، بقدر ما شعرت وكأنها تطير فوق السحاب عندما سمعت كلماته عنها ، بالفعل هذا هو الزوج الذي تمنته طيلة حياتها ، أخذت تسترجع ذكريات ماقبل الإلتزام وتحمد الله علي ماهي عليه الآن ، فلو كانت مازالت علي حالها كان من الممكن ألا تتزوج بمثل هذا الرجل ، فبرغم تربيتها في منزل لا يهتم بتطبيق الدين إلا انها أصرت علي أن تكون أفضل وإقتربت من الله عزوجل أكثر حتي أهداها الله تلك الهديه الغاليه ، شاب مثلها تماما في كل شئ ، وكأنهما روح واحده في جسدين .
_________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:16 am

حاول إسلام كتم ضحكاته في الشارع حتي وصل إلي المنزل وإنفجر في الضحك ، ضحكت هند ووالدته أيضا علي أثر ضحكاته ثم وكزته هند في يده بمرح وقالت :


- عاملي فيها شجيع السيما هاه ، لأ بتعرف تمثل يا واد


إرتمي علي الكرسي وهو مازال يضحك وقال :


- إحساس لطشيف إن الناس كلها تبصلك بإعجاب كده ، كان شكلي كيوت صح ؟


ضحكت والدته بحنان وقالت :


- كنت فخوره بيك علي فكره وعماله أتباهي بيك قدام الستات


أخذ يعدل من وضع رابطه عنقه وقال بغرور مصطنع :


- احم احم تباهي يا أماه تباهي


وكزته هند مره آخري وقالت بجديه :


- بس حقيقي إنت كنت مبسوط لما عملت كده يا إسلام ؟


أومأت برأسه إيجابيا وقال بكل ثقه :


- أنا كنت متأكد إنها هتعمل كده


ثم ضحك قليلا وهو يقول :


- بس كنت عايز أجننها شويه ، وكمان كنت حابب أعلم الناس اللي قاعدين درس مهم


قالت بلهفه :


- درس إيه ؟


ربت علي يدها وقال بحنان :


- إنك لازم تبقي غـاليه أوووي وحتي لو قالوا عليكي معقده مش مهم ، أكيد هتلاقي برضو اللي يحبك زي مانتي كده
- هييييح وإيه كمان


أخذ يسترجع الذكريات وقال :


- عارفه يا هند ؟ لما كنت بقعد أستعبط وأتريق علي كلام محمد وكده ، كان جوايا حاجه بتقولي إن هو اللي صح بس مكنتش عايز أصدق ، لكن لما جربت بجد الحياة اللي كلها حلال دي عرفت أد إيه كان عنده حق


إبتسمت هند وقالت :


- الله يرحمه


إستئذن إسلام منهما ودخل إلي غرفته ، أغلق الباب خلفه وإرتمي علي فراشه وأخذ يقلب في هاتفه حتي وقعت عينه علي صورة محمد فقال بقلب محترق :


- محمد انا محتاجلك أووووووي !! بجد وحشتني فوق ما تتخيل


لــ #رقيه_طه


أولا : محدش يعيط 
ثانيا وده الأهم :


انا مش عامله الرواية دي علشان كلنا نقعد نعمل هيييح ونقول مفيش حد كده دلوقتي والكلام ده ،،


انا كاتباها علشان إحنا لازم نكون كده ، إسلام وسلمي معملوش معجزه ، هما عملوا الطبيعي أصلا واللي المفروض يحصل ، بس المشكله إن إحنا دايما بنفضل وافقين مكاننا ونقول مفيش كده وبس 


هنقول هييح ونفرح ، لكن برضو هناخد خطوه وبندأ نتغير ونكون زيهم^__^


ده #إجباري علي فكرة ، يأما بقي هأخر عليكم الحلقات وأجننكم ‏‎^__~


يــــارب الحلقه تعجبكم
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:22 am

الحلقه السادسة والعشرون :


إستئذن إسلام منهما ودخل إلي غرفته ، أغلق الباب خلفه وإرتمي علي فراشه وأخذ يقلب في هاتفه حتي وقعت عينه علي صورة محمد فقال بقلب محترق :...


- محمد انا محتاجلك أووووووي !! بجد وحشتني فوق ما تتخيل


نهض من مكانه وإعتدل في جلسته ونظر للصورة بكل شوق وقال :


- عارف يا محمد ؟ أنا خطوبتي كانت النهارده ، بجد كنت فرحان أوي ؟ لكن برضو كان في وجع جوايا ، عمري ما تخيلت إني أخطب وإنت متكونش جنبي يا محمد ، طب عارف إني خطبت واحده من البنات اللي إنت كنت دايما بتقول عليهم دول ؟ البنات اللي محافظين علي نفسهم أوووي وبيحبوا ربنا وبيطيعوه دايما ، كان نفسي تكون معايا اووي في يوم زي ده يا محمد .


عارف كمان ؟ أنا حاسس إنك مستريح أووي دلوقتي وحاسس إنك أكيد كنت هتكون مبسوط وإنت شايفني كده ، وأصلا بقي أنا علطول بصلي بليل وبدعيلك ، بصلي بجد وأنا مش عايز حاجه من الدنيا إلا ان ربنا يغفرلك ونتقابل سوا في الجنه ، بحبك اوووي يا محمد فوق ما تتخيل وبندم علي كل لحظة مكنتش بسمع فيها كلامك وكنت بتتريق عليك ، بس خلاص أخوك دلوقتي بقي حد تاني ومش هيتنازل أبـدا عن هدفه الأول والأخير وهو إنه يكون ليه مكان في الجنه ، إتطمن عليا أنا بقيت كويس دلوقتي ، وهعيش حياتي صح زي ما انت كنت دايما بتقولي ، سامحني لو قصرت في حقك في يوم بس بإذن الله طول ما أنا عايش هدعيلك جايز أقدر أفيدك بـ حاجه ..


بحبـــــك يا صاحب أحن قلب في الدنيـــــا وأعذب إبتسامه
______________________


وتمر الأيام سريعا ويستيقط إسلام من نومه ليذهب إلي عمله ولكن يبدو أن اليوم مختلف عن كل يوم ، ذهب ليتأكد من اليوم والتاريخ كعادته كل يوم ، ولكنه قفز من مكانه عندما رأي تاريخ اليوم وقال :
- ده النهارده اول يوم في شهر 9 ، يا حلاوه يا ولاد ، يعني ممكن تتثبت في شغلك النهارده ياعم إسلام ، يـــــارب يــــــارب يكون الثبيت من نصيبي ، يــــارب أنا محتاج لكل قرش دلوقتي والتثبيت ده لو كان من نصيبي ممكن محتجش أشوف وظيفه بليل علشان تساعدني فـ الجهاز .


أخذ يهرول إلي غرفة والدته كالأطفال وألقي عليها التحية وأخذ يطلب منها أن تلح في الدعاء لكي يكون الثبيت من نصيبه ، إرتدي ملابسه بسرعه وذهب إلي عمله وعلي وجهه علامات الرضا والسعاده ، دخل مكتبه فوجد زملائه ينظرون له نظرات مختلفه كالعاده مابين حب وتفاؤل ، او إحتقان وإستنكار .. كان داخل المنافسه :


- إسلام محمود .. يعمل منذ شهرين


- ذكي ماهر .. يعمل منذ خمسة أشهر


- لبني فهد .. تعمل منذ سنه وثلاثة أشهر


- وأخيرا مروان يسري .. يعمل منذ سنه وتسعة أشهر


كان إسلام يعلم أن المهندس الذي يتم تثبيته يتم إختياره علي أساس الكفاءه والضمير وحب العمل لذلك كان علي يقين ان التثبيت سيكون من نصيبه لما يري من عدم إتقان زملائه للعمل كما يتقن هو ، جلس يعمل في مكتبه حتي الظهيرة وذهب لأداء الصلاة ثم عاد فوجد الجميع في حاله من التوتر ، سألهم عن السبب فعلم أن نتيجة التثبيت سوف تخرج بعد قليل ، جلس يدعو الله كثيرا أن يرزقه من حيث لا يحتسب .. بعد قليل خرج رئيسه في العمل وقال بجديه :


- بعد الكثير من التحريات والإستشارات من قبل أعضاء الشركة تم إختيار المهندس ...


أخذ إسلام يتنفس بسرعه ويفرك في يده بعصبيه وإزدادت ضربات قلبه بشده وسمع أخيـــرا رئيسه في العمل يقول :


- تم إختيار المهندس ذكي ماهر للتثبيت هذا العام وحظ موفق للبقيه في الأعوام القادمه بإذن الله
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:24 am

وجد نفسه يضرب الطاولة بشده رغما عنه ، فلو كان التثبيت من نصيب أي شخص أخر ماكان ليغضب هكذا ، ولــكــن ذكـي ؟ كــــــيــف ؟!! ذكي الذي يمضي معظم وقته في المزاح مع أصدقائه وإحتساء الشاي والقهوه ؟ أم ذكي الذي يأتي متأخرا للعمل في أغلب الأحيان ؟ ام ذكي الذي لا يحمل من الجديه و الخبره و الكفاءه شئ ؟!! ماهذا الذي يحدث ؟ !!فلو كان لن ينال التثبيت لأنه حديث بالشركه فكان لن ينالها ذكي أيضا لانه حديث مثله وكانت من حق مروان وقتها !!


شرد قليلا في همومه حتي إنتشله مروان من شروده عندما جذب الكرسي ووضعه بجواره وجلس عليه وهو يقول بضيق :


- وهو يعني علشان أبوه صاحب أستاذ شوقي يبقي يتعمل فينا كده ؟!!


نظر له إسلام بتعجب وقال :


- أبو مين ؟


نظر له والغضب يعلو وجهه وقال :


- الحاج ماهر أبو ذكي باشا يبقي صاحب أستاذ شوقي مدير الشركة


إتسعت عيناه وقال بذهول :


- يـــــاسلـــــــام ؟!! وسطه يعني !! أومال فين بقي علي أساس الكفاءه والضمير ومعرفش إيه ؟!!


أشاح بيده جانبا وقال بغضب :


- يا عم إنت بتصدق الكلام ده ؟!!


أخذ يمسح رأسه بيده عدة مرات وهو يقول بضيق :


- أستغفرك ربي وأتوب إليـــــك ، طيب وبعدين هنعمل إيه ؟
نهض مروان من مكانه متجها إلي مكتبه وقال بإستسلام :


- مش هنعمل حاجه يا بشمهندس غير إننا نستني للسنه الجايه ، يلا شوف شغلك بدل ما ييجوا يتلزقوا علي أي حاجه


أخذ يحرك رأسه يمينا ويسارا بضيق وقال :




مش هينفع نسكت ، إحنا لازم نتصرف


نظر له بوجه خالي من أي تعبير وقال بملل :


- لو فكرت تعمل حاجه هتترفد ، أنا هنا بقالي سنتين وفاهم الدنيا ماشيه إزاي أكتر منك


رفع حاجبه للأعلي وقال بتعجب :
- أترفد !!!


أومأ برأسه إيجابا وقال مؤكدا :


- أيوه تترفد ، كان معانا واحد السنه اللي فاتت عامل حمش زيك كده وقال هغير الفساد ومعرفش إيه لحد ما لبس مصيبه وإترفد


نظر له بذهول وإتسعت عيناه ورفع حاجبه بإستنكار وقال :


- إنت بتتكلم جد ؟!!


زفر بملل وقال :


- يا بشمهندس وهو إنت مش عارف يعني إن البلد مليانه فساد ؟ لو عرفت تشوف شركة محترمه عن دي يبقي إنقل نفسك ولو معرفتش يبقي إشتغل وإنت ساكت


تنهد بضيق وقال :


- يعني مفيش حل تاني ؟!!


قال مؤكدا :


- الحل إننا نتحد ونقف قدام الظلم ، غير كده لأ
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:25 am

نظر له بعدم فهم وقال متسائلا :


- طيب وليه منتحدش ؟!!


أخذ يطرق بأصابعه عدة طرقات علي المكتب نظر لإسلام بضيق وقال :


- الشركه كلها واسطه يا باشمهندس ، نتحد مين بس


ثم ضحك قائلا :


- تلقاك إنت كمان جاي بواسطه


إنتفض من مكانه وقال بتعجب :
- أنــــــــــــــا !!


ضحك أكثر وهو يؤكد ذلك وقال :


- طيب قوللي إنت جيت هنا إزاي ؟


قالها بكل براءه :


- واحد صاحبي شغال في شركة برضو قالي إن مدير شركتهم بيقول إنهم طالبين مهندسين هنا فجيت أقدم وقبلت الحمد لله


نظر له بإستهزاء وقال :


- طيب يعني الموضوع كله معارف أهو ، هو ده حال البلد يابني ، اللي مالوش ظهر يترمي في الشارع ، لنـــا الله


نظر له إسلام بخوف وقال :


- إيه ده يعني أنا شغلي كده حرام ولا إيه ؟


أومأ برأسه نفيا وقال :


- أنا مقولتش حرام ، إنت واحد محتاج شغل وعندك كفاءه يبقي تستاهل الشغلانه دي فعلا ، الدور والباقي بقي علي اللي ياخد حقوق الناس وهو ميستاهلش أصلا


ثم أشاح بيده مرة آخري وهو ينظر للأوراق الملقاه علي مكتبه وقال :


- إشتغل يا باشمهندس إشتغل ، إحنا لينا ربنا اللي أحسن من الكل ، وعيالنا برضو هيلاقوا أكلهم متقلقش


زفر بإستسلام وأمسك قلمه وبدأ في العمل مرة آخري
_______________________


وفي موعد الإنصراف خرج إسلام وهو لايدري ماذا يفعل ، فقد كان يحلم بهذا التثبيت حتي يزداد مرتبه قليلا ويمكنه الإستغناء عن التقدم لأي وظيفه ليليه ، قرر العوده مشيا حتي تتاح له الفرصه أن يفكر ويخطط ماذا سيفعل الآن ، ظل يفكر كثيرا بلا جدوي ولكن قطع تفكيره جرس هاتفه المحمول فأخرجه من جيبه بضيق وهو يقول :
- إيـــــه يا هند كل شويه رن رن رن ، مستعجله أوي يعني علشان تعرفي إني متثبتتش !!


أخرج الهاتف ونظر فيه تعجب عندما رأي المتصل ، فقد كانت سلمي !!هذه أول مره تتصل به منذ خطوبتهما ، فياتري ماذا تريد ؟ ولماذا تتصل في هذا الوقت بالتحديد ؟ حاول الخروج من حالة الضيق التي تسيطر عليه وإبتسم وهو يضغط علي زر الإجابه وقال :


- السلام عليكم


- وعليكم السلام ورحمة الله وبركاته ، إزيك يا إسلام


- الحمد لله تمام


ثم إبتسم أكثر وقال :


- حدديلي موقعك في الشقه بالتحديد بســـــرعه


حاولت كتم ضحكاتها وقالت بتأكيد :


- ماتخافش أنا في الصاله وبابا قاعد قدامي أهو


ثم غمزت لوالدها الذي كان يبتسم ، ضحك إسلام وقال بهدوء :


- حسنا يا فتاة تحدثي ، ماذا تريدي ؟
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:26 am

تنهدت بسعاده بالغه وقالت :


- بابا وافق إنك تجيب نص الشبكه بس ، والباقي لما ربنا يرزقك في أي وقت إن شاء الله


قفز من مكانه وهو يقول بعدم تصديق :


- بتقـــولي إيـــــه ؟!!


نظرت لولدها ضاحكة وقالت :


- بقولك بابا وافق إنك تجيب نص الشبكه دلوقتي والباقي بعدين لما ربنا يرزقك


شهق بشده وهو يقول بذهول :
- إنتي بتتكلمي بجد ؟!!


أجابت مؤكده :


- اه والله


سألها بلهفه :


- وافق إزاي ؟ إنتي عملتي إيه معاه ؟!!


قالت بكل ثقه :


- إستخدمت سلاحي


نظر لها والدها بذهول وكان رد فعل إسلام نفس الشئ وقال بعدم فهم :


- سلاح إيه ؟


إبتسمت لوالدها أكثر وهي تقول مؤكده :


- سلاحي اللي هو الدعاء ، كنت بلح علي ربنا في الدعاء إنه يخلي بابا يوافق وكنت بدعي بيقين اوووي إن ربنا قادر علي كده ، والحمد لله بابا وافق أهو


أخذ إسلام يتنفس بكثره وهو مازال لا يستطيع التصديق وقال علي الفور :


- طيب إقفلي يا سلمي إقفلي


ثم أغلق الهاتف مباشرة ، ضحكت سلمي بشده وهي تقول لوالدها :


- يا عيني ده أتصدم


ثم نظرت لوالدها بحنان وقالت :


- شكرا يا بابا لأنك خليتني أكلمه وأقوله الخبر بنفسي علشان كنت حابه أعرف رد فعله


إبتسم قائلا :


- يا سلمي ده خطيبك يعني عادي لما تكلميه


نظرت له بسعاده وقالت :


- مش عادي أوي يعني ، بس طالما الكلام قدام حضرتك يبقي خلاص
_______________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:26 am

أخذ إسلام ينظر إلي الهاتف بذهول وهو يحدث نفسه قائلا :


- هو اللي أنا سمعته ده صح ؟ لالالا بجد ده حصل ؟!! يعني عمي وافق خلاص ؟ يعني مفيش شغل بليل ؟


أخذ يعد علي أصابعه قليلا ثم قال :


- إيــــه ده إيــــه ده ؟!! يعني كده كمان ممكن نتجوز خلال سنه بس ؟ سنه إيـــه ؟ دول 10 شهور كمــــــان !! يــــــاربي معقوله اللي حصل ده ؟ معقول علشان كنت خايف من طول فترة الخطوبه ربنا حل المشكله من عنده وقصرت ؟ولا علشان سلمي دي بنت نقيه أصلا فـ ربنا إستجاب دعائها ؟ ولا علشان مفضلش مضغوط وشايل الهم علطول ؟ ولا علشان إيـــــــــــه ، اه اه عرفت ، علشان ربنا أحـــــــن علينا من أي حد وهو بس اللي بيحس بينا ، علشان ربنا عالم بنيتي وإني مش عاوز أغضبه فسهلي أموري ، علشــان ربنا كريم اووووي ودايما بيرحمنا برحته


نظر للسماء وظل يردد :


اللـهـم أعـني علـي ذكـرك وشـكـرك وحـسـن عـبـادتـــــك


اللـهـم أعـني علـي ذكـرك وشـكـرك وحـسـن عـبـادتـــــك


اللـهـم أعـني علـي ذكـرك وشـكـرك وحـسـن عـبـادتـــــك


وضع يده علي قلبه وهو يتنفس بصعوبه وظل ينظر للسماء بعدم تصديق ، ظل يلتفت يمينا ويسارا حتي وجد سياره وركبها وعاد لمنزله علي الفور ، كانت هند في إنتظاره ووالدته أيضا ، عندما دخل وشاهدتا علامات الفرحه علي وجهه إقتربت منه هند وقالت بسعاده :


- أيــــوه يا عم إتثبتنا ومرتبنا كبر ومحدش قدنا بقي


ثم ربتت والدته علي كتفه بحنان وقالت :


- الف مبروووووك يا حبيبي


نظر لهما بغرور وقال :


- بس أنا متثبتتش !!


رفعت هند حاجبها وقالت متعجبه :


- أومال مالك يا خويا منشكح كده ليــه ؟!!


نظر لها بتعالي وقال :


- يا بنتي أنا حصلي اللي أحسن من التثبيت


قالت متلهفه :


- إيه ؟


قفز من مكانه وهو يقول بسعاده :


- أبـــو سلمي وافق علي نص الشبكه يا نـــــاس


وضعت يدها علي فمها ونظرت له بذهول وقالت :


- إزاي ده ؟!!


بينما إبتسمت والدته بسعاده وقالت :


- إنت بتتكلم بجد ؟!!


تنهد بحراره وقال بمنتهي السعاده :


- اه والله يا ماما الحمد لله ، شوفي ربنا كريم أد إيه


ثم أخذ يضحك بشده وهو يقول :


- والجدير بالذكر إنها أول ما قالت كده قفلت السكه في وشها
أطلقت هند ضحكات متتاليه وقالت :


- إنت بتهرج ، عملت كده إزاي يا مجنون


إبتسم قائلا :


- منا كنت طاير من الفرحه ساعتها ولو كنت إتكلمت كان ممكن اقول حاجه كده ولا كده ، خليني ماسك نفسي وساكت أحسن علشان لو إتفتحت محدش هيعرف يقفلني ، يلا ربنا يقوينا بقي


تعجبت هند وقالت :


- حاجه كده ولا كده إزاي يعني ؟!!


إبتسم وهو يقول مفسرا :


- يعني عارفه لما ربنا يرزقني بواحده قلبها عليا أوووي وبتعمل كل اللي تقدر عليه علشان تتقي ربنا فيا وتخليني مش حامل هم أي حاجه علشان نعرف نوصل لهدفنا سوا ، ده أكيد هيخليني نفسي أتجوزها النهارده قبل بكره علشان أعرف أقولها كل اللي أنا عاوزه وأد إيه أنا بحبها فعلا وبتمني من ربنا إنه يجعلها ليا خير زوجه ، كمان لما الواحد بيكون مبسوط ممكن ميعرفش يتحكم في مشاعره وممكن أي حاجه تطلع منه غضب عنه ، علشان كده أنا قفلت بسرعه خوفا من إني أقول أي حاجه تغضب ربنا


تعجبت هند وقالت :


- طيب ما إنت بتروحلها البيت .. إشمعني مش بتخاف تقولها حاجه تغضب ربنا هناك ؟!!


جلس علي الكرسي ونظر لها بتفهم وقال :


- لو روحتلها البيت فده بيكون علشان نتكلم في حاجه معينه وهمشي بعدها ، يعني الحمد لله مش بنفتح أي مجال إننا نتكلم في مواضيع مش ضروريه خوفا من الوقوع في أي محذور وكمان باباها بيكون قاعد وشايفنا وتقريبا بيسمع كلامنا كمان ، إدعيلنا يا هند ربنا يتمم خطوبتا علي خير ومن غير أي ذنوب ويجمعنا سوا في الحلال
__________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:27 am

مر يوم تلو الآخر وجاء يوم السبت ، ذهب إسلام إلي منزل سلمي لكي يتحدث معها ومع والدها قليلا ، طرق الباب بخفه ففتح والدها وصافحه إسلام بحراره وجلس معه ليحدثه فقال بسعاده :


- والله أنا مش عارف أشكر حضرتك إزاي يا عمي إنك وافقت علي نص الشبكه بس


إبتسم الأب قائلا :


- البت سلمي دي زنانه اووي وعماله تقولي مش عاوزه الخطوبه تطول ومعرفش إيه ، ومن الواضح كده إنها كانت بتصلي بليل وتدعي لأني كنت دايما بشوفها صاحيه متأخر


ثم نظر له بجديه وقال :


- المهم يعني إني وافقت علي النص دلوقتي وبإذن الله لما ربنا يرزقك تبقي تجيبلها الباقي ، وده وعد هاخده منك دلوقتي


نظر له بإمتنان وقال :


- وأنا أوعد حضرتك إني بإذن الله أول ما تتاح ليا الفرصه إني أكملٌها الشبكه مش هتأخر


- بإذن الله


حضرت سلمي وألقت التحيه علي إسلام وجلست بجوار والدها ، قام الأب من مكانه وجلس أمام التلفاز مباشرة لكي يتابع الأخبار ويكون موجود معهما في نفس الوقت ، نظرت سلمي للأرض كعادتها وقالت :


- كان في حاجات مهمه عاوزه أتكلم فيها وكتبتها في ورقه زي ما إتفقنا ، نبدأ بقي


إبتسم قائلا :


- بحب أنا الشغل الرسمي ده ، يلا إتفضلي


تنهدت بخفه وقالت :


- أول حاجه ، بالنسبه للتلفزيون .. أنا بفكر منجيبش تلفزيون في بيتنا علشان بحس انه مبقاش فيه أي حاجه مفيده دلوقتي أصلا ، وكمان كل حاجه بحب أشوفها بشوفها علي النت أسهل


صمتت قليلا ثم قال بتفهم :


- طيب ما إحنا ممكن نجيب تلفزيون ونمسح من عليه قنوات الأغاني والافلام والحاجات دي ، أعتقد كده هيكون أفضل
- هنمسحها أكيد يعني ؟


أجابها بنفس الطريقه :


- أيوه هنمسحها أكيد يعني ، وكمان في المستقبل إن شاء الله لما يكون عندنا أولاد هيحبوا يتفرجوا علي كرتون وكده فلازم يكون عندنا تلفزيون


إبتسمت قائله :


- ماشي كده تمام .. تاني حاجه ، قريت الكتاب اللي قولتلك عليه ده ؟ لازم أعرف رأيك فيه ضروري


تنحنح بإحراج وقال :


- بصراحه لسه ، بس متقلقيش هو في الخطه ، إن شاء الله لما أجي الإسبوع الجاي أكون خلصته وأقولك رأيي


- أنا كمان لسه مخلصتش الكتب اللي إديتهالي ، بإذن الله برضو أكون خلصتها الإسبوع الجاي أو اللي بعده


ثم إعتدلت في جلستها وقالت بجديه :


- في حاجه مهمه بقي كان لازم أتكلم فيها من زمان بس نسيت ، وبعد إذنك أوعي تفهمني غلط


قال بقلق :


- خيــر ؟


تنحنحت قائله بتوتر :


- أنا حابه أشتغل بعد ما أتخرج


عاد للخلف قليلا وأسند ذقنه علي كفته ونظر للأرض بضيق وقال :


- ليـــــه بقي ؟ وهو أنا مش هعرف أصرف علي بيتي ؟!! ولا صعبت عليكي وقولتي تساعديني ؟!!!


لــ #رقيه_طه


شايفين الواحد المفروض يعمل إيه لو واجه فساد في عمله زي إسلام ؟ يسكت ولا يتكلم وهو وحظه ؟


كمان إيه رأيكم في موقف بابا سلمي ؟


شايفين تكرار زياره إسلام لسلمي ممكن يعمل مشاكل حتي لو في وجود والدها ؟ ولا ده الصح ؟


وياتري هيكون رد فعله إيه من موضوع شغلها ده ؟ ممكن يموتها ؟
في الحلال
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:35 am

الحلقه السابعة والعشرون :


إعتدلت سلمي في جلستها وقالت بجديه :...


- في حاجه مهمه بقي كان لازم أتكلم فيها من زمان بس نسيت ، وبعد إذنك أوعي تفهمني غلط


قال بقلق :


- خيــر ؟


تنحنحت قائله بتوتر :


- أنا حابه أشتغل بعد ما أتخرج


عاد للخلف قليلا وأسند ذقنه علي كفته ونظر للأرض بضيق وقال :


- ليـــــه بقي ؟ وهو أنا مش هعرف أصرف علي بيتي ؟!! ولا صعبت عليكي وقولتي تساعديني ؟!!!


إبتلعت ريقها وقالت بهمس :


- والله ما قصدي كده خـــالص ، ثواني أنا هوضحلك كل حـــاجه


أخذت نفس عميق وقالت علي الفور :


- أنا لما دخلت الكلية دي مكنتش بحبها ، قلت عادي يعني أهي أي حاجه مجموعي جابها وخلاص
ويمكن قعدت علي الحال ده سنتين ، بس لما دخلت ثالثه بدأت أفكر في الموضوع ولقيت إن التعليم في بلدنا مستواه متدني جــــدا وده بسبب قلة المدرسين اللي هدفهم الأول والأساسي يطلعوا جيل واعي ويرضوا ربنا في شغلهم ، معظم المدرسين بيشتغلوا علشان بس المرتب ودايما يقولوا هنشتغل علي أد مرتب الحكومه !!ساعتها بس أخدت قرار حاسم إني أنا اللي هغير التعليم !!!


ويمكن تضحك وتقولي : وهو إنتي بقي اللي هتغيري التعليم ؟!!


هقولك اه بإذن الله ، شوف كام طالب هيطلع من تحت إيدي سنويا ، شوف لو الطلاب دول حبوا المدرسة بسببي وحبوا الإنجليزي بسببي ، تخيل كده إنهم يقولوا لأهلهم إحنا مستحيل نغيب في يوم عندنا فيه حصة إنجليزي وكل ده علشان بيحبوني ، كمان بما إني هبقي مدرسة إبتدائي فالموضوع هيكون مؤثر أكتر وبإذن الله أنا اللي هخرج الجيل اللي هيفضل فاكرني دايما وبيدعيلي لأني كنت سبب في حبه للمدرسة وللإنجليزي ، وأقسم بالله الموضوع ما مستحيل ولا حاجه ، الأطفال دول حاجه بريئه أوي وكل الحكاية إنهم محتاجين حد يحن عليهم ويعاملهم بأدميه شويه ، وكل حصه كده شوية حماس وإسلوب مختلف في التدريس وشويه حلويات وهدايا والموضوع هيمشي بإذن الله


ثم إعتدلت في جلستها وقالت بجديه :
- وإنت لازم تساعدني علي تحقيقي حلمي ده يا إسلام ، لـــازم توافق علي شغلي ، ومع ذلك لو لقيت في يوم من الايام إن الشغل واخدني من بيتي بشكل ملحوظ يبقي أنا هسيبه فورا


ثم إبتسمت قائله :


- بس ده مش معناه إنك تحاول دايما تطلعني مُقصره علشان أسيب الشغل ، لأ لازم تحط في بالك إن في أطفال كتير محتاجين مدرسين يتقوا الله فيهم ويعاملوهم بأدميه شويه ، وربنا يعيننا بقي ، كمان بقي بالنسبه لموضوع الإختلاط فأنا بإذن الله هكون في حالي ومليش دعوه بالرجاله ، ولو لقيت اوضة المدرسين فيها رجاله هسيبها وأشوف مكان تاني يكون ليا علطول ، وأصلا في الغالب الستات بتكون لوحدها والرجاله لوحدها .
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:36 am

تنهدت بأريحيه وقالت :


- تمام كده ؟ موافق ولا إيه ؟


أخذ يفكر قليلا ثم قال :


- طيب سيبيني أفكر في الموضوع وأقولك قراري بعدين


إبتسمت قائله :


- ماشي هسيبك تفكر ، بس برضو هتوافق إن شاء الله


وقبل أن يتحدث قالت علي الفور :


- كان في حاجه مهمه برضو عاوزه أقولك عليها ، رغم إنها ممكن تعمل مشاكل ، بس مش عارفه بقي لازم أقولها !!


- خير إيه كمان ؟


تنهدت بكل حمـاس وقالت :


- أنا مش عاوزه أوضة سفره ولا عاوزه نيش


نظر للأرض بتعجب وقال :


- ليه ؟ وبعدين إحنا إتفقنا خلاص ودي إتفاقات رجالة ومش بتتغير
قالت علي الفور :


- إحنا مش هنغير إتفاقات الرجاله ، إحنا بس هنعمل عليها تعديل بسيط


ثم تنهدت تنهيده طويله وقالت بحماس :


- لو لاحظت كل الناس المتجوزين وعندهم شقه صغيره هتلاقي إنهم أول ما بيكون عندهم بيبي يأما بيبيعوا السفره ويجيبوا مكانها أوضة أطفال يأما بيلزقوا السفره وحاجتها جنب الحيطه ويجيبوا سرير يحطوه في نفس الأوضه ، علشان كده أنا عاوزه أجيب بنفس تمن أوضه السفره أوضة أطفال ، هتكون كامله علي بعضها وشكلها يكون زي الحاجات الكيوت اللي علي النت دي ، وكده كده في الغالب محدش بيستخدم أوضة السفره إلا في العزومات بس ، أما بالنسبه للنيش فأنا بحس إنه إختراع ملوش أي لازمه ، ولكن مع ذلك خايفه المطبخ ميكفيش الحاجات بتاعتي علشان كده ممكن نعمل نيش ومكتبه في نفس الوقت .


يعني يتقسم نصين : النص اللي فوق يكون إزاز علشان الحاجات اللي جواه تبان ، والنص اللي تحت يكون خشب وده ونخليه مكتبه .


تنهدت بتعب وقالت :


- بس كده


أُعجب إسلام بطريقة تفكيرها ورجاحه عقلها ، فهي لم تقلد باقي الفتيات بل حكمت عقلها وإستطاعت إختيار الأفضل لمنزلها من حيث الإستخدام لا المنظر كما يفعل البعض فأجابها علي الفور :


- أنا موافق جـــــدا ، وكده أحسن والله ، عموما هقول لعمي علي الموضوع ده ونشوف بإذن الله


وبالفعل تحدث إسلام مع والدها في الأمر فطلب الأب مهله للتفكير وموازنة الموضوع من وجهة نظره والرأي الاخير سيكون المره القادمه بإذن الله ولكن كان يغلب علي وجهه القبول


ــــــــــــــــــــــــــــــــــــــــــــــــــ ــــــــــ
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:37 am

- يا سلمي قومي إلبسي بقـــــي


قالتها ولاء عندما كانت تستعد للخروج هي ووالدتها وسلمي لشراء ملابس الجامعه ، فولاء تستعد لعامها الأول في كلية الهندسه وبالطبع يجب أن تظهر في أفضل صورة ، أجابت سلمي علي الفور :


- يا بنتي منا قولتلك 100 مره إني بلبس الفستان والخمار علي طول ومش باخد وقت ، الدور والباقي علي الناس اللي بتقعد تلبس سنه ، عيشي حياتك إنتي بس وهتلاقيني جاهزة إن شاء الله أول ما تخلصي


وبالفعل إرتدت كل واحده منهن ملابسها وهبطن جميعا إلي وسط المدينه ، كانت الملابس كالعاده تمتاز بالضيق والإلفات وإفتقاد أي شئ له علاقة بالحجاب الشرعي ، ظلت ولاء تختار ووالدتها تختار معها بينما سلمي تقف في تزمر ، فعندما تبدي رأيها في أي شئ تصرخ ولاء بوجهها قائله جملتها المشهوره :


- هي دي الموضه !!


إنتهت ولاء من إختيار ملابسها التي أعجبت سلمي ببعضها وشعرت بالغضب تجاه البقيه وعندما إتجهت لشراء الحجاب وما شابه لتكملة كل الاطقم أوقفتها سلمي قائله بجديه :


- بصي يا ولاء علشان نكون متفقين ، هنشتري طرح طويله شويه ومفيش باديهات كارينا ماشي ؟


زفرت بضيق وقالت :


- ليه بقي إن شاء الله ؟


إبتسمت وقالت بحنان :


- لأن يا ستي البادي الكارينا ده إختراع فاشل أصلا وملوش أي علاقة بالحجاب ، يعني بالظبط زي ما تكوني جبتي علبه دهان ودهنتي بيها إيدي ، من الآخر بيكشف أكتر ما بيستر وده مش حجاب يا ولاء ، والطرح الطويله علشان لو في حاجه ضيقه ولا حاجه تبقي تغطيها .


تنهدت بملل وقالت :


- أومال أجيب إيه يعني علشان ألبسه تحت البلوزات ؟!!


ربتت علي كتفها بحب وقالت :


- في إختراع تاني كده إسمه " بادي إسلامي " ده ممكن يكون ضيق شويه من فوق بس الطرحه لو طويله بتغطيه ومن تحت بقي بيكون الكم بتاعه واسع وحلو ومش لازق علي الإيد ولا حاجه


ثم جذبتها من يدها وقالت بحماس :


- تعالي أنا هوريكي
________________________
الرجوع الى أعلى الصفحة اذهب الى الأسفل
https://olaa-elmasry.yoo7.com
علا المصرى
الـمـؤ سس
الـمـؤ سس
علا المصرى


عدد المساهمات : 22760
نقاط : 30252
السٌّمعَة : 2
تاريخ التسجيل : 15/12/2013

قصة  ((    في الحلال   )) - صفحة 9 Empty
مُساهمةموضوع: رد: قصة (( في الحلال ))   قصة  ((    في الحلال   )) - صفحة 9 Icon_minitimeالأربعاء 07 أكتوبر 2015, 2:38 am

وبدأ العام الدراسي الجديد والآخير لكل من سلمي وهند وفاطمه ، جددت سلمي نيتها ووضعت أمام عينيها هدفها الأول والأخير وهو رضا الله عزوجل وإتقاءه في طلابها وبذل قصاري جهدها في أن تكون المعلمه التي يتمناها كل طالب ، وقفت تتحدت مع هند وفاطمه كعادتها فوجدت سمر صديقتها تقترب منها وتقول بلهفه :


- سلمي شوفتي اللي حصل


نظرت لها سلمي بتعجب وقالت :


- خير يا سمر ؟


إلتقطت أنفاسها بصعوبه وقالت علي الفور :


- الدكتور اللي ماسك التربيه العملي السنادي عمل شوية تغييرات ومش هنكون كلنا مع بعض في نفس المجموعه
نظرت لها سلمي بعدم فهم وقالت بلا مبالاه :


- عادي يا بنتي في الآخر هنكون كلنا بحرف السين!


زفرت بضيق وقالت :


- ماشي بس سمير هيكون معانا !!


شهقت سلمي بذهول وإتسعت عيناها وقالت بعدم تصديق :


- سمير مين ؟ إزاي يعني ؟!!


ضحكت بسخريه وقالت :


- وهو في غيره يعني ؟!! المهم أنا جيت أقولك علشان عارفه إنك لو كنتي لقيتيه معانا في الحصه فجأة كده كنتي هتضايقي


وقبل أن تغادر أمسكتها سلمي من يدها وقالت بخوف :


- يا بنتي مش هينفع بجد ، ده أنا بشرح قدام الدكتور بالعافيه ، دلوقتي كمان هيكون معانا واحد ورايح جاي معانا كده ؟!! مش هينفع طبعا ، وكمان ده أنا عامله خطه كامله لتجديد طريقة الشرح السنادي ، كده بقي مش هعرف أنفذ اااااي حاجه


قالت وهي تغادر مكانها :


- يا بنتي عادي بقي سمير ده محترم أصلا ، أنا قولت أقولك وخلاص ، يلا سلام


ضربت سلمي يدها بالآخري وزفرت بضيق وقالت في نفسها :


- ماشي محترم ، بس برضو مش هينفع بقي اووووووف
_______________________


عادت إلي المنزل وهي ثائره تماما لاتعرف ماذا تفعل ، فهي تحاول بقدر الإمكان عدم الإختلاط بالشباب ولكن الآن ماذا سيحدث ؟ ستضطر للتحدث معه ومناقشته وسؤاله عن الدرس وأشياء من هذا القبيل لأنه أصبح واحدا من مجموعتها ويجب أن يكونوا جميعا علي توافق ، لم ترد أن يحدث هذا فظلت تدعو الله كثيـرا أن يخرجها من هذا الأمر علي خيــر ، وبالفعل مع أول يوم لها في التربيه العملي لهذا العام كانت تقف مع زميلاتها وكأنها تنتظر شيئا ما عندما جذبتها سمر من يدها قائله :
- يلا يا بنتي مش هنروح حصتنا ولا إيه ؟!!


إنتبهت لها وقالت :


- هاه ، هو إحنا كده كملنا ولا إيه ؟


ضحكت قليلا ثم قالت بجديه :


- أيوه يا بنتي كملنا خلاص ، هو إنتي مش بتعرفي تعدي ولا إيه ؟ بقينا 5 أهو قدامك


نظرت حولها وأخذت تعدهم وبالفعل وجدتهم كما قالت سمر فلم تستطع السكوت أكثر من ذلك وقالت بلهفه :


- هو سمير زميلنا ده مش جاي معانا ولا إيه ؟


أطلقت سمر ضحكات متواصله وقالت :


- يا عيني دي البت هتموت ، عموما يا ستي سمير من ساعتها راح للدكتور وقعد يزن عليه ويقوله مش عايز أبقي في مجموعة البنات لحد ما الدكتور نقله وجاب بداله ساميه ، مش بقولك يا بنتي واد محترم


قفزت سلمي من مكانها بسعاده وقالت :


yeeeeees- ، أيوه كده بقي الواحد يعرف يشتغل براحته


ثم وكزتها في ذراعها بخفه وقالت :


- طيب ما قولتيش ليه من ساعتها يا رخمه ده أنا كنت متغاظه اوووي


ضحكت بإستفزار وقالت :


- ما إنتي مسألتيش !!
_________________________
الرجوع الى أعلى الصفحة اذهب الى الأسفل
https://olaa-elmasry.yoo7.com
 
قصة (( في الحلال ))
الرجوع الى أعلى الصفحة 
صفحة 9 من اصل 10انتقل الى الصفحة : الصفحة السابقة  1, 2, 3, 4, 5, 6, 7, 8, 9, 10  الصفحة التالية
 مواضيع مماثلة
-
»  أفضل مطاعم الحلال في انترلاكن سويسرا
» صادق الصباح وسمية الخشاب يحتفلان ببدء تصوير"الحلال"
» الجيش الثالث مقتل 3 تكفريين وضبط 3 آخرين وتدمير مخازن سلاح بجبل الحلال

صلاحيات هذا المنتدى:لاتستطيع الرد على المواضيع في هذا المنتدى
علا بنت الشاطىء :: ركن الادب والشعر :: قصص و روايات - قصص واقعية :: قسم خاص للقصص الطويلة الكاملة-
انتقل الى: